Video: క్లినిక్ డోర్‌ ఆలస్యంగా తెరిచినందుకు డాక్టర్‌పై దాడి.. ఇంట్లోకి చొరబడి..
డాక్టర్‌ను, అతని కొడుకును విచక్షణ రహితంగా కొట్టారు. రోగుల బంధువులే ఈ దాడికి పాల్పడ్డారు. ఈ ఘటనకు సంబంధించిన సీసీటీవీ ఫుటేజీ సోషల్ మీడియాలో చక్కర్లు కొడుతోంది.
Video: క్లినిక్ తలుపులు తెరవడంలో ఆలస్యం చేశారనే ఆరోపణతో డాక్టర్‌ను, అతని కొడుకును విచక్షణ రహితంగా కొట్టారు. రోగుల బంధువులే ఈ దాడికి పాల్పడ్డారు. ఈ ఘటనకు సంబంధించిన సీసీటీవీ ఫుటేజీ సోషల్ మీడియాలో చక్కర్లు కొడుతోంది. ఈ ఘటన మహారాష్ట్రలోని బారామతిలో సెప్టెంబర్ 6న చోటుచేసుకుంది. ఆలస్యంగా వెలుగులోకి వచ్చిన ఈ దృశ్యంపై నెటిజన్లు తీవ్రంగా స్పందిస్తున్నారు. పూర్తి వివరాల్లోకి వెళితే..
యువరాజ్‌ గైక్వాడ్‌ అనే వైద్యుడు తన ఇంటి బయటే సాంగ్వి అనే చిన్న ఆయుర్వేద క్లినిక్‌ను నిర్వహిస్తున్నారు. సెప్టెంబర్ ఆరున గైక్వాడ్‌ డిన్నర్‌ చేస్తుండగా.. కొందరు డోర్‌ బెల్‌ మోగించారు. డోర్‌ తెరిచేందుకు ఆలస్యం కావడంతో ఆగ్రహించిన రోగి కుటుంబసభ్యులు కిటికీని పగులగొట్టారు. డోర్‌ తెరిచిన వైద్యునిపై విరుచుకుపడ్డారు. డాక్టర్‌ ఇంట్లోకి చొరబడి అతని కుమారునిపై కూడా దాడి చేశారు. మరో గదిలో ఉన్న మహిళలు భయంతో వారిని అడ్డుకునేందుకు యత్నించారు. ఈ ఘటనకు సంబంధించిన వీడియో సోషల్‌మీడియాలో వైరల్‌గా మారింది. ఈ ఘటనపై దర్యాప్తు జరుపుతున్నట్లు పోలీసులు తెలిపారు.
कैसे- कैसे लोग…!? बारामती के सांगवी में एक आयुर्वेदिक #Doctor ने देर से दरवाजा खोला तो मरीज के साथ आए लोगों ने डॉक्टर और उनके बेटे की जमकर पिटाई कर दी! मालेगांव पुलिस #FIR दर्ज कर जांच कर रही है। @ndtvvideos@ndtvindia pic.twitter.com/9deiLBsopZ
— sunilkumar singh (@sunilcredible) September 11, 2022
డాక్టర్‌ను కొట్టిన నలుగురిపై మాలెగావ్ పోలీసులు కేసు నమోదు చేశారు. ఫిర్యాదుపై విచారణ జరుపుతున్నారు.
