15 రోజుల్లో పెళ్లి.. ఇంటి నుంచి యువతి పరార్.. ఊహించని రీతిలో మలుపు తిరిగిన కథ..
పెద్దలు కుదిర్చిన పెళ్లి నచ్చక కొంతమంది యువతీయువకులు ఇంట్లో నుంచి పారిపోయే సంఘటనలు మనం తరచూ చూస్తూనే ఉంటాం. తాజాగా..
Updated on: Jun 25, 2021 | 4:55 PM
పెద్దలు కుదిర్చిన పెళ్లి నచ్చక కొంతమంది యువతీయువకులు ఇంట్లో నుంచి పారిపోయే సంఘటనలు మనం తరచూ చూస్తూనే ఉంటాం. తాజాగా అలాంటి ఘటన ఒకటి ఉత్తరప్రదేశ్‌లో ఆలస్యంగా వెలుగు చూసింది. పెళ్లికి 15 రోజులు ఉండగా.. ఓ యువతి భారీగా డబ్బు, విలువైన ఆభరణాలతో ఇంటి నుంచి పారిపోయింది. స్థానికంగా ఈ సంఘటన కలకలం రేపగా.. ఆ వివరాలు ఇలా ఉన్నాయి.
పోలీసుల సమాచారం మేరకు.. హంపీపూర్‌కు చెందిన ఓ యువతికి జూలై నెలలో పెళ్లి జరగాల్సి ఉంది. ఆమె కుటుంబ సభ్యులందరూ కూడా పెళ్లి పనులు చూసుకుంటున్నారు. ఈ క్రమంలోనే తాజాగా బంగారు ఆభరణాలు కూడా కొనుగోలు చేశారు. అయితే అనూహ్యంగా జూన్ 19వ తేదీన సదరు యువతి పెళ్లి కోసం దాచిన రూ. 50 వేలు నగదు, బంగారు ఆభరణాలతో ఇంటి నుంచి పరారైంది. ఆమె వెళ్తూ.. వెళ్తూ ‘నేను ఇల్లు వదిలి వెళ్తున్నా’ అని చిన్న పేపర్ మీద రాసి వెళ్ళిపోయింది. అనంతరం దీనిపై ఆమె కుటుంబసభ్యులు పోలీసులకు ఫిర్యాదు చేశారు. ఇదేదో ప్రేమ వ్యవహారం అని పోలీసులు అనుకోగా.. ఇక్కడే కథలో అసలు ట్విస్ట్ బయటపడింది.
తన కూతురు ప్రముఖ సింగర్ గురు రందావాకు పెద్ద ఫ్యాన్ అని.. అతడి పోస్టులను తరచూ రీ-ట్వీట్ చేస్తూ, లైక్ కొడుతుందని సదరు యువతి తల్లిదండ్రులు తెలిపారు. కొంతకాలం క్రితం ఆమెకు రందావా ఫ్రెండ్‌ని అంటూ ఓ అబ్బాయి పరిచయం అయ్యాడని చెప్పుకొచ్చారు. సినిమాల్లో అవకాశాలు ఇప్పిస్తానంటూ నమ్మించాడని.. అతడి దగ్గరికే తమ కూతురు పారిపోయి ఉండొచ్చని అనుమానం వ్యక్తం చేస్తున్నారు. కాగా, యువతి తల్లిదండ్రుల ఫిర్యాదు మేరకు కేసు నమోదు చేసిన పోలీసులు దర్యాప్తును వేగవంతం చేశారు.
Also Read:
ఇంటి పైకప్పు తుడుస్తుండగా వర్కర్లకు షాక్.. పోలీసుల ఎంట్రీతో వెలుగులోకి విస్తుపోయే విషయాలు.!
ఆ ఒక్క చేప లక్షలు తెచ్చిపెట్టింది.. ఎంత ధర పలికిందో తెలిస్తే షాక్ అవ్వాల్సిందే.!
ఈ వారం ఓటీటీలో సందడి చేసే చిత్రాలు, వెబ్ సిరీస్‌లు ఇవే.. మీరూ ఓ లుక్కేయండి.!
