Tongue Cleaning: మీ నాలుక శుభ్రం చేయకుంటే ఏం జరుగుతుందో తెలుసా? ఈ చిన్న పొరబాటు యమ డేంజర్..

శరీరం ఆరోగ్యంగా ఉండాలంటే ఆహారం తీసుకోవడం ఎంత ముఖ్యమో నోటిని శుభ్రంగా ఉంచుకోవడం కూడా అంతే ముఖ్యం. ఎందుకంటే దంతాలు మనం ఆహారాన్ని నమిలి తినడానికి సహాయపడినట్లే, మన నాలుక ఆహారం రుచిని గ్రహించడానికి సహాయపడుతుంది . నాలుక లేకుండా రుచి చూడటం అసాధ్యం. కానీ నాలుక పని మనం తినే ఆహారాన్ని రుచి చూడటం మాత్రమే కాదు, మన ఆరోగ్య సమస్యల గురించి చెప్పే శక్తి కూడా నాలుకకు ఉంది. మీకు ఏదైనా ఆరోగ్య సమస్య వచ్చి డాక్టర్ దగ్గరకు వెళ్ళినప్పుడు, వారు చేసే మొదటి పని మీ నాలుకను పరీక్షించడం. ఎందుకంటే మీ నాలుక రంగు మీరు ఎలాంటి ఆరోగ్య సమస్యను ఎదుర్కొంటున్నారో చెబుతుంది. సాధారణంగా, మన శరీరం ఆరోగ్యంగా ఉండాలంటే మన నాలుక ఆరోగ్యంగా ఉండాలి. కాబట్టి మన నాలుక శుభ్రంగా లేకపోతే లేనిపోని చిక్కుల్లో పడిపోతారు..

సాధారణంగా అధిక బ్యాక్టీరియా నోరు, నాలుకలో కనిపిస్తుంది. అందువల్ల అనేక ఆరోగ్య సంబంధిత సమస్యలను నివారించడానికి మన నోరు, నాలుకను శుభ్రంగా ఉంచుకోవడం అవసరం. దంతక్షయం, చిగుళ్ల వ్యాధికి కారణమయ్యే బ్యాక్టీరియా నాలుకపై అధికంగా కనిపిస్తుంది. నాలుక శుభ్రం చేసుకున్నప్పుడే బ్యాక్టీరియా పోతుంది. అందువల్ల, దంతక్షయం, చిగుళ్ల వ్యాధిని తగ్గించడానికి, వాటి వల్ల వచ్చే దుర్వాసనను నివారించడానికి, ఆరోగ్యకరమైన నాలుకను కలిగి ఉండటం ముఖ్యం. అంతేకాకుండా తరచూ శుభ్రం చేయకుంటే నాలుకపై విష పదార్థాలు పేరుకుపోతాయి. కాబట్టి ప్రతిరోజూ నాలుకను శుభ్రం చేయడం వల్ల శరీరం విషాన్ని తొలగిస్తుంది.

నాలుక శుభ్రం చేయకుంటే ఏం జరుగుతుంది?

• అపరిశుభ్రమైన నాలుక కడుపు ఆరోగ్యాన్ని దెబ్బతీస్తుంది. నాలుక నల్లగా ఉండి, దానిపై తెల్లటి గడ్డలు ఉంటే, అది మీ జీర్ణవ్యవస్థ సమస్యలో ఉందని సంకేతం.
• మీ నాలుక మృదువుగా ఉంటే, అది ఐరన్ లోపాన్ని సూచిస్తుంది. రక్తహీనతతో ఉన్నారని సూచిస్తుంది. కొన్నిసార్లు ఈ లక్షణాలు విటమిన్ లోపం వల్ల కలుగుతాయి. ఇటువంటి సందర్భాల్లో, తగినంత పోషకాలు, విటమిన్లు తీసుకోవడం అవసరం.
• కొంతమందికి నాలుకలో పగుళ్లు ఉండటం మీరు చాలాసార్లు గమనించి ఉండవచ్చు. ఇది మూత్రపిండాల వ్యాధి, మధుమేహానికి సంకేతం కావచ్చు. కాబట్టి, ఇలాంటి లక్షణాలను విస్మరించకుండా వెంటనే వైద్యుడిని సంప్రదించడం మంచిది.

గమనిక: ఈ కంటెంట్ సాధారణ సమాచారం కోసం మాత్రమే. మరింత సమాచారం కోసం వైద్యుడిని సంప్రదించడం మర్చిపోవద్దు.

ఇవి కూడా చదవండి

కొండాపూర్‌లో దారుణం.. నడిరోడ్డుపై గ‌ర్భిణిని చంపేందుకు భర్త యత్నం

భార్యను చంపి ఇంటి ముందు పాతిపెట్టిన భర్త! ఏడాది తర్వాత ట్విస్ట్..

కాలేజీ ఫేర్వెల్‌ పార్టీలో ప్రసంగిస్తూ విద్యార్ధిని మృతి.. వీడియో

టార్గెట్‌ రీచ్‌ కాలేదనీ.. ఉద్యోగిని మోకాళ్లపై కుక్కలా నడిపించారు!

మరిన్ని ఆరోగ్య వార్తల కోసం క్లిక్‌ చేయండి.