Presbyopia: కంటిచూపు మసకబారుతోందా.. మీకో గుడ్న్యూస్.. ఐ డ్రాప్స్తో కళ్లద్దాలకు చెక్..!
వాస్తవానికి 40 ఏళ్లు వచ్చాక చాలామందిలో కొద్దిపాటి సైట్ మొదలవుతుంది. ఇదొచ్చిన వారు కళ్లజోడు అవసరం లేకుండా పుస్తకాలు చదవలేరు. దీంతో ఇలాంటి వారి కోసం..
Updated on: May 24, 2022 | 12:46 PM
కళ్లద్దాలు లేకుండా పేపర్ చదవలేకపోతున్నారా… చిన్న చిన్న అక్షరాలు కనిపించక ఇబ్బంది పడుతున్నారా… అయితే మీకో గుడ్ న్యూస్.. కళ్లద్దాలు లేకుండానే ఇకపై మీరు పేపర్ చదివేయొచ్చు… మీకు ఇష్టమైన పుస్తకాలు కూడా చదువుకోవచ్చు. చత్వారంతో కళ్లు కనిపించక ఇబ్బందులు పడుతున్న వారి కోసం సరికొత్త ఔషధం వచ్చేసింది. చుక్కల మందు రూపంలో అందుబాటులోకి వచ్చిన దీనిని కంటిలో వేసుకున్న 15 నిమిషాలకే కళ్లలో మసకపోయి కంప్యూటర్, ఫోన్ స్క్కీన్ను స్పష్టంగా చూడొచ్చు. అలాగే పుస్తకాలు, పేపర్లను ఎంచక్కా చదువుకోవచ్చు.
వాస్తవానికి 40 ఏళ్లు వచ్చాక చాలామందిలో కొద్దిపాటి సైట్ మొదలవుతుంది. ఇదొచ్చిన వారు కళ్లజోడు అవసరం లేకుండా పుస్తకాలు చదవలేరు. దీంతో ఇలాంటి వారి కోసం ‘వ్యూటీ’ చుక్కల మందు అందుబాటులోకి వచ్చింది. అమెరికా ఆహార, ఔషధ నియంత్రణ సంస్థ ఎఫ్డీఏ దీనికి అనుమతినిచ్చింది. కన్ను పనిచేసే తీరును బట్టి ఈ చుక్కల మందు పనిచేస్తుందని వైద్య నిపుణులు చెబుతున్నారు. ఎఫ్డీఐ అనుమతితో చత్వారాన్ని సరిచేసే తొలి చుక్కల మందుగా ‘వ్యూటీ’ రికార్డులకెక్కింది.
