Watch Video: కొంచెం అయితే ప్రాణం పోయేది.. రెప్పపాటులో మహిళను కాపాడిన కానిస్టేబుల్.. వీడియో

కదులుతున్న రైలు నుంచి జారిపడిన ఓ మహిళను ఓ రైల్వే పోలీసు కాపాడాడు. ఈ సంఘటన ఒడిశాలోని భువనేశ్వర్‌లో చోసుకుంది.

Viral Video

Shaik Madar Saheb |

Updated on: May 12, 2022 | 1:58 PM

Railway Cop saves Womans life: కదులుతున్న రైలు ఎక్కవద్దని.. అలాగే దిగొద్దంటూ తరచూ రైల్వే నిత్యం ప్రచారం చేస్తూనే ఉంటుంది. కానీ చాలా మంది ప్రయాణికులు అలాంటి సూచనలు, సలహాలను పట్టించుకోకుండా ప్రమాదంలో పడుతుంటారు. ఇలాంటి సంఘటనలు ఈ మధ్యకాలంలో చాలానే జరుగుతున్నాయి. తాజాగా కదులుతున్న రైలు నుంచి జారిపడిన ఓ మహిళను ఓ రైల్వే పోలీసు (ఆర్పీఎఫ్ కానిస్టేబుల్) కాపాడాడు. ఈ సంఘటన ఒడిశాలోని భువనేశ్వర్‌లో చోసుకుంది. పలాస – కటక్‌ ఎక్స్‌ప్రెస్‌ రైలు భువనేశ్వర్‌ రైల్వేస్టేషన్‌కు వచ్చింది. ఈ సమయంలో.. రైలు ఆగకముందే అందులో నుంచి దిగడానికి ఓ మహిళ ప్రయత్నించింది. అయితే.. ఆమె పట్టుతప్పి.. రైలుకు, ప్లాట్‌ఫామ్‌కు మధ్య ఉన్న ఖాళీ ప్రదేశంలో పడబోయింది.

ఈ క్రమంలో అక్కడే ఉన్న ఆర్‌పీఎఫ్ హెడ్ కానిస్టేబుల్ ఎస్ ముండా.. గమనించి ఆమెను రెప్పపాటులో రక్షించాడు. ఆమె పడ్డ వెంటనే మరో మహిళ కూడా ప్లాట్‌ఫాంపై దూకింది. ఈ ఘటనకు సంబంధించిన దృశ్యం స్టేషన్‌లో ఉన్న సీసీటీవీ కెమెరాలో రికార్డయింది. ప్రస్తుతం ఈ వీడియో నెట్టింట వైరల్ అవుతోంది.

ఇవి కూడా చదవండి

వీడియో..

#WATCH | Odisha: Railway Protection Force (RPF) head constable S Munda saved the life of a lady passenger by saving her from falling into the gap between the platform and the train at Bhubaneswar Railway Station yesterday, May 11

(Video Source: Indian Railways) pic.twitter.com/uMiLV4apbs

— ANI (@ANI) May 11, 2022

చాకచక్యంగా వ్యవహరించి మహిళను రక్షించిన కానిస్టేబుల్‌ ముండాను నెటిజన్లతోపాటు, అధికారులు ప్రశంసించారు. రైల్వే అడిషనల్ జనరల్ ఆఫ్ పోలీస్ సుధాన్షు సారంగి ఈ వీడియోను ట్వీట్ చేయగా.. చాలా మంది నెటిజన్లు దానిని షేర్‌ చేసి కానిస్టేబుల్‌ను అభినందిస్తున్నారు.

మరిన్ని జాతీయ వార్తల కోసం ఇక్కడ క్లిక్ చేయండి..