High Court: వ్యభిచారాన్ని నిరూపించేందుకు ఈ ఫొటోలు మాత్రమే సరిపోవు.. ప్రతి నెల రూ. 30 కట్టాల్సిందే.. హైకోర్టు సంచలన తీర్పు

వివాహేతర సంబంధం పెట్టుకుని భార్య నుంచి విడాకులు కోరిన భర్తపై గుజరాత్ కోర్టు తోసిపుచ్చింది. వ్యభిచారాన్ని రుజువు చేసేందుకు భర్త సమర్పించే సాధారణ ఫోటోలు సరిపోవని కోర్టు తేల్చి చెప్పింది. భార్య వ్యభిచార జీవితం గడుపుతున్నట్లు కేవలం ఫొటోలు మాత్రమే రుజువు చేయలేవని హై కోర్టు పేర్కొంది. తన భార్యకు అక్రమ సంబంధం ఉందని, అందువల్ల భరణం పొందే అర్హత లేదని భర్త కోర్టులో వాదించాడు.వివాహేతర సంబంధాన్ని రుజువు చేసేందుకు అతని భార్య ఫొటోలను కూడా హైకోర్టులో హాజరుపరిచారు. అయితే, వ్యభిచారాన్ని ఆరోపించడానికి స్పష్టమైన సాక్ష్యాధారాలు సమర్పించాలని, ప్రస్తుతం సమర్పించిన ఫోటోగ్రాఫ్‌లు భార్య వ్యభిచార జీవితం గడుపుతున్నట్లు చెప్పడానికి సరిపోవని జస్టిస్ ఉమేష్ త్రివేది అన్నారు.

తన భార్య వ్యభిచార జీవనం సాగిస్తోందని, అందుకే కుటుంబ న్యాయస్థానం ఆదేశించిన రూ.30 వేలు భరణం చెల్లించలేనని వాదించాడు. అయితే ఆయన అభ్యర్థనను కోర్టు తోసిపుచ్చింది. భార్య, కుమార్తె ఖర్చుల నిమిత్తం నెలకు రూ.30 వేలు చెల్లించాలని కోర్టు తీర్పునిచ్చింది.

తన భార్యకు నెలకు రూ.30 వేలు ఇచ్చేంత ఆదాయం లేదని వాదించాడు. ఆదాయాన్ని రుజువు చేయడానికి ఆదాయపు పన్ను రిటర్న్ కూడా తయారు చేసుకున్నాడు. అయితే అతడికి విలాసవంతమైన కార్లు ఉన్నాయని, ధనవంతుడని ఆయన భార్య ఆధారాలతో ఆరోపించింది. పత్రాలు, ఫొటోలను కోర్టుకు సమర్పించింది.

అతనికి 150 ఆటో రిక్షాలు ఉన్నాయని, వాటిని అద్దెకు తీసుకుని ఆదాయం పొందుతున్నాడని ఆమె కోర్టుకు తెలిపింది. తన భర్త ఆర్టీఓలో ఏజెంట్‌గా పనిచేస్తున్నాడని, ఉమియా ఆటోమొబైల్స్ అనే ఫైనాన్స్ కంపెనీని నడుపుతున్నాడని ఆ మహిళ పేర్కొంది. భర్త పిటిషన్‌ను కోర్టు తోసిపుచ్చింది.

ఏం జరిగిదంటే..

ఈ కేసులో అహ్మదాబాద్‌లోని కుటుంబ న్యాయస్థానాన్ని ఆశ్రయించిన మహిళ తనకు మరియు తన కుమార్తెలకు మధ్యంతర భరణం కోరింది. వీరికి ప్రతి నెలా రూ.30 వేలు చెల్లించాలని కుటుంబ న్యాయస్థానం జూన్ 14న భర్తను ఆదేశించింది.

భర్త హెచ్‌సిని ఆశ్రయించాడు. మెయింటెనెన్స్ ఆర్డర్‌ను సవాలు చేశాడు. తన భార్య వ్యభిచార జీవితాన్ని గడుపుతోందని.. అందువల్ల కుటుంబ న్యాయస్థానం మధ్యంతర భరణాన్ని మంజూరు చేయలేదని పేర్కొంది.

మరిన్ని జాతీయ వార్తల కోసం