Jodhpur:ప్రైవేట్ టీచర్ దాష్టీకం.. భార్య, బిడ్డను చితకబాది అర్ధనగ్నంగా వీధిలో కూర్చోబెట్టి..
భర్త కొట్టిన దెబ్బలు, ఎండవేడి తాళలేక ఆ మహిళ గుండెలవిసేలా రోధిస్తున్న దృశ్యాలు అక్కడి సీసీ కెమెరాలో రికార్డయ్యాయి. ఆ వీడియో కాస్తా సోషల్ మీడియాలో వైరల్‌గా మారింది.
Updated on: Sep 14, 2022 | 8:36 AM
Jodhpur: భార్య, కూతురిపై అతి దారుణంగా దాడి చేసిన ఓ ప్రైవేట్ స్కూల్ టీచర్ నిర్వాకం అందరినీ విస్తు పోయేలా చేసింది. పిల్లలకు విద్యాబుద్ధులు నేర్పించాల్సిన పడి పంతులే బుద్ది లేకుండా ప్రవర్తించిన ఘటన అందరినీ షాక్‌కు గురయ్యేలా చేస్తుంది. భార్యకు పిచ్చిపట్టిందంటూ విచక్షణారహితంగా ఆమెను చిత్రహింసలకు గురిచేశాడు. అడ్డుపడిన కూతురిపై కూడా దారుణానికి ఒడిగట్టాడు. భార్య బిడ్డలను అర్థనగ్నంగా చేసి తీవ్రంగా కొట్టి..ఆరుబయట కూర్చోబెట్టాడు చదువుకున్న ఓ మూర్ఖపు టీచర్. ఈ దారుణ ఘటనకు సంబంధించిన వీడియో సోషల్ మీడియాలో వైరల్ కావడంతో ఆ వ్యక్తిని పోలీసులు అరెస్ట్‌ చేశారు. పూర్తి వివరాల్లోకి వెళితే..
రాజస్థాన్‌లో వెలుగు చూసిన ఓ ప్రైవేట్ స్కూల్ టీచర్ ఉదంతం చూస్తే ఎవరైనా బిత్తరపోవాల్సిందే. రాజస్తాన్‌, జోధాపూర్‌ జిల్లాలోని ఫలోడి టౌన్‌కు చెందిన కైలాష్‌ సుతర్‌ ఉపాధ్యాయుడిగా విధులు నిర్వర్తిస్తున్నాడు. అతడు తన భార్యను దారుణంగా కొట్టి చిత్రహింసలు పెడుతున్న వీడియో ఇది. ఆమెను విచక్షణా రహితంగా కొడుతూ అర్థన్నంగా చేశాడు. తల్లిని కొడుతుంటే చూడలేక ఆపటానికి వచ్చి కూతుర్ని కూడా వదల్లేదు. ఆమెపై కూడా దారుణంగా దాడి చేశాడు. ఆ తర్వాత భార్యను ఎండలో నిలబెట్టాడు.
భర్త కొట్టిన దెబ్బలు, ఎండవేడి తాళలేక ఆ మహిళ గుండెలవిసేలా రోధిస్తున్న దృశ్యాలు అక్కడి సీసీ కెమెరాలో రికార్డయ్యాయి. ఆ వీడియో కాస్తా సోషల్ మీడియాలో వైరల్‌గా మారింది. విషయం పోలీసుల దృష్టికి చేరటంతో.. ఉన్నతాధికారులు నిందితుడిపై చర్యలు తీసుకోవాలని ఆదేశించారు. పోలీసులు కేసు నమోదు చేసుకుని ముగ్గుర్ని పోలీస్‌ స్టేషన్‌కు పిలిపించారు.బాధితురాలు ఫిర్యాదు మేరకు వేధింపుల చట్టం కింద కేసు నమోదు చేస్తామని ఫలోదీ పోలీస్‌ అధికారి రాకేశ్‌ ఖ్యాలియా తెలిపారు.
మరిన్ని జాతీయ వార్తల కోసం ఇక్కడ క్లిక్ చేయండి
