Pigeon Repellent Hack : ఐదు నిమిషాల్లో బాల్కనీకి వచ్చిన పావురాన్ని తరిమివేయండి.. సోషల్ మీడియాలో వైరల్ అవుతున్న క్రేజీ ట్రిక్!

ఈ చిట్కా ప్రయత్నించడానికి మీకు ఒక థర్మోకోల్ షీట్, ఒక పాత చీపురు (ఈకలు ఉండేది కాదు, పుల్లల చీపురు), డబుల్ సైడెడ్ టేప్ అవసరం. ముందుగా చీపురు పుల్లలను తీసుకుని సుమారు 1 నుండి 2 అంగుళాల పొడవు ఉండేలా చిన్న ముక్కలుగా కత్తిరించుకోవాలి. ఇప్పుడు థర్మోకోల్ షీట్‌ను మీకు కావాల్సిన పరిమాణంలో కత్తిరించి, ఆ పుల్లలను ఒకదాని పక్కన ఒకటి థర్మోకోల్‌లోకి గుచ్చాలి (ఇది మార్కెట్లో దొరికే ప్లాస్టిక్ స్పైక్స్ లాగా కనిపిస్తుంది). అనంతరం, ఈ థర్మోకోల్ షీట్ వెనుక భాగంలో డబుల్ సైడెడ్ టేప్ అంటించి, మీ బాల్కనీ గోడలపై లేదా పావురాలు ఎక్కువగా వాలే ప్రదేశాల్లో అమర్చాలి.

ఇది ఎలా పనిచేస్తుంది? పావురాలు సాధారణంగా గోడల అంచులపై లేదా ఫ్లాట్ సర్ఫేస్‌పై వాలడానికి ఇష్టపడతాయి. మీరు అమర్చిన ఈ చీపురు పుల్లల వల్ల వాటికి వాలడానికి స్థలం ఉండదు. ఆ పుల్లలు పావురాలకు గుచ్చుకుంటాయేమో అన్న భయంతో అవి ఆ ప్రదేశానికి రావు. ముఖ్యమైన విషయం ఏమిటంటే, ఈ చిట్కా వల్ల పావురాలకు ఎలాంటి గాయాలు అవ్వవు, కేవలం అవి అక్కడ వాలకుండా అసౌకర్యాన్ని మాత్రమే కలిగిస్తాయి. తక్కువ ఖర్చుతో కూడిన ఈ పద్ధతి అపార్ట్‌మెంట్ వాసులకు ఎంతో ఉపయోగకరంగా ఉంటుంది.

సోషల్ మీడియా స్పందన… ఇన్‌స్టాగ్రామ్‌లో ఓ నెటిజన్ షేర్ చేయబడిన ఈ వీడియోకు కోట్లలో వ్యూస్ వచ్చాయి. కొందరు దీనిని పక్షులను హింసించడమని విమర్శిస్తున్నప్పటికీ, మరికొందరు మాత్రం ఇది చాలా తెలివైన సురక్షితమైన మార్గమని ప్రశంసిస్తున్నారు. పావురాల రెట్టల వల్ల వచ్చే శ్వాసకోశ వ్యాధుల నుండి తప్పించుకోవడానికి ఇది ఒక చక్కని పరిష్కారమని చాలా మంది అభిప్రాయపడుతున్నారు. పావురాలను చంపకుండా, వాటికి హాని చేయకుండా కేవలం మీ పరిసరాల నుండి దూరం చేయడానికి ఈ DIY పద్ధతి బాగా పనిచేస్తుంది. బాల్కనీని శుభ్రంగా ఉంచుకోవడానికి ఇది ఒక స్మార్ట్ ఐడియా.