Egg: రోజూ కోడి గుడ్డు తింటే ప్రమాదామా.? నిపుణులు ఏమంటున్నారంటే..
కోడి గుడ్డులో ఎలాంటి పోషకాలు ఉంటాయో ప్రత్యేకంగా చెప్పాల్సిన పనిలేదు. ఇందులోని ఎన్నో ఔషధ గుణాలు అలాంటివి మరి. అయితే కోడి గుడ్డుకు సంబంధించి ఎన్నో అపోహలు ఉంటాయి. అలాంటి కొన్ని అపోహలు, వాటి వెనకాల ఉన్న అసలు నిజాలు ఏంటో ఇప్పుడు తెలుసుకుందాం...
కోడి గుడ్డు ఆరోగ్యానికి ఎంతలా మేలు చేస్తుందో ప్రత్యేకంగా చెప్పాల్సిన పనిలేదు. ఇందులోని ఎన్నో మంచి గుణాలు శరీరానికి అవసరమైన పోషకాలను అందిస్తాయి. అందుకే ప్రతీరోజూ కోడి గుడ్డును తీసుకోవాలని నిపుణులు సైతం సూచిస్తుంటారు. చివరికి నాన్ వెజ్ తినని వారు కూడా కోడిగుడ్డును తీసుకుంటారు. అయితే ఆరోగ్యానికి ఎంతో మేలు చేసే కోడి గుడ్డుకు సంబంధించి కొన్ని అపోహలు చాలా ఉన్నాయి. అలాంటి కొన్ని అపోహలు, వాటిలో ఎంత వరకు నిజం ఉందో ఇప్పుడు తెలుసుకుందాం..
* కోడిగుడ్లను తింటే శరీరంలో కొవ్వు పెరుగుతుందనే నమ్మకం చాలా మంది ఉంటుంది. నిజానికి ఇందులో ఏమాత్రం లేదని, ఇది కేవలం అపోహ మాత్రమేనని నిపుణులు చెబుతున్నారు. కోడి గుడ్లు తీసుకోవడం వల్ల బ్లడ్ కొలెస్ట్రాల్ స్థాయిలపై పడే ప్రభావం చాలా తక్కువని పలు అధ్యయనాల్లో కూడా వెల్లడైంది.
* ఇక కోడిగుడ్లను ఉడకబెట్టే ముందు వాటిని కడిగేవారు చాలా మంది ఉంటారు. కోడిగుడ్డును కడగకపోతే ఇబ్బందులు ఎదుర్కోవాల్సి ఉంటుందని భావిస్తుంటారు. అయితే ఇందులో ఏమాత్రం నిజం లేదు. నిజానికి కోడిగుడ్లను కడిగితేనే ప్రమాదం. దీనివల్ల గుడ్డు పొట్టుపై ఉండే నేచురల్ ప్రొటెక్టివ్ కోటింగ్ పోతుంది.
* ప్రతీ రోజూ కోడి కుడ్డు తింటే ఆరోగ్యంపై ప్రతికూల ప్రభావం పడుతుందని కూడా విశ్వసించే వారు ఉంటారు. కానీ ఇందులో కూడా ఏమాత్రం నిజం లేదు. రోజు రెండు కోడి గుడ్లను ఎలాంటి సందేహం లేకుండా తీసుకోవచ్చని నిపుణులు చెబుతున్నారు. అయితే అంతకి మించి తీసుకుంటే మాత్రం కేవలం జీర్ణ సంబంధిత సమస్యలు వచ్చే అవకాశం ఉంటుందని అంటున్నారు.
* ఇక కోడిగుడ్డులోని సొన తీసుకుంటే బరువు పెరుగుతారని కొందరు భావిస్తుంటారు. కానీ ఇందులో కూడా నిజం ఏదు. కోడిగుడ్డు సొనలో విటమిన్ ఏ, డీ, ఒమెగా 3 ఫ్యాడీ యాసిడ్స్ పుష్కలంగా ఉంటాయి. ఇవి ఆరోగ్యానికి ఎంతో మేలు చేస్తాయి.
* తెల్ల గుడ్డుతో పోల్చితే గోధుమ రంగులో ఉండే గుడ్డు ఆరోగ్యానికి మేలు చేస్తుందని కూడా కొందరు విశ్వసిస్తుంటారు. అయితే ఇందులో కూడా నిజం లేదు. రెండు రకాల గుడ్లలో కూడా ఒకే రకమైన పోషకాలు ఉంటాయని నిపుణులు అంటున్నారు. కాకపోతే ఊరి కోడి గుడ్డులో పోషకాలు మరింత ఎక్కువ ఉంటాయని చెబుతున్నారు.
నోట్: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.
మరిన్ని లైఫ్ స్టైల్ వార్తల కోసం క్లిక్ చేయండి..