Ant Control: 2 రూపాయలతో చీమలన్నీ మాయం! ఉప్పుతో కలిపి ఇలా చేస్తే ఒక్క చీమ కూడా కనిపించదు!

చీమలు సాధారణంగా వాసనను పసిగట్టి ఒకదాని వెంట ఒకటి వరుసలో వెళ్తుంటాయి. ఈ వాసన పట్టే సామర్థ్యాన్ని బిర్యానీ ఆకు దెబ్బతీస్తుంది. ఉప్పు వాటి శరీరానికి తగిలితే అవి డీహైడ్రేషన్ వల్ల పారిపోతాయి. ఈ సహజసిద్ధమైన చిట్కాను ఎలా వాడాలి? ఇతర ప్రత్యామ్నాయ మార్గాలు ఏంటో ఇప్పుడు వివరంగా మీకోసం.

బిర్యానీ ఆకు + ఉప్పు మ్యాజిక్!

కొన్ని బిర్యానీ ఆకులను తీసుకుని చిన్న ముక్కలుగా చేయాలి. ఇలా చేయడం వల్ల ఆకులో ఉండే ‘యూకలిప్టాల్’ అనే రసాయనం వల్ల వచ్చే ఘాటైన సువాసన బయటకు వస్తుంది. ఈ ముక్కలకు ఒకటి లేదా రెండు టేబుల్ స్పూన్ల ఉప్పు కలపాలి. ఈ మిశ్రమాన్ని చీమలు తిరిగే కిచెన్ ప్లాట్‌ఫారమ్స్, కిటికీలు, డోర్ ఫ్రేమ్‌ల దగ్గర ఉంచితే చీమలు ఆ దరిదాపుల్లోకి కూడా రావు. రెండు వారాలకు ఒకసారి ఈ మిశ్రమాన్ని మారుస్తుంటే మంచి ఫలితం ఉంటుంది.

చీమల సంహారానికి ఇతర చిట్కాలు:

బేకింగ్ సోడా చక్కెర:

సమాన మోతాదులో బేకింగ్ సోడా, చక్కెర కలిపి చీమలు తిరిగే చోట చల్లాలి. చక్కెర వాటిని ఆకర్షిస్తుంది, కానీ బేకింగ్ సోడా తిన్నప్పుడు వాటి పొట్టలో గ్యాస్ ఉత్పత్తి అయ్యి అవి చనిపోతాయి.

నిమ్మరసం స్ప్రే:

నిమ్మలోని సిట్రిక్ యాసిడ్ వాసన చీమలకు అస్సలు నచ్చదు. స్ప్రే బాటిల్‌లో సమానంగా నిమ్మరసం, నీళ్లు కలిపి కిటికీలు, తలుపుల దగ్గర చల్లితే చీమలు లోపలికి రాకుండా అడ్డుకోవచ్చు.

కిచెన్ క్లీనింగ్:

చీమలు ఆహారం కోసం వెతుకుతుంటాయి. కాబట్టి వంటగదిలో ఆహారపు ముక్కలు, ముఖ్యంగా స్వీట్లు, జ్యూస్ లాంటివి చిందకుండా జాగ్రత్త పడాలి. ఆహార పదార్థాలను గాలి చొరబడని డబ్బాల్లో భద్రపరచాలి.