రాజస్తాన్ ఎమ్మెల్యేల యోగా…హోటల్లోనే ‘పాగా’ !
రాజస్తాన్ లో సీఎం అశోక్ గెహ్లాట్ వర్గానికి చెందిన ఎమ్మెల్యేలు ఫైవ్ స్టార్ హోటల్ లో రాచభోగాలు అనుభవిస్తున్నారు. గతవారం సినిమాలు చూస్తూ..
రాజస్తాన్ లో సీఎం అశోక్ గెహ్లాట్ వర్గానికి చెందిన ఎమ్మెల్యేలు ఫైవ్ స్టార్ హోటల్ లో రాచభోగాలు అనుభవిస్తున్నారు. గతవారం సినిమాలు చూస్తూ, బాలీవుడ్ హిందీ చిత్రాల పాటలు పాడుతూ, అంత్యాక్షరి ‘పోటీ’లతో బాటు షెఫ్ ల నించి వంటకాల మెళకువలు తెలుసుకున్న వీరు ఈ వారం మరో ‘అధ్యాయానికి’ తెరలేపారు. ముఖాలకు మాస్కుల ‘బెడద’ లేకుండా ట్రాక్ సూట్లు, టీ షర్టులు ధరించి యోగా చేస్తూ వీడియోకి చిక్కారు. కరోనా వైరస్ నేపథ్యంలో భౌతిక దూరం పాటించాలన్న నిబంధన కూడా వీరికి పట్టినట్టు లేదు. తన వర్గం శాసన సభ్యులు హోటల్లోనే 21 రోజులు ఉండవలసి రావచ్చునని సీఎం గెహ్లాట్ ఇదివరకే పేర్కొన్నారు. అసెంబ్లీని సమావేశపరచాలంటే 21 రోజులముందు నోటీసు ఇవ్వాల్సి ఉంటుందని గవర్నర్ కల్ రాజ్ మిశ్రా..సూచించిన సంగతి తెలిసిందే.
బీజేపీ గానీ, అసమ్మతి నేత, మాజీ డిప్యూటీ సీఎం సచిన్ పైలట్ గానీ తన ఎమ్మెల్యేలను ఎక్కడ ‘ఎగరేసుకుపోతారో’నన్న భయంతో గెహ్లాట్ వీరిని ఆ హోటల్ నుంచి కదలనివ్వడం లేదు. వారికి అన్ని సౌకర్యాలూ కలగజేస్తున్నారు.
#WATCH Rajasthan: Congress MLAs perform yoga at Hotel Fairmont in Jaipur.
Congress MLAs supporting Chief Minister Ashok Gehlot are staying at the hotel. pic.twitter.com/KRaVSM9Yfa
— ANI (@ANI) July 26, 2020