Chennai Rains: అప్పుడూ.. ఇప్పుడూ.. ఎప్పుడూ.. ఇంతే.. కథ మారదంతే..! చెన్నైలో భారీ వర్షాలు, వరదలపై సరదా మీమ్స్‌..

Chennai Rains

Memes on chennai rains: బంగాళాఖాతంలో అల్పపీడనం, ఈశాన్య రుతుపవనాల ప్రభావంతో చెన్నై, దాని శివారు జిల్లాల్లో కొద్దిరోజులుగా కుండపోత వర్షం కురుస్తోంది. 2015 తర్వాత ఆ స్థాయిని గుర్తుకు తెచ్చేలా కురిసిన వర్షాల కారణంగా జనజీవనం స్తంభించింది. చెన్నై, కాంచీపురం, చెంగల్‌పట్టు, తిరువళ్లూర్‌ జిల్లాల్లో పాఠశాలలు, కళాశాలలకు రోజులు సెలవు ప్రకటించారు. తమిళనాడులో అక్టోబరు ఒకటో తేదీ నుంచి ఇప్పటివరకు సాధారణం కంటే 43 శాతం అధికంగా వర్షపాతం నమోదైందని వాతావరణ శాఖ అధికారులు తెలిపారు.

ఆదివారం నుంచి చెన్నైలో దాదాపు 10 సెంటీమీటర్లకు పైగానే వర్షం కురుస్తోంది. భారీ వర్షాలు కురుస్తుంటడంతో అనేక ప్రాంతాలు జలదిగ్బంధమయ్యాయి. రాకపోకలు నిలిచిపోయాయి. ఈ నేపథ్యంలోనే నిన్నటినుంచి ట్విటర్‌లో #ChennaiRain ట్రెండింగ్‌లో ఉంది. కాగా.. ఆఫీస్‌కు ఈదుకుంటూ వెళ్లడం ఒక్కటే మార్గం, మా వీధిలో నది.. మా ఇంట్లో సరస్సు లాంటి మీమ్స్‌ నెటిజన్లను ఆకట్టుకుంటున్నాయి.

చెన్నైలో వర్షాలు ప్రారంభం నాటినుంచి సహాయం, సమాచారం అభ్యర్థనలతో పాటు.. మీమ్స్ కూడా తెగ వైరల్ అవుతున్నాయి. ట్విట్టర్, ఫేస్‌బుక్, వాట్సప్, తదితర సోషల్ మీడియా ప్లాట్‌ఫారమ్‌లపై గతంలో పరిస్థితి.. ఇప్పటి పరిస్థితిని పోల్చుతూ వీడియోలను పోస్ట్ చేస్తున్నారు. చెన్నైలోని టీ నగర్ ప్రాంతంలో గతంలో వరదలు వచ్చినప్పుడు నాయకుల పర్యటనలు.. వాగ్ధానాలను.. అదేవిధంగా ఇప్పటి నాయకుల పర్యటనలను పోల్చుతూ.. మీమ్స్ చేస్తున్నారు.

వరదలు, కరెంట్ కోతలు, తదితర సమస్యల నేపథ్యంలో.. కామెడీ చిత్రాలను పంచుకుంటూ విమర్శలను వెళ్లగక్కుతున్నారు. చెన్నైలో ప్రతీ ఏడాది ఇదే పరిస్థితి నెలకొంటుందని.. ఈ సమస్యలకు శాశ్వత పరిష్కారం కనుగొనాలంటూ వేడుకుంటున్నారు.

Also Read:

Airforce: పూర్వాంచల్ ఎక్స్‌ప్రెస్‌వేపై ఎయిర్ ఫోర్స్ యుద్ధ విమానాలు ల్యాండింగ్, టేకాఫ్ కోసం సన్నాహాలు..హాజరు కానున్న ప్రధాని మోడీ

అనంతపురంలో కలకలం రేపిన వివాహిత వీడియో.. తీవ్రంగా స్పందించిన పోలీసులు.. అసలేమైందంటే?