Skin Care Tips: ప్రయాణాల్లోనూ తాజాగా మెరిసిపోండి.. మీ కోసమే ఈ సింపుల్ స్కిన్ కేర్ టిప్స్

Healthy skin on travel: ప్రయాణం అంటే కేవలం కొత్త చోట్లను చూడడం, ఫోటోలు తీయడం మాత్రమే కాదు. అయితే, సాధారణంగా మన చర్మం ప్రయాణ సమయంలో అనేక సమస్యలకు గురవుతుంది. దుమ్ము-ధూళి, ఎండ, చల్లటి గాలి, వాతావరణ మార్పులు, చెమట.. వీటి ప్రభావం మన చర్మంపై ఉంటుంది. దీంతో మొటిమలు, దద్దుర్లు, పొడిబారడం, చర్మం నిర్జీవంగా మారడం లాంటి సమస్యలు ఎదుర్కొవాల్సి ఉంటుంద. కానీ, కొన్ని సింపుల్ చిట్కాలతో మీరు ఎక్కడికి వెళ్లినా, చర్మాన్ని మృదువుగా, హైడ్రేటెడ్‌గా, సౌందర్యవంతంగా ఉంచవచ్చు.

1. ముఖాన్ని శుభ్రంగా ఉంచడం

ప్రయాణంలో ముఖంపై ధూళి, ఇసుక వలన రాత్రికి గుడ్‌నైట్ రిట్యూయల్ మిస్ అవ్వడం సహజం. కానీ దీన్ని మినహాయిస్తే మొటిమలు, దద్దుర్ల సమస్యలు ఎదురవుతాయి. తేలికపాటి ఫేస్ వాష్ ఉపయోగించడం ఉత్తమం. లేదంటే నీరు లేకుండా ఉపయోగించగల క్లెన్సింగ్ వాటర్ కూడా చాలా సౌకర్యవంతం, ముఖ్యంగా రైలు, విమానం ప్రయాణంలో ఇది ఉపయోగించవచ్చు. రోజుకు కనీసం రెండు సార్లు ముఖాన్ని శుభ్రం చేసుకోవడం చర్మానికి తక్షణం మెరుగుదల అందిస్తుంది.

2. మాయిశ్చరైజ్ చేయడం – చర్మాన్ని హైడ్రేట్ చేయండి

ఎండ, విమానాల్లోని ఏసీ, పర్వతాల చల్లటి గాలి చర్మాన్ని త్వరగా పొడిగా, గరుకుగా చేస్తాయి. కాబట్టి.. తేలికపాటి కానీ గుణవంతమైన మాయిశ్చరైజర్ ప్రతి చోటా తీసుకోవడం అవసరం. ఎక్కువగా ప్రయాణించే ముందు ఉదయం, రాత్రి మాయిశ్చరైజర్ ఉపయోగించడం వల్ల చర్మం మృధువుగా ఉంటుంది.

3. సన్‌స్క్రీన్ – ఎండ నుంచి రక్షణ

చాలా మంది వ్యక్తులు “సూర్యరశ్మి కేవలం బీచ్‌కి మాత్రమే” అనుకుంటారు. నిజంగా, ఎక్కడ ఉన్నా సూర్యుడు చర్మానికి దెబ్బతీస్తాడు. బయటకు వెళ్లే కనీసం 15 నిమిషాల ముందు సన్‌స్క్రీన్ అప్లై చేయండి. అవసరమైతే, రోజుకు 3 సార్లు సన్‌స్క్రీన్ రీఅప్లై చేయండి. దీంతో మీ చర్మం పొడి బారగుండా, దెబ్బతినకుండా ఉంటుంది.

4. ఫేస్ మిస్ట్ – తక్షణ తాజాదనం

దూర ప్రయాణాలలో అలసట, ఎండ, పొడి గాలి వల్ల చర్మం ఒడిసిపోతుంది. ఫేస్ మిస్ట్ చర్మానికి తక్షణ సొగసైన హైడ్రేషన్ ఇస్తుంది. వేసవిలో, మీ బ్యాగులో ఎల్లప్పుడూ ఇది ఉంచడం మంచిది.

5. లిప్ బామ్, ఫేస్ వైప్స్

చాలామంది ప్రయాణంలో పెదవులు పగిలిపోవడం సమస్యగా ఎదుర్కుంటారు. హైడ్రేటింగ్ లిప్ బామ్ ప్రతి వాకేషన్‌లో తప్పనిసరి. మృదువైన ఫేస్ వైప్స్ కూడా ముఖం శుభ్రంగా ఉంచడానికి, వెంటనే ధూళిని తొలగించడానికి ఉపయోగపడతాయి.

అందమైన గమస్థానాలకు ప్రయాణం ఆహ్లాదకరమే అయినప్పటికీ, చర్మం మీద ఎల్లప్పుడూ ప్రభావం చూపుతుంది. క్రమమైన కేర్ రూటీన్, తేలికపాటి ఉత్పత్తులు, హైడ్రేషన్ అలవాట్లు పాటిస్తే, మీరు ఎక్కడ ఉన్నా తాజాగా, మృదువుగా, ఆరోగ్యంగా ఉన్న చర్మం పొందవచ్చు.