IRCTC New Rules: గురకపెట్టి నిద్రపోవడం.. ఫోన్లో గట్టిగా మాట్లాడటం ఇక కుదరదు.. కొత్త రూల్స్ వచ్చేస్తున్నాయి..

రైల్వేలు ప్రయాణికుల సౌకర్యార్థం ఎప్పటికప్పుడు మార్పులు చేస్తూనే  ఉంది ఇండియన్ రైల్వే. ప్రయాణికులు ఎలాంటి ఇబ్బంది లేకుండా ప్రయాణాన్ని పూర్తి చేయాలన్నదే ఇండియన్ రైల్వే ప్రధాన లక్ష్యం. దీన్ని దృష్టిలో ఉంచుకుని రైల్వేశాఖ రాత్రిపూట ప్రయాణికులకు నిద్రాభంగం కలగకుండా నిబంధనలను మార్చబోతోంది ఇండియన్ రైల్వే. ఎందుకంటే కొందరు రాత్రిపూట నిద్రించే సమయంలో శబ్దం చేస్తూ ప్రయాణికులకు ఇబ్బంది కలిగించడం తరచుగా మనం చూస్తుంటాం. దీంతో ప్రయాణికులు రాత్రిపూట నిద్రలో ఇబ్బందులు పడుతుంటారు. రాత్రిపూట కంపార్ట్‌మెంట్ లోపల, వెలుపల నిద్రిస్తున్నప్పుడు, కోచ్‌లో ఇతరులతో బిగ్గరగా మాట్లాడటం, బిగ్గరగా సంగీతం వినడం  లేదా కాల్‌లో మాట్లాడటం చేస్తుంటారు. ఇలాంటి వారికి చెక్ పెట్టేందుకు కంపార్ట్‌మెంట్ లోపల, వెలుపల శబ్దం చేయకూడదని రైల్వే ప్రజలకు కఠినమైన సూచనలు చేసింది. దీనికి సంబంధించి భారతీయ రైల్వే కొత్త నిబంధనను తీసుకొచ్చింది. ఈ నిబంధనలు త్వరలో అమలులోకి వస్తాయి. నిబంధనలు పాటించనందుకు జరిమానా కూడా పడే అవకాశం ఉంది.

కొత్త నిబంధనల ప్రకారం, రాత్రి సమయాల్లో సంగీతం వినడానికి, బిగ్గరగా మాట్లాడటానికి, శబ్దం చేయడానికి లేదా కాల్‌లో బిగ్గరగా మాట్లాడటానికి అనుమతి ఉండదు. ప్రయాణికులు సులువుగా నిద్రపోయేలా, ఎలాంటి ఇబ్బంది లేకుండా ప్రయాణించేలా రైల్వేశాఖ ఈ కొత్త రూల్ తీసుకొచ్చింది. ఈ కొత్త నిబంధన అమల్లోకి వచ్చిన తర్వాత ప్రయాణికుల ప్రయాణం ప్రశాంతంగా ఉండడంతోపాటు సౌకర్యవంతంగా ఉండే అవకాశం ఉంది.

మరోవైపు, ఎవరైనా ప్రయాణీకుడు మరో ప్రయాణికుడికి ఇబ్బందిని కలిగిస్తే చర్య తీసుకోవడంతోపాటు.. వారికి జరిమానా విధించవచ్చు. దీని గురించి మీరు రైలు సిబ్బందికి ముఖ్యంగా టీటీకి ఫిర్యాదు చేయవచ్చు. దీని తర్వాత, ఆ ప్రయాణికుడిపై తక్షణ చర్యలు తీసుకుంటారు.

ఇలాంటి పరిస్థితుల్లో రాత్రి నిద్రించే సమయంలో ఇలాంటి పనులు చేయవద్దని రైల్వే అధికారులు అతనికి మొదటిసారిగా హెచ్చరిస్తారు. అయితే మీరు రాత్రిపూట వీడియో చూస్తున్నట్లయితే.. మీరు ఇయర్‌ఫోన్ వంటి పరికరాన్ని ఉపయోగించాల్సి ఉంటుంది.. తద్వారా ఎవరికీ ఇబ్బంది ఉండదు.

మరిన్ని జాతీయ వార్తల కోసం