గాంధీ కుటుంబంలో మోగబోతున్న పెళ్లి భాజా.. నిరాడంబరంగా ప్రియాంక కొడుకు నిశ్చితార్థం!

గాంధీ కుటుంబంలో సంతోషకరమైన వార్త. గాంధీ కుటుంబంలో వివాహ వాతావరణం నెలకొంది. రాహుల్ గాంధీకి సంబంధించి కాదండీ..! ప్రియాంక గాంధీ-రాబర్ట్ వాద్రా కుమారుడు రైహాన్ వాద్రా నిశ్చితార్థం చేసుకున్నారు. 25 సంవత్సరాల వయసులో, రైహాన్ తన స్నేహితురాలు అవివా బేగ్‌తో నిశ్చితార్థం జరిగింది. రైహాన్ – అవివా ఏడు సంవత్సరాలుగా ప్రేమలో ఉన్నారు. ఇటీవల వీరువురి కుటుంబాల సమ్మతితో ఉంగరాలు మార్చుకున్నారు. అయితే, ఎటువంటి వేడుక లేకుండానే, రైహాన్ తన స్నేహితురాలికి ప్రపోజ్ చేశాడు. అవివా వివాహానికి ఓకే చెప్పింది.

ప్రియాంక గాంధీకి ఇద్దరు పిల్లలు. ఒక కొడుకు, ఒక కూతురు. రైహాన్ పెద్దవాడు. అతను ఆగస్టు 29, 2000న జన్మించాడు. రైహాన్ డెహ్రాడూన్‌లోని డూన్ స్కూల్‌లో చదువుకున్నాడు. అతని తాత రాజీవ్ గాంధీ, మామ రాహుల్ గాంధీ కూడా ఈ పాఠశాలలోనే చదువుకున్నారు. పాఠశాల విద్య పూర్తి చేసిన తర్వాత, అతను లండన్‌లోని స్కూల్ ఆఫ్ ఓరియంటల్ అండ్ ఆఫ్రికన్ స్టడీస్‌లో చదువుకోవడానికి వెళ్ళాడు. రైహాన్ చిన్నప్పటి నుంచి డ్రాయింగ్, ఫోటోగ్రఫీ వంటి సృజనాత్మక పనిని ఇష్టపడేవాడు. లండన్ నుండి డిగ్రీ పొందిన తర్వాత కళలలో తన కెరీర్‌ను ప్రారంభించాడు. ప్రస్తుతం, రైహాన్ ఒక ప్రొఫెషనల్ ఇన్‌స్టాలేషన్-విజువల్ ఆర్టిస్ట్‌గా ఉన్నారు. అతను రంగులు, విభిన్న నిర్మాణాలు, చిత్రాలతో కళను ప్రదర్శిస్తుంటాడు. అతను అనేక ప్రదర్శనలు కూడా చేశాడు.

రైహాన్‌కు జంతువులంటే కూడా ప్రత్యేక ఆసక్తి ఉంది. తన తల్లి ప్రేరణతో రైహాన్ 10 సంవత్సరాల వయసులోనే చిత్రాలు తీయడం ప్రారంభించాడు. రైహాన్ ఇప్పటికీ వన్యప్రాణుల ఫోటోగ్రఫీలో నిమగ్నమై ఉన్నాడు. ముంబైలోని కొలాబాలోని ఒక ఆర్ట్ గ్యాలరీలో అతని చిత్రాలు మరియు ఛాయాచిత్రాలు ప్రదర్శించబడ్డాయి. మాజీ ప్రధానమంత్రి, రైహాన్ తాత రాజీవ్ గాంధీ కూడా చిత్రాలు తీయడం అంటే చాలా ఇష్టం.

అవివా బేగ్ ఎవరు..?

అవివా బేగ్ ఢిల్లీలోని మోడరన్ స్కూల్‌లో చదువుకుంది. ఆ తర్వాత ఓపీ జిందాల్ గ్లోబల్ యూనివర్సిటీ నుంచి మీడియా కమ్యూనికేషన్ అండ్ జర్నలిజంలో డిగ్రీ పూర్తి చేసింది. అవివా వృత్తిరీత్యా ఫోటోగ్రాఫర్ కూడా. ఆమె నిర్మాత కూడా. అవివా జాతీయ స్థాయిలో ఫుట్‌బాల్ కూడా ఆడింది.

మరిన్ని జాతీయ వార్తల కోసం ఇక్కడ క్లిక్ చేయండి..