Rainfall: భారతదేశంపై ‘ఎల్ నినో’ పంజా.. ఈ ఏడాది వానలు తగ్గుతాయా? వాతావరణ శాఖ కీలక ప్రకటన!

IMD Big Update: భారతదేశ వ్యవసాయ రంగాన్ని, ఆర్థిక వ్యవస్థను శాసించే నైరుతి రుతుపవనాలకు ఈ ఏడాది సరికొత్త సవాలు ఎదురుకానుంది. పసిఫిక్ మహాసముద్రంలో ‘ఎల్ నినో’ పరిస్థితులు అధికారికంగా ఏర్పడ్డాయని భారత వాతావరణ శాఖ (IMD) ధృవీకరించింది. రానున్న నెలల్లో ఇది మరింత బలంగా మారే అవకాశం ఉందని ఐఎండీ వెల్లడించింది.

సాధారణంగా ఎల్ నినో ఏర్పడితే భారతదేశంలో వర్షపాతం తగ్గడం, సుదీర్ఘమైన పొడి వాతావరణం (వర్షాల్లేని రోజులు), తీవ్రమైన ఎండలు వంటి పరిస్థితులు ఎదురవుతాయి. కొన్నేళ్లలో ఇది తీవ్ర కరవు పరిస్థితులకు కూడా దారితీసే అవకాశం ఉందని తెలుస్తోంది. ఈ నేపథ్యంలో ఈ ఏడాది రుతుపవనాల గమనం ఎలా ఉండబోతోంది? దీనివల్ల సామాన్యుడిపై ఎలాంటి ప్రభావం పడుతుంది? అనే పూర్తి వివరాలు తెలుసుకుందాం.

ఇది కూడా చదవండి: Gold Price: బంగారం ధర ప్రతిరోజూ ఎందుకు మారుతుంది.. ధరను ఎవరు నిర్ణయిస్తారు? ఎవ్వరికి తెలియని విషయాలు!

ఇవి కూడా చదవండి

మస్క్‌ మామా మజాకా..? ప్రపంచంలోనే తొలి ట్రిలియనీర్‌..!

ఇక వాట్సాప్‌లో మెసేజ్‌లను 2 వారాల ముందు షెడ్యూల్‌ చేసుకోవచ్చు..!

ఎన్ని EMIలు చెల్లించకపోతే బ్యాంకు మీ ఇంటిని వేలం వేస్తుంది?

తెలుగు రాష్ట్రాల్లో బంగారం, వెండి ధరలు ఇవే.. తగ్గిందా? పెరిగిందా?

రాబోయే నెలల్లో ‘ఎల్ నినో’ ఎంత బలంగా మారనుంది?

వాతావరణ శాఖ అంచనాల ప్రకారం.. రుతుపవనాల సీజన్ ముగిసేవరకు ఎల్ నినో బలహీనపడే అవకాశం లేదు. పైగా ఇది మరింత బలపడనుంది. పసిఫిక్ మహాసముద్రంలో ఉపరితల ఉష్ణోగ్రతలు సాధారణం కంటే ఎక్కువగా నమోదవుతున్నాయి. జూలై నుండి సెప్టెంబర్ మధ్య కాలంలో ఈ ఎల్ నినో ‘మధ్యస్థం నుండి తీవ్రంగా’ మారే ప్రమాదం ఉందని నిపుణులు హెచ్చరిస్తున్నారు. భారతదేశంలో ఎక్కువ వర్షపాతం నమోదయ్యేది ఈ మూడు నెలల్లోనే కావడం ఇప్పుడు ఆందోళన కలిగిస్తోంది.

వర్షాలపై పడే ప్రభావం ఎంత?

గత చరిత్రను పరిశీలిస్తే, ఎల్ నినో వచ్చిన ప్రతిసారీ దేశంలో సాధారణం కంటే తక్కువ వర్షపాతం నమోదైంది. దీనివల్ల దేశంలోని కొన్ని ప్రాంతాల్లో వర్షాలు తగ్గిపోవడం, పంటలు ఎండిపోవడం, ఉష్ణోగ్రతలు పెరగడం వంటి సమస్యలు వస్తాయి. దీని ప్రభావం వ్యవసాయం, జలాశయాల్లో నీటి నిల్వలు, ప్రజల రోజువారీ జీవితంపై చూపుతుంది. అయితే, వర్షాలు అనేవి కేవలం ఎల్ నినోపైనే ఆధారపడి ఉండవని, ఇతర వాతావరణ మార్పుల వల్ల కూడా ప్రభావం మారుతుందని ఐఎండీ పేర్కొంది.

‘ఇండియన్ ఓషన్ డైపోల్’ (IOD) పరిస్థితి ఏంటి?

భారతదేశ రుతుపవనాలను ప్రభావితం చేసే మరో కీలక వాతావరణ పద్ధతి ‘ఇండియన్ ఓషన్ డైపోల్’ (IOD). సాధారణంగా ఐఓడీ గనుక ‘పాజిటివ్’ (అనుకూలంగా) ఉంటే, అది ఎల్ నినో వల్ల కలిగే నష్టాన్ని తగ్గించి దేశంలో మంచి వర్షాలు కురవడానికి సహాయపడుతుంది. కానీ, ఈ ఏడాది ఐఓడీ ‘న్యూట్రల్’ (తటస్థంగా) ఉండే అవకాశం ఉందని ఐఎండీ స్పష్టం చేసింది. అంటే, ఇది రుతుపవనాలకు అటు పెద్దగా సహాయం చేయదు. ఇటు నష్టం కూడా కలిగించదు. ఫలితంగా, ఎల్ నినో ప్రభావాన్ని తట్టుకోవడానికి హిందూ మహాసముద్రం నుండి మనకు పెద్దగా మద్దతు లభించకపోవచ్చు.

అసలు ‘ఎల్ నినో’ అంటే ఏంటి? భారత్ ఎందుకు భయపడుతుంది?

పసిఫిక్ మహాసముద్రంలోని భూమధ్యరేఖ ప్రాంతంలో సముద్ర ఉపరితల ఉష్ణోగ్రతలు అసాధారణంగా పెరగడాన్ని ‘ఎల్ నినో’ అంటారు. ఇది భారతదేశానికి వేల మైళ్ల దూరంలో ప్రారంభమైనప్పటికీ, ప్రపంచవ్యాప్త వాతావరణాన్ని మార్చేసే శక్తి దీనికి ఉంది.

ఇది కూడా చదవండి: Best Bike: మైలేజ్ కింగ్ అంటే ఇదే.. 70 కిలోమీటర్ల మైలేజ్.. ధర కేవలం రూ.80 వేలే..!

మన దేశంలో వ్యవసాయం, తాగునీరు, జలవిద్యుత్ ఉత్పత్తి పూర్తిగా రుతుపవనాలపైనే ఆధారపడి ఉన్నాయి. ఎల్ నినో వల్ల వర్షాలు తగ్గితే పంటల దిగుబడి పడిపోతుంది. ఆహార ధాన్యాల ధరలు ఆకాశాన్నంటుతాయి. అలాగే దేశంలో తీవ్ర నీటి ఎద్దడి ఏర్పడే ప్రమాదం ఉంది. అందుకే భారతదేశం ఎల్ నినో పేరు వింటేనే ఆందోళన చెందుతుంది. ప్రస్తుతం వాతావరణ నిపుణులు రుతుపవనాల కదలికలను నిరంతరం నిశితంగా గమనిస్తున్నారు. అయితే ఈ రుతుపవనాల సీజన్‌లో ఇది మరింత తీవ్రరూపం దాల్చే అవకాశం ఉందని.. పర్యావరణంపై ప్రతికూల ప్రభావం చూపనుందని వాతావరణ శాఖ హెచ్చరించింది. దేశంలో రుతుపవనాలపై ఎల్‌నినో ప్రతికూల ప్రభావం ఉంటుందని పేర్కొంది. అత్యధిక వర్షపాతం నమోదయ్యే నైరుతి రుతుపవనాల్లో ఈసారి వర్షపాతం తగ్గుతుందని అంచనా వేసింది. ఎల్‌నినో ప్రభావానికి అత్యంత ఎక్కువగా గురయ్యే అవకాశం ఉన్న 197 జిల్లాలను కేంద్ర ప్రభుత్వం గుర్తించిందని కేంద్ర వ్యవసాయశాఖ మంత్రి శివరాజ్ సింగ్ చౌహాన్ తెలిపారు. పంట నష్టభయాలను తగ్గించడానికి రాష్ట్రాల వారీగా అత్యవసర ప్రణాళికలను రూపొందించామని వెల్లడించారు.

ఇది కూడా చదవండి: Gold Price Today: తెలుగు రాష్ట్రాల్లో బంగారం, వెండి ధరలు ఇవే.. తగ్గిందా? పెరిగిందా..?