Yoga Asana For Weight Loss: బరువు తగ్గడానికి పస్తులు ఉండక్కర్లేదు.. బాబా రామ్దేవ్ చెప్పిన ఈ ఆసనాలు వేస్తే సరి..!
నేటి ఆధునీక జీవనశైలి, ఆహారపు అలవాట్ల కారణంగా ప్రజల ఆరోగ్యం అస్థవ్యస్తంగా మారింది. చాలా మంది చిన్న వయసులోనే బీపీ, షుగర్, ఉబకాయం, అధికబరువు సమస్యతో ఇబ్బంది పడుతున్నారు. నిజం చెప్పాలంటే బరువు పెరగడం ఈ రోజుల్లో ఒక సాధారణ సమస్యగా మారింది. పెరిగిన బరువు తగ్గడానికి నానా తంటాలు పడుతుంటారు. ఎంత ప్రయత్నించినా, ఎన్ని ట్రై చేసినా ఆశించిన ఫలితాలను పొందలేరు. అలాంటివారికోసం పతంజలి వ్యవస్థపకులు బాబా రామ్దేవ్ కొన్ని అద్భుతమైన యోగా ఆసనాలను పరిచయం చేస్తున్నారు. ఇవి వేగంగా బరువు తగ్గడానికి సహయపడతాయని చెబుతున్నారు. అలాంటి ఆసనాలేవో ఇక్కడ చూద్దాం..
Updated on: Sep 27, 2025 | 3:21 PM
Yoga Asana For Weight Loss: ఊబకాయం శరీర ఆకృతిని పాడు చేయడమే కాకుండా అనేక వ్యాధులకు కారణమవుతుంది. అధిక బరువును తగ్గించుకోవడానికి ప్రజలు గంటలకొద్దీ జిమ్లో శరీరానికి చెమట పట్టిస్తుంటారు. కానీ, బరువు తగ్గడానికి యోగా ప్రభావవంతంగా పనిచేస్తుందని చాలా మంది ఆరోగ్యనిపుణులు కూడా చెబుతున్నారు. పతంజలి వ్యవస్థాపకుడు యోగా గురువు బాబా రామ్దేవ్ ప్రపంచవ్యాప్తంగా యోగా గురించి అవగాహనను వ్యాప్తి చేశారు. యోగా, ఆయుర్వేదం సహాయంతో ఊబకాయంతో పాటు అనేక ఇతర శారీరక వ్యాధుల నుండి ఉపశమనం పొందవచ్చని వారు వివరిస్తున్నారు.
బాబా రామ్దేవ్ ఈ విషయంపై యోగా దాని తత్వశాస్త్రం- అభ్యాసం అనే పుస్తకం కూడా రాశారు. ఈ పుస్తకంలో బాబా రామ్దేవ్ అనేక యోగా ఆసనాలను వివరంగా వివరించారు. యోగా చేసే విధానం దాని ప్రయోజనాలు, శరీరంపై దాని ప్రభావాలు ఈ పుస్తకంలో స్పష్టంగా వెల్లడించారు.. బరువు తగ్గడానికి ఎలాంటి యోగా ఆసనాలు ప్రభావవంతంగా పనిచేస్తాయి. వాటిని ఎలా చేయాలో బాబా రామ్దేవ్ నుండి నేర్చుకుందాం.
ద్విచక్రికాసనం: ద్విచక్రాసనాన్ని బరువు తగ్గడానికి చాలా ప్రభావవంతంగా భావిస్తారు. రోజువారీ 5 నుండి 10 నిమిషాలు సాధన చేయడం వల్ల అధిక బరువు తగ్గవచ్చు. ఇది బొడ్డు కొవ్వును తగ్గిస్తుంది. ప్రేగులను సక్రియం చేస్తుంది. ఆమ్లతను తగ్గిస్తుంది.
ఎలా చేయాలి: ముందుగా నేలపై పడుకుని మీ రెండు చేతులను మీ తుంటి దగ్గర ఉంచండి. ఇప్పుడు, ఒక కాలు ఎత్తి సైకిల్ తొక్కుతున్నట్లుగా తిప్పండి. 20-25 నిమిషాలు ఇలా చేయండి. మరొక కాలుతో కూడా అలాగే చేయండి. నేలను తాకకుండా మీ కాళ్ళను గాల్లోనే సైకిల్ తిప్పుతున్నట్టుగా చేస్తుండాలి. కొన్ని నిమిషాలు క్లాక్ వైజ్, మరికొన్ని నిమిషాలు అంటీక్లాక్ వైజ్ గాల్లో సైకిల్ తొక్కటం వల్ల అతి త్వరలోనే మీరు ఆశించిన ఫలితాలు వస్తాయి. ఇక్కడ మీరు అలసిపోయినప్పుడు శవాసనం చేసి విశ్రాంతి తీసుకోవచ్చు.
పాదవృత్తాసనము: ఈ ఆసనం బరువు తగ్గడానికి కూడా ప్రయోజనకరంగా పనిచేస్తుంది. ఇది తుంటి, తొడలు, నడుము చుట్టూ ఉన్న కొవ్వును తగ్గించడంలో సహాయపడుతుంది. ఇది బెల్లీ ఫ్యాట్ను కూడా తగ్గిస్తుంది. ప్రతి రోజూ 10-15 నిమిషాల పాటు ఇలా పాదవృత్తాసనం చేయడం వల్ల మీకు త్వరగా ఫలితాలు లభిస్తాయి.
ఎలా చేయాలి: నేలపై పడుకుని మీ కుడి కాలును ఎత్తి, దానిని సవ్యదిశలో తిప్పండి. నేలను తాకకుండా, మీ కాలును 5 నుండి 10 సార్లు తిప్పండి. ఇప్పుడు మీ కాలును వ్యతిరేక దిశలో తిప్పండి. మరొక కాలుతో కూడా అదే చేయండి. కాసేపు విశ్రాంతి తీసుకున్న తర్వాత, రెండు కాళ్ళను కలిపి తిప్పండి.
అర్ధ-హలాసనం: అర్ధ హలాసనం కూడా బరువు తగ్గడానికి అద్భుతంగా సహాయపడుతుంది. ఈ ఆసనం ముఖ్యంగా కొవ్వు తగ్గడానికి ప్రయోజనకరంగా ఉంటుంది. మీరు రోజుకు 5 నుండి 10 నిమిషాలు చేసినా చాలా త్వరగా బరువు తగ్గడం ప్రారంభిస్తారు.
ఎలా చేయాలి: నేలపై పడుకోండి. రెండు చేతుల అరచేతులను నేలకు ఆనించి ఉంచండి. ఇప్పుడు నెమ్మదిగా రెండు కాళ్ళను 90 డిగ్రీల కోణంలో పైకి లేపండి. ఈ స్థితిలో 10 నుండి 15 సెకన్ల పాటు ఉండండి.
ఈ యోగా ఆసనాలను మీ దినచర్యలో భాగంగా చేసుకోవడం ద్వారా, మీరు పెరుగుతున్న బరువును నియంత్రించవచ్చు. అదనపు కొవ్వును కూడా తగ్గించవచ్చు. ఫలితంగా మంచి ఆరోగ్యం మీ సొంతం అవుతుంది.
