PM Modi in Gym: జిమ్‌లో వర్కౌట్స్ చేస్తోన్న ప్రధానమంత్రి మోడీ… ఫిట్ ఇండియా అంటూ సందేశం.. వీడియో వైరల్..

PM Modi in Gym: ఉత్తరప్రదేశ్‌లోని మీరట్‌లో మేజర్ ధ్యాన్ చంద్ స్పోర్ట్స్ యూనివర్సిటీకి ప్రధాని నరేంద్ర మోడీ ఆదివారం శంకుస్థాపన చేశారు. “ఫిట్ ఇండియా” అనే సందేశాన్ని దేశవ్యాప్తంగా వ్యాపింపజేస్తూ  స్పోర్ట్స్ యూనివర్సిటీ శంకుస్థాపన చేసిన తర్వాత ప్రధాన మంత్రి మోడీ జిమ్‌కి వెళ్లారు. ప్రధాని మోడీ జిమ్‌లో ఎక్సర్ సైజ్ చేస్తోన్న వీడియో సోషల్ మీడియాలో వైరల్‌గా మారింది.

మేజర్ ధ్యాన్ చంద్ స్పోర్ట్స్ యూనివర్సిటీ  శంకుస్థాపనకు వెళ్లిన మోడీ అక్కడి కాంప్లెక్స్‌లో ఉన్న జిమ్‌ను సంద‌ర్శించారు.  అంతేకాదు ప్రధాని మోడీ కొంచెం సేపు జిమ్‌లో ఎక్సర్‌సైజ్ చేశారు. బాడీవెయిట్ లాట్‌పుల్ మెషిన్‌తో ఎక్సర్‌సైజ్ చేశారు. దాదాపు 15 సార్లు ఆ మెషిన్‌ను కిందికి పైకి చేస్తూ ఎక్సర్‌సైజ్ చేశారు. ఈ వీడియో సోష‌ల్ మీడియాలో షికారు చేస్తోంది.

అయితే ప్రధాని మోడీ ఫిట్ నెస్ కు అత్యధిక ప్రాధాన్యత ఇస్తారనన్న సంగతి తెలిసిందే.  ఆయన రోజూ ఉదయం వ్యాయామం, యోగా ను చేస్తారు. అంతేకాదు  దేశ ప్రజలు ఆరోగ్యవంతంగా ఉండాలంటే ఇది పాటించండి అంటూ మోడీ  ఓ మంత్రం కూడా ఇచ్చారు. “ఫిట్ నెస్ డోస్, రోజూ అరగంట” అనే మంత్రం. ప్రజల ఆరోగ్యం, ఆనందం ఈ మంత్రంలో దాగి  ఉందని చెప్పిన సంగతి తెలిసిందే.

#Modi in Gym

I am fit for twenty four and for twenty nine too.#Meerut #NarendraModi #BJP #KhelKhelMein pic.twitter.com/LWKXhyEQrc

— Madhaw Tiwari (@MadhawTiwari) January 2, 2022

అంతేకాదు .. మనం క్రమం తప్పకుండా వ్యాయామం చేసినప్పుడు, మనం ఫిట్ గా మరియు ఆరోగ్యంగా ఉంటాం. ఇది ఆత్మవిశ్వాసాన్ని తీసుకొస్తుంది. ఆ ఆత్మవిశ్వాసం వివిధ రంగాల్లో విజయాన్ని అందిస్తుంది’ అని  మోడీ చెప్పిన సంగతి తెలిసిందే. యోగా, భంగిమ, వ్యాయామం, నడక, రన్నింగ్, హెల్తీ డైట్, స్విమ్మింగ్ ఇవన్నీ మన దినచర్యలో భాగం గా మార్చుకోవాలని ప్రధాని మోడీ చెప్పారు.

Also Read:  శనిప్రభావాన్ని నివారించే హనుమాన్ చాలీసా.. రోజుకు ఎన్నిసార్లు, ఎక్కడ పఠించాలంటే..