Health: మీకు మద్యం సేవించే అలవాటు ఉందా.? మీ పిల్లలో ఈ సమస్యలు తప్పవంటా..

పెద్దలు చేసే ప్రతీ పనిని చిన్నారులు ఆచరిస్తారనే విషయాన్ని ప్రత్యేకంగా చెప్పాల్సిన పనిలేదు. అందుకే ఇంట్లో చిన్నారులు ఉన్న సమయంలో ఆచితూచి ఉండాలని పేరెంటింగ్‌ టిప్స్ చెప్పే వాళ్లు చెబుతుంటారు. ఇంట్లో దంపతుల మధ్య జరిగే గొడవలు చిన్నారుల మనసత్వంపై ప్రభావం చూపుతుందని చెబుతారు. అలాగే పెద్దలు ఏం చేస్తారో పిల్లుల అదే చూసి నేర్చుకుంటారని తెలిసిందే. ఇక పెద్దల ఆరోగ్యం కూడా చిన్నారుల ఆరోగ్యంపై ప్రభావం పడుతుందని నిపుణులు చెబుతున్నారు.

ముఖ్యంగా మద్యానికి బానిసైన తల్లిదండ్రుల పిల్లలు కూడా ఆ వ్యసనానికి అలవాటు పడే ప్రమాదం ఉందని నిపుణులు చెబుతున్నారు. ఈ విషయాన్ని ఏదో ఆషామాషీగా కాకుండా పరిశోధన నిర్వహించి మరీ ఈ విషయాన్ని వెల్లడించారు. పెద్దలు చేసే పనులు చిన్నారులపై ప్రభావం చూపినట్లే వారి అలవాట్లు సైతం దుష్ప్రభావంపై ప్రమాదం చూపుతుందని చెబుతున్నారు. మిచిగాన్‌ యూనివర్సిటీకి చెందిన పరిశోధకులు నిర్వహించిన అధ్యయనంలో ఈ విషయాలు వెల్లడయ్యాయి. తల్లిదండ్రుల్లో ఏ ఒక్కరికి మద్యం అలవాటు ఉన్నా పిల్లలు మద్యానికి బానిసలుగా మారే ప్రమాదం ఉందని సర్వేలో తేలింది.

సర్వేలో భాగంగా 2000 మంది మద్యపానం అలవాట్లు ఉన్న తల్లిదండ్రులపై సర్వే నిర్వహించారు. దాదాపు 10 ఏళ్లపాటు ఈ సర్వే నిర్వహించిన అనంతరం ఈ విషయాలను వెల్లడించారు. అంతేకాకుండా మద్యపానం సేవించే అలవాటు ఉన్న తల్లిదండ్రుల పిల్లల్లో ప్రాసెస్‌ చేసిన ఆహారం తినాలనే కోరిక సైతం పెరుగుతుందని చెబుతున్నారు. మంచి ఆహారాన్ని తినడానికి వారు ఆసక్తి చూపించరని అధ్యయనంలో తేలింది.

ఇక ఆల్కహాల్‌ అలవాటు ఉన్న వారికి పుట్టే పిల్లల్లో అల్ట్రా ప్రాసెస్‌ చేసిన ఫుడ్‌, ఎక్కువ స్థాయిలో శుద్ధి చేసిన కార్బోహైడ్స్‌, కొవ్వులతో కూడిన ఆహార పదార్థలను తీసుకోవాలన్నా కోరిక అధికంగా ఉంటుందిన నిపుణులు చెబుతున్నారు. ఇవి చిన్నారుల ఆరోగ్యాన్ని తీవ్రంగా దెబ్బ తీస్తాయని హెచ్చరిస్తున్నారు. ఇక ఇలాంటి చిన్నారులు చిన్న వయసులో మధుమేహం, బీపీ, గుండె సంబంధిత రోగాల బారిన పడే అవకాశం ఉందని హెచ్చరిస్తున్నారు. కాబట్టి భవిష్యత్తు తరాలు ఆరోగ్యంగా ఉండాలంటే కచ్చితంగా పేరెంట్స్‌ తమ అలవాట్లను మార్చుకోవాల్సిన అవసరం ఉందని సూచిస్తున్నారు.

ఇక మద్యం సేవించే పురుషుల్లో సంతానోత్పత్తిపై కూడా ప్రభావం చూపుతుందని ప్రత్యేకంగా చెప్పాల్సిన పనిలేదు. విపరీతమైన ఆల్కహాల్ అలవాటున్న మగ వారిలో శుక్ర కణాల నాణ్యత తగ్గుముఖం పడుతుందని, దీర్ఘ కాలంలో ఇది పురుషుల్లో సంతానలేమికి కారణంగా మారుతుందని నిపుణులు చెబుతున్నారు. ఇక ఆల్కహాల్ తో పాటు స్మోకింగ్ అలవాటు ఉన్న వారైతే మరింత ప్రమాదకరమని హెచ్చరిస్తున్నారు.

మరిన్ని లైఫ్ స్టైల్ ఆర్టికల్స్ కోసం క్లిక్ చేయండి…