Kichcha Sudhhep: ఎన్నికల్లో బీజేపీ నుంచి పోటీ చేయడంపై కన్నడ నటుడు కిచ్చా సుదీప్ క్లారిటీ..
కన్నడ ప్రముఖ నటుడు కిచ్చా సుదీప్ బీజేపీలో చేరుతున్నట్లు.. ఆ పార్టీ తరపున రానున్న అసెంబ్లీ ఎన్నికల్లో పోటి చేయనున్నట్లు ఇటీవల జోరుగా ప్రచారాలు జరిగాయి. అయితే దీనిపై సుదీప్ స్పందించారు.
Updated on: Apr 05, 2023 | 3:05 PM
కన్నడ ప్రముఖ నటుడు కిచ్చా సుదీప్ బీజేపీలో చేరుతున్నట్లు.. ఆ పార్టీ తరపున రానున్న అసెంబ్లీ ఎన్నికల్లో పోటి చేయనున్నట్లు ఇటీవల జోరుగా ప్రచారాలు జరిగాయి. అయితే దీనిపై సుదీప్ స్పందించారు. తాను అసెంబ్లీ ఎన్నికల్లో పోటీ చేయడం లేదని స్పష్టం చేశారు. అయితే బీజీపీ కోసం ప్రచారం చేస్తానని తెలిపారు. అయితే కొన్ని రోజుల క్రితం కర్ణాటక ముఖ్యమంత్రి బసవరాజ్ బొమ్మై, ఇతర నేతల సమక్షంలో కిచ్చ సుదీప్ బీజేపీ లో చేరే అవకాశం ఉందని ఈ పార్టీ వర్గాలు తెలిపాయి. కానీ సుధీప్ కేవలం ప్రచారం చేస్తానని చెప్పడంతో ఊహగానాలకు తెరపడినట్లైంది. మరోవైపు సుదీప్ మద్దతు ఉంటే పార్టీకి గొప్ప ప్రయోజనం ఉంటుందని కర్ణాటక రవాణా శాఖ మంత్రి శ్రీరాములు తెలిపారు. జేడీఎస్ నేతలు, ఇతర సినీ నటులు కూడా పార్టీలో చేరుతున్నారని..వాళ్ల రాకతో బీజేపీ మరింత బలపడుతుందని.. ఈసారి 100 శాతం ఓట్లు సాధిస్తామని పేర్కొన్నారు.
ప్రజలు తమ పార్టీపై ఎంతో విధేయతను చూపిస్తున్నారని..మళ్లీ ఈసారి కూడా బీజేపీ ప్రభుత్వం రావాలని కోరుకుంటున్నారని తెలిపారు. ఇదిలా ఉండగా కిచ్చా సుదీప్ మేనేజర్ అయిన జాక్ మంజు కు బుధవారం రోజున ఓ గుర్తు తెలియని వ్యక్తి నుంచి ఓ లెటర్ అందిందని పోలీసులు తెలిపారు. ఆ నటుడుకి సంబంధించిన ప్రైవేట్ వీడియోను విడుదల చేస్తామంటూ బెదిరింపులకు పాల్పడ్డారని ఆరోపించారు. అయితే ఈ విషయంపై పోలీసులు ఇప్పటికే కేసు నమోదు చేశారు. మరోవైపు వచ్చే నెల 10 వ తేదీన కర్ణాటక అసెంబ్లీ ఎన్నికలు జరగనున్నాయి.
మరిన్ని జాతీయ వార్తల కోసం ఈ లింక్ క్లిక్ చేయండి..
