Bone Health: కీళ్ల సమస్యలు వేధిస్తున్నాయా? ఈ ఆహారానికి దూరంగా ఉండాల్సిందే..!

Knee Pain

ఇటీవల మీ ఎముకలలో వివరించలేని నొప్పిని ఎదుర్కొంటున్నారా? మీ మోకాళ్లలో లేదా మెడ  వద్ద విపరీతమైన నొప్పిగా ఉందా? ఈ సమస్య బలహీనమైన ఎముకల ఆరోగ్యానికి సంకేతం కావచ్చు. అయితే నొప్పి నుంచి రక్షణకు మాత్రలు, స్ప్రేలు వంటివి చాలా మంది వాడుతూ ఉంటారు. కచ్చితంగా ఇవి కొంత సమయం వరకు మీకు ఉపశమనాన్ని అందించవచ్చు. కానీ కొంతకాలం తర్వాత,  నొప్పి మళ్లీ పునరావృతమవుతుంది. అయితే ఈ సమస్యకు సరైన కారణం ఏంటి అనే విషయం తెలియదు. అయితే ఆహారం వల్లే ఈ సమస్య వేధిస్తుందని మనలో చాలా మందికి తెలియదు. ఆరోగ్యకరమైన ఎముకలను నిర్వహించడంలో ఆహారం ముఖ్యమైన పాత్ర పోషిస్తుంది. కాబట్టి ఎముకల ఆరోగ్యాన్ని పెంచడానికి దూరంగా ఉంచాల్సిన ఆహార పదార్థాలు ఏంటో ఓ సారి తెలుసుకుందాం.

ఫ్రెంచ్ ఫ్రైస్

ఫ్రెంచ్ ఫ్రైస్ ఎవరు ఇష్టపడని వారు ఎవరుంటారా? మనల్ని మనం ఏదో తృప్తిగా ట్రీట్‌ చేసుకోవాలని భావించినప్పుడల్లా అవి మన చిరుతిండిగా మారతాయి. కేవలం ఫ్రెంచ్‌ఫ్రైస్‌ తినడం ఆపుకోవడంఅసాధ్యం. అయితే వీటిల్లో అధిక మొత్తంలో సోడియంను కలిగి ఉంటాయి. ఇవి మన ఎముకల ఆరోగ్యానికి హానికరం. సోడియం అధికంగా తీసుకోవడం వల్ల మన ఎముకలలోని కాల్షియం కంటెంట్ బలహీనపడుతుంది. వాటిని బలహీనం చేస్తుంది. మీరు బంగాళాదుంప చిప్స్, బర్గర్లు, పిజ్జా లేదా ఏదైనా ఇతర ఫాస్ట్ ఫుడ్ వంటి ఇతర లవణాలున్న ఆహారాలకు కూడా దూరంగా ఉండాలి.

కార్బోనేటేడ్ డ్రింక్స్

మీరు మీ ఎముకలను ఆరోగ్యంగా ఉంచుకోవాలంటే కార్బొనేటెడ్‌ డ్రింక్స్‌కు వీడ్కోలు చెప్పాల్సిందేనని నిపుణులు చెబుతున్నారు. డ్రింక్స్‌ పుష్కలంగా చక్కెరతో లోడ్ అవుతాయి. ముఖ్యంగా ఎముకల అభివృద్ధిని ప్రతికూలంగా ప్రభావితం చేస్తాయి లేదా కాల్షియం నష్టానికి దారితీస్తాయి. ఈ పానీయాలను తాగడం వల్ల మీ నోటి ఆరోగ్యంపై కూడా ప్రభావం చూపుతుంది. ఈ డ్రింక్స్‌ అనేక దంతాలకు సంబంధించిన సమస్యలకు దారి తీస్తుంది.

కెఫిన్

టీ, కాఫీ వంటి పానీయాలు మనం రోజూ తాగుతూ ఉంటాం. కానీ ఒక రోజులో మనం ఎన్నిసార్లు మొత్తం గురించి గుర్తుంచుకోవడం ముఖ్యం. మనం తీసుకున్న పానియాల్లో కెఫిన్‌ శాతాన్ని మనం చూసుకోవాలి. అధిక కెఫిన్‌ వినియోగం ఎముకలను బలహీనపరుస్తుంది. కాబట్టి దీని వినియోగాన్ని అరికట్టాలి. అధిక కెఫిన్ వినియోగం ఎముక సాంద్రతను ప్రభావితం చేస్తుందని అనేక అధ్యయనాలు చూపిస్తున్నాయి. ఎముకలను ఆరోగ్యంగా ఉంచుకోవాలంటే కెఫిన్‌కు దూరంగా ఉండడం ఉత్తమం.

చాక్లెట్లు, క్యాండీలు

చాక్లెట్, క్యాండీలను మనం ఎంతగా ఇష్టపడతామో అందరికీ తెలిసిందే. వీటి అధిక వినియోగం ఎముకలకు చాలా హానికరం. వీటిలో చక్కెర ఎక్కువగా ఉండటం వల్ల సహజంగానే మన రక్తంలో గ్లూకోజ్ స్థాయిని పెంచుతాయి. ఇది మన ఎముక నాణ్యత, సాంద్రతను నేరుగా ప్రభావితం చేస్తుంది. ఇది మీ శరీరాన్ని కాల్షియం గ్రహించకుండా కూడా నిరోధిస్తుంది. షుగర్ డిలైట్స్ కాకుండా ఐస్ క్రీం, కేక్‌లు, లడ్డూలు లేదా డెజర్ట్ కేటగిరీ కిందకు వచ్చే దేనికైనా దూరంగా ఉండాలి.

మరిన్ని హెల్త్ వార్తల కోసం..