పక్కింటి మహిళతో తండ్రి ఎఫైర్‌.. ఆ పనిలో ఉండగా.. కొడుకు చూశాడని దారుణం..

ఓ తండ్రి దారుణానికి పాల్పడ్డాడు. మహిళతో అక్రమ సంబంధం పెట్టుకోవడాన్ని చూసిన 15 ఏళ్ల కుమారుడ్ని దారుణంగా చంపాడు. చేతులు నరికి చిత్ర హింసలకు గురిచేశాడు. ఆ తర్వాత గొంతునులిమి దారుణంగా చంపాడు.

Affair

Shaik Madar Saheb |
Updated on: Dec 11, 2022 | 5:34 PM

ఓ తండ్రి దారుణానికి పాల్పడ్డాడు. మహిళతో అక్రమ సంబంధం పెట్టుకోవడాన్ని చూసిన 15 ఏళ్ల కుమారుడ్ని దారుణంగా చంపాడు. చేతులు నరికి చిత్ర హింసలకు గురిచేశాడు. ఆ తర్వాత గొంతునులిమి దారుణంగా చంపాడు. చేతులను బావిలో.. మృతదేహాన్ని చెట్ల పొదల్లో పడేశాడు. చివరకు పోలీసుల దర్యాప్తులో దొరికిపోయాడు. ఈ షాకింగ్ ఘటన మధ్యప్రదేశ్‌లోని దేవాస్ జిల్లాలో వెలుగుచూసింది. పోలీసులు తెలిపిన వివరాల ప్రకారం.. బరోథా పోలీస్ స్టేషన్ పరిధిలోని బంగార్డ గ్రామానికి చెందిన 45 ఏళ్ల వ్యక్తికి, బంధువైన 35 ఏళ్ల మహిళతో కొంతకాలం నుంచి వివాహేతర సంబంధం కొనసాగుతోంది. ఈ క్రమంలో సోమవారం ఆ మహిళతో తండ్రి సన్నిహితంగా ఉండటాన్ని 15 ఏళ్ల కుమారుడు చూశాడు. భయపడిన తండ్రి.. ఈ విషయాన్ని ఎవరికైనా చెబుతాడేమోనని అనుమానించాడు. అనంతరం కొడుకును ఇంట్లోకి పిలిచి దారుణంగా హత్య చేశాడు. మొదట ఆ వ్యక్తి కుమారుడి చేతులు నరికాడు. అనంతరం నరికిన చేతులను 400 అడుగుల లోతైన బావిలో పడేశాడు. ఆ తర్వాత కుమారుడిని గొంతునులిమి హత్య చేసి సమీపంలోని పొలంలో మృతదేహాన్ని పడేశాడు.

ఈ క్రమంలో మంగళవారం సాయంత్రం బాలుడి మృతదేహాన్ని గుర్తించిన స్థానికులు.. పోలీసులకు సమాచారం ఇచ్చారు. అనంతరం చేతులు తెగి ఉన్న బాలుడి మృతదేహాన్ని స్వాధీనం చేసుకున్న పోలీసులు ఆసుపత్రికి తరలించి పోస్ట్‌మార్టం నిర్వహించారు. గొంతునులిమి హత్య చేసినట్లు నిర్ధారణ కావడంతో.. పోలీసులు బాలుడి తండ్రిని ప్రశ్నించారు. కుమారుడు అదృశ్యమైనప్పటికీ ఎందుకు ఫిర్యాదు చేయలేదంటూ ప్రశ్నించారు. ఈ సమయంలో అతని మాటలపై సందేహం రావడంతో.. తమదైన శైలిలో ప్రశ్నించారు. చివరకు కొడుకును తానే హత్య చేసినట్లు నిందితుడు ఒప్పుకున్నాడు.

నిందితుడి సమాచారంతో హత్యకు వినియోగించిన తాడు, కొడవలి, నరికిన చేతులను పోలీసులు స్వాధీనం చేసుకున్నట్లు పోలీసులు తెలిపారు. నిందితుడు, అతడి ప్రియురాలిని శుక్రవారం అరెస్ట్‌ చేసినట్లు దేవాస్ పోలీస్‌ అధికారి వెల్లడించారు.

ఇవి కూడా చదవండి