‘భారత మాత’ మతపరమైన చిహ్నం ఎలా అవుతుంది.. సూటిగా ప్రశ్నించిన కేరళ హైకోర్టు

జూలై 2న కేరళ విశ్వవిద్యాలయంలో జరిగిన కార్యక్రమం తర్వాత, విశ్వవిద్యాలయ రిజిస్ట్రార్‌ను సస్పెండ్ చేశారు. కార్యక్రమంలో చూపిన వివాదాస్పద చిత్రం, అనుమతి లేకుండా కార్యక్రమం నిర్వహించడంపై ఆ రాష్ట్ర గవర్నర్ ఆగ్రహం వ్యక్తం చేశారు. కార్యక్రమంలో భారత మాత కాషాయ జెండాను మోసుకెళ్తున్నట్లు చూపించారు. దీనిపై గవర్నర్ అసంతృప్తి వ్యక్తం చేశారు. వైస్ ఛాన్సలర్ నుండి నివేదిక కోరారు. దర్యాప్తు తర్వాత నివేదిక సమర్పించారు. దీంతో రిజిస్ట్రార్‌ను సస్పెండ్ చేశారు. ఈ కేసులో, రిజిస్ట్రార్ హైకోర్టును ఆశ్రయించారు.

కేరళ విశ్వవిద్యాలయ రిజిస్ట్రార్ సస్పెన్షన్‌ను సవాలు చేస్తూ దాఖలైన పిటిషన్‌ను విచారించిన కేరళ హైకోర్టు, భరతమాత ఎలా మతపరమైన చిహ్నంగా అవుతుందని, ఆమె చిత్రాన్ని ప్రదర్శించడం వల్ల శాంతిభద్రతల సమస్య ఎలా ఏర్పడుతుందని ప్రశ్నించింది. రిజిస్ట్రార్ మధ్యంతర పిటిషన్‌ను తిరస్కరించిన హైకోర్టు పోలీసుల నుండి వివరణాత్మక నివేదికను కోరింది. విశ్వవిద్యాలయ ఉపకులపతి రిజిస్ట్రార్‌ను సస్పెండ్ చేయడంపై కూడా కోర్టు ప్రశ్నలు లేవనెత్తింది. ఆ ఫోటోలో అంత రెచ్చగొట్టేది ఏమిటి? దానిని పోస్ట్ చేయడం ద్వారా కేరళలో శాంతిభద్రతల సమస్య ఎందుకు తలెత్తవచ్చు? అంటూ కేరళ హైకోర్టు వివరణ కోరింది.

విశ్వవిద్యాలయ ఛాన్సలర్ అయిన గవర్నర్ స్వయంగా ఈ కార్యక్రమానికి హాజరైనప్పుడు, ఆయన అనుమతి లేకుండా కార్యక్రమాన్ని ఎందుకు నిర్వహించి, ఆయన అనుమతి లేకుండా ఎందుకు రద్దు చేశారని కేరళ హైకోర్టు రిజిస్ట్రార్‌కు స్పష్టంగా చెప్పింది. రిజిస్ట్రార్ తనపైస వచ్చిన ఆరోపణలను తోసిపుచ్చారు. గవర్నర్ వేదిక వద్దకు చేరుకోవడానికి ముందే నోటీసు జారీ చేశారని, దానిని నిరూపించడానికి తన వద్ద ఆధారాలు ఉన్నాయని చెప్పారు. కేసు తదుపరి విచారణ జూలై 7న జరగనుంది.

అయితే, ఈ ఫోటో ప్రదర్శన విషయంలో సీపీఐ(ఎం) విద్యార్థి విభాగాలు, బీజేపీ విద్యార్థి సంఘాలు – భారత విద్యార్థి సమాఖ్య (ఎస్‌ఎఫ్‌ఐ) విద్యార్థి సంఘం (ఏబీవీపీ) విద్యార్థి సంఘాల మధ్య ఘర్షణ జరిగింది. ఈ కారణంగా కార్యక్రమాన్ని రద్దు చేసినట్లు పిటిషనర్ కోర్టుకు తెలిపారు.

మరిన్ని జాతీయ వార్తల కోసం ఇక్కడ క్లిక్ చేయండి..