రైల్వేల ‘ప్రైవేటీకరణ’? బిడ్డింగ్ ప్రక్రియ పొడిగింపు

రైల్వే శాఖను కూడా కేంద్రం ప్రైవేటీకరిస్తుందా అన్న అనుమానాలు కలుగుతున్నాయి. ప్రైవేట్ ప్లేయర్ ట్రెయిన్ ప్రాజెక్టు బిడ్డింగ్ ప్రక్రియను రైల్వే శాఖ నెల పాటు పొడిగించింది.  వచ్ఛేనెల 8 నాటికి ఇది ముగియవలసి ఉండగా అక్టోబరు 7 వరకు పొడిగించారు. బిడ్డింగ్ రెండో ప్రక్రియకు ముందు ఈ నెల 12 న ఇందులో పాల్గొన్న ప్రైవేటు కంపెనీలు ఈ  ప్రాజెక్టు బిడ్డింగ్ ప్రాసెస్ ను మరికొంతకాలం పొడిగించాలని కోరాయి. దీంతో ఈ అభ్యర్థనను అంగీకరించిన రైల్వే శాఖ బిడ్డింగ్ తేదీని నెలపాటు పొడిగిస్తూ ఈ నెల 21 న నిర్ణయం తీసుకుంది. రెండవ, ఫైనల్ బిడ్డింగ్ లో 23 ప్రైవేటు కంపెనీలు పాల్గొన్నాయి. ఇండియన్ రైల్వేస్ నెట్ వర్క్ లో ప్యాసింజర్ రైళ్ల నిర్వహణకు ప్రైవేటు పెట్టుబడులను ఆహ్వానించడం ఇదే మొదటిసారి. ఈ ప్రాజెక్టు కింద సుమారు 30 వేల కోట్ల పెట్టుబడులు రావచ్ఛునని అంచనా.