దారుణం.. కుప్పకూలిన బావి.. శిథిలాల కింద కూరుకుపోయిన ముగ్గురు..!

మధ్యప్రదేశ్‌లో పెను ప్రమాదం సంభవించింది. చింద్వారా జిల్లా ఖునాజీర్ ఖుర్ద్ గ్రామంలో పాత బావిలో చెత్తను తొలగిస్తుండగా ప్రమాదం చోటు చేసుకుంది. బావి అకస్మాత్తుగా లోపలికి రావడంతో శిథిలాల కింద ఒక మహిళ సహా మరో ఇద్దరు సమాధి అయ్యారు. బావి కూలిన సమాచారం అందిన వెంటనే గ్రామంలో భయాందోళన నెలకొంది. గ్రామ ప్రజలు సంఘటనా స్థలానికి చేరుకున్నారు. శిథిలాల కింద కూరుకుపోయిన కూలీలతో పని చేస్తున్న ఇతర కార్మికులు వెంటనే పోలీసులకు సమాచారం అందించారు. సంఘటన గురించి సమాచారం అందిన వెంటనే, NDRF బృందంతో పాటు పోలీసులు, అధికారులు సంఘటనా స్థలానికి చేరుకుంది. ప్రస్తుతం రెస్క్యూ ఆపరేషన్ కొనసాగుతోంది.

ఘటనా స్థలానికి చేరుకున్న కలెక్టర్ శిలేంద్ర సింగ్.. ఖునాజీర్ ఖుర్ద్ గ్రామంలోని ఓ రైతు బావిలో పేరుకుపోయిన చెత్తను తొలగిస్తున్నట్లు తెలిపారు. ఇంతలో బావి కూలిపోవడంతో ముగ్గురు కూలీలు శిథిలాల కింద ఖననం అయ్యారు. వారందరూ సెహోర్ నివాసితులు రషీద్, బాషిద్, షెహజాదిగా గుర్తించారు.ప్రస్తుతం కార్మికులను రక్షించేందుకు రెస్క్యూ ఆపరేషన్‌ జరుగుతోంది. ముగ్గురు కూలీల ముఖాలు కనిపిస్తున్నాయి. కాబట్టి ఆక్సిజన్‌ ​​అవసరం లేదని కలెక్టర్ శిలేంద్ర సింగ్ తెలిపారు.

సంఘటనా స్థలంలో నాలుగు అంబులెన్స్‌లను ఏర్పాటు చేశామని, ఈ ముగ్గురు కూలీలను త్వరలోనే సురక్షితంగా బయటకు తీస్తామని కలెక్టర్ శీలేంద్ర సింగ్ తెలిపారు. 30 మంది సభ్యులతో కూడిన ఎన్‌డిఆర్‌ఎఫ్ బృందం ముగ్గురు కూలీలను రక్షించేందుకు అన్ని విధాలా ప్రయత్నిస్తోంది. అర్థరాత్రి వరకు, సీనియర్ పోలీసులు, అధికారులు కూడా సంఘటనా స్థలంలో ఉన్నారు. మరికొద్ది గంటల్లో ముగ్గురు కార్మికులను సురక్షితంగా రక్షించే అవకాశం ఉంది. ప్రస్తుతం కార్మికుల గళం వినిపిస్తూనే ఉంది. బావిలో నీరు నిండడంతో రక్షించడంలో ఇబ్బంది ఏర్పడింది. అటువంటి పరిస్థితిలో, మోటార్ ద్వారా నీటిని తొలగించిన తరువాత, మళ్ళీ సహాయక చర్యలు కొనసాగుతున్నాయని కలెక్టర్ తెలిపారు.

గ్రామస్తుల నుంచి అందిన సమాచారం మేరకు ఆ బావి చాలా పాతది. పొలాల్లో సాగుకు నీరు లేకపోవడంతో మరింత లోతు చేస్తున్నారు. అదే చెత్తాచెదారాన్ని తొలగించే పనిని కార్మికులు చేస్తున్నారు. అయితే బ్లాస్టింగ్ కారణంగా అది మరింత బలహీనంగా మారింది. కార్మికులు యంత్రం సహాయంతో శిథిలాలను తొలగిస్తుండగా, ప్రమాదం జరిగింది.

మరిన్ని జాతీయ వార్తల కోసం ఇక్కడ క్లిక్ చేయండి..