Uttarakhand: ఈ గ్రామం భూతల స్వర్గం.. నగర రణగొణ ధ్వనులకు దూరంగా వేసవిలో ఇక్కడ పర్యటించండి..
వేసవి సెలవుల్లో చాలా మంది ఉత్తరాఖండ్ లేదా హిమాచల్ ప్రదేశ్ సందర్శించడానికి ఇష్టపడతారు. అందుకే ఈ సమయంలో ఈ ప్రాంతాల్లో జనసమూహం ఎక్కువగా ఉంటుంది. అటువంటి పరిస్థితిలో మీరు ఉత్తరాఖండ్ లోని ఈ గ్రామానికి వెళ్ళవచ్చు. ఇక్కడ మీరు ప్రకృతి మధ్య ప్రశాంతంగా సమయం గడపడానికి అవకాశం లభిస్తుంది. ఈ గ్రామం పర్యాటకులకు భూతల స్వర్గంలా కనిపిస్తుంది.
Updated on: Apr 17, 2025 | 9:38 AM
దేశంలోని అనేక ప్రాంతాల్లో ఉష్ణోగ్రతలు పెరగడం ప్రారంభించాయి. అటువంటి పరిస్థితిలో మండే ఎండల నుంచి ఉపశమనం పొందడానికి, వేసవి సెలవులను ఆస్వాదించడానికి చాలా మంది తమ కుటుంబం లేదా స్నేహితులతో కలిసి పర్వత ప్రాంతాల్లో, మంచు ప్రదేశాలను సందర్శించాలని ప్లాన్ చేసుకుంటారు. కొండ ప్రాంతాలను సందర్శించాల్సిన అవసరం వచ్చినప్పుడు.. ముందుగా గుర్తుకు వచ్చే పేరు హిమాలయ పర్వత సానువుల దగ్గర ఉన్న ఉత్తరాఖండ్. ఈ సమయంలో ఇక్కడ జనసమూహం చాలా ఎక్కువగా ఉంటుంది.
ఉత్తరాఖండ్ను దేవభూమి అని కూడా అంటారు. దీనితో పాటు ఈ ప్రదేశంలోని సహజ సౌందర్యం అందరినీ ఆకర్షిస్తుంది. ఇక్కడ, ఓలి, చోప్తా, చక్రతా, డెహ్రాడూన్, ముస్సోరీ సందర్శించడానికి చాలా ప్రసిద్ధ ప్రదేశాలు. అయితే వేసవి సెలవుల్లో ఇక్కడ చాలా రద్దీగా ఉంటుంది. కనుక మీరు ఉత్తరాఖండ్లోని ఈ అందమైన ప్రదేశాన్ని సందర్శించడానికి ప్లాన్ చేసుకోవచ్చు. ఇక్కడ మీరు మీ కుటుంబంతో ప్రశాంతంగా సమయం గడపడానికి అవకాశం పొందవచ్చు.
ఈ గ్రామం స్వర్గం..
పియోరాను ఉత్తరాఖండ్ పండ్ల గిన్నె అని పిలుస్తారు. ఆపిల్, ఆప్రికాట్, పీచ్, ప్లమ్స్ వంటి పండ్లు ఇక్కడ సమృద్ధిగా దొరుకుతాయి. చుట్టూ దట్టమైన పైన్ అడవులు ఉన్న ఈ ప్రదేశం కుమావోన్ ప్రాంతంలోని సుందరమైన లోయలో ఉంది. ఇక్కడ సందర్శించడానికి ఉత్తమ సమయం మార్చి, మే, జూన్ లేదా సెప్టెంబర్, అక్టోబర్ నుంచి డిసెంబర్ వరకు. మీరు నైనిటాల్ సందర్శించాలనుకుంటే.. మీరు ఇక్కడకు ఒక రోజు రావచ్చు. పియోరా దాదాపు 60 కిలోమీటర్ల దూరంలో ఉంది. ఇక్కడికి చేరుకోవడానికి 2 గంటలు పట్టవచ్చు.
వన్యప్రాణులు, పక్షి ప్రేమికులకు పియోరా ఉత్తమ ప్రదేశం. ఈ గ్రామాన్ని సందర్శించేటప్పుడు అడవి, అల్మోరా నగరం మీదుగా ప్రయాణంలో నక్షత్రాల ఆకాశాన్ని చూసే అవకాశం మీకు లభిస్తుంది. ఇక్కడ మార్కెట్ సందడి ఉండదు. అందువల్ల ముఖ్యమైన వస్తువులను మీతో తీసుకెళ్లడం మంచిది. అవును మీరు ఆ గ్రామానికి వెళ్ళినప్పుడు రంగురంగుల పక్షులను చూడవచ్చు.
పియోరా ఢిల్లీ నుంచి దాదాపు 352 కి.మీ. దూరంలో ఉంది. అలాగే ఇక్కడికి చేరుకోవడానికి కత్గోడం రైల్వే స్టేషన్ నుండి టాక్సీ తీసుకోవాలి. అంతేకాదు హల్ద్వానీ బస్ స్టేషన్ నుంచి పియోరా చేరుకోవడానికి 3.5 గంటలు పడుతుంది. ఇక్కడ జనసంచారం తక్కువగా ఉంటుంది. పియోరాలో మీరు ట్రెక్కింగ్, పక్షుల వీక్షణ, ప్రకృతి మధ్య నడకలను ఆస్వాదించవచ్చు. ఈ గ్రామం దాని సహజ సౌందర్యానికి, ప్రశాంత వాతావరణానికి ప్రసిద్ధి చెందింది. ఫోటోగ్రఫీని ఇష్టపడే వారికి కూడా ఈ ప్రదేశం ఉత్తమమైనది.
మరిన్ని లైఫ్ స్టైల్ న్యూస్ కోసం క్లిక్ చేయండి..
