Jammi Chettu: జమ్మి చెట్టుతో ఎన్ని ఆరోగ్య ప్రయోజనాలో.. అస్సలు ఊహించలేరు..
జమ్మి చెట్టు గురించి ప్రత్యేకంగా పరిచయాలు అవసరం లేదు. జమ్మి చెట్టును శమీ వృక్షం అని కూడా అంటారు. ఈ చెట్టు ఆకులను బంగారం అని కూడా పిలుస్తూ ఉంటారు. దేవతా వృక్షాల్లో జమ్మి చెట్టు కూడా ఒకటి. చరిత్ర పరంగా కూడా జమ్మి చెట్టుకు ఎంతో ప్రాధాన్యం ఉంది. రాముడు లంకకు వెళ్లే ముందు ఈ మొక్కను పూజించాడు. అలాగే మహాభారతంలో పాండవులు అజ్ఞాతవాసానికి వెళ్లే ముందు ఆయుధాలను ఈ వృక్షం దగ్గరే ఉంచారు. అందుకే విజయ దశమి రోజు విజయ..
జమ్మి చెట్టు గురించి ప్రత్యేకంగా పరిచయాలు అవసరం లేదు. జమ్మి చెట్టును శమీ వృక్షం అని కూడా అంటారు. ఈ చెట్టు ఆకులను బంగారం అని కూడా పిలుస్తూ ఉంటారు. దేవతా వృక్షాల్లో జమ్మి చెట్టు కూడా ఒకటి. చరిత్ర పరంగా కూడా జమ్మి చెట్టుకు ఎంతో ప్రాధాన్యం ఉంది. రాముడు లంకకు వెళ్లే ముందు ఈ మొక్కను పూజించాడు. అలాగే మహాభారతంలో పాండవులు అజ్ఞాతవాసానికి వెళ్లే ముందు ఆయుధాలను ఈ వృక్షం దగ్గరే ఉంచారు. అందుకే విజయ దశమి రోజు విజయ దశమి నాడు పూజిస్తే అపజయాలు కలగవని అంటూ ఉంటారు. అంతే కాకుండా ఆయుర్వేదం ప్రకారం కూడా.. ఈ చెట్టును పూజిస్తే అనేక ఆరోగ్య ప్రయోజనాలు ఉన్నాయి. ఈ చెట్టు ఆకుల నుంచి కాండం వరకు కూడా అనేక పోషకాలు ఉన్నాయి. మరి ఈ చెట్టును ఆరోగ్యం కోసం ఎలా ఉపయోగిస్తారో ఇప్పుడు తెలుసుకుందాం.
గొంతు నొప్పి:
శమీ వృక్షంతో కూడా గొంతు నొప్పిని తగ్గించుకోవచ్చు. ఈ చెట్టు కాండాన్ని నీటిలో మరిగించి పుక్కిలిస్తే గొంతు నొప్పి అనేది తగ్గుతుంది. అలాగే నోటి ఆరోగ్యం, పళ్ల సమస్యలు కూడా కంట్రోల్ అవుతాయి. నోటి అల్సర్లు కూడా తగ్గుతాయి. ఈ చెట్టు కాండాన్ని ఎండబెట్టి పొడిలా చేసి కూడా ఉపయోగించవచ్చు.
చర్మ ఇన్ఫెక్షన్స్:
జమ్మి చెట్టు ఆకులతో చర్మ ఇన్ఫెక్షన్స్ కూడా తగ్గించుకోవచ్చు. చర్మం దద్దుర్లు, దురద, పొక్కులు, మంట వంటి చర్మ ఇన్ఫెక్షన్స్ వస్తూ ఉంటాయి. వీటిని తగ్గించుకునేందుకు జమ్మి చెట్టు ఆకులు చక్కగా పని చేస్తాయి. ఈ ఆకులను ముద్దగా చేసి ఒంటికి రాసుకుంటే చాలు. లేదంటే గోరు వెచ్చటి నీటిలో వేసి ఓ అరగంట సేపు ఉంచి.. ఆ తర్వాత స్నానం చేస్తే చాలా మంచిది.
అవాంఛిత రోమాలు:
చాలా మందిలో అవాంఛిత రోమాలు వస్తూ ఉంటాయి. ఈ వెంట్రుకలను తొలగించడంలో జమ్మి చెట్టు చక్కగా పని చేస్తుంది. జమ్మి చెట్టు పండ్లు లేదా కాయలను నూరి రెగ్యులర్‌గా ముఖంపై రాసుకుంటే ఈ సమస్య కంట్రోల్ అవుతుంది.
గాలి శుద్ధి:
జమ్మి చెట్టును ఇంటి వద్ద లేదా ఇంటికి దగ్గరలో పెంచుకోవడం వల్ల చుట్టు ప్రక్కల గాలి అనేది శుద్ధి అవుతుంది. గాలిలో ఉండే హానికర కాలుష్యాలను గ్రహించి.. గాలిని శుద్ధి చేస్తుంది. ఈ మొక్కను ఇంటి బాల్కనీలోనూ పెంచుకోవచ్చు.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్ చేయండి..