Men Health Tips: ఆ బలహీనతతో బాధపడుతున్నారా..? పురుషుల్లో పవర్‌ను అమాంతం పెంచే ఫుడ్స్ ఇవే..
పురుషులు తమ బలాన్ని పెంచుకోవడానికి వివిధ రకాల ప్రోటీన్ పౌడర్లు, సప్లిమెంట్లను కూడా తీసుకుంటారు. కానీ ఇవన్నీ దుష్ప్రభావాలు కలిగిస్తాయి. ఇలాంటి పరిస్థితిలో శరీర బలహీనతతో సమస్యతో ఇబ్బంది పడుతుంటే
Updated on: Aug 11, 2022 | 11:56 AM
Home Remedies For Male Weakness: ప్రస్తుత కాలంలో చాలామంది పురుషులు అనారోగ్య సమస్యలను ఎదుర్కొంటున్నారు. వాటిలో ప్రధానంగా వంధత్వ, బలహీనతతోపాటు పలు అనారోగ్య సమస్యలున్నాయి. చాలా మంది పురుషులు బలహీనతతో ఇబ్బంది పడుతున్నారు. కొంతమంది పురుషులు చాలా సన్నగా, బలహీనంగా ఉంటారు. అటువంటి పరిస్థితిలో పురుషులు తమ బలాన్ని పెంచుకోవడానికి వివిధ రకాల ప్రోటీన్ పౌడర్లు, సప్లిమెంట్లను కూడా తీసుకుంటారు. కానీ ఇవన్నీ దుష్ప్రభావాలు కలిగిస్తాయి. ఇలాంటి పరిస్థితిలో శరీర బలహీనతతో సమస్యతో ఇబ్బంది పడుతుంటే కొన్ని ఇంటి నివారణలను అనుసరించవచ్చు. అలాంటి కొన్ని హోం రెమెడీస్‌ని పాటించడం ద్వారా బలహీనతతోపాటు కొన్ని ఇబ్బందుల నుంచి అధిగమించవచ్చు. పురుషులు బలహీనతలను తొలగించడానికి పాటించే చిట్కాల గురించి ఇప్పుడు తెలుసుకోండి..
వెల్లుల్లి వినియోగం: శరీరం సన్నగా ఉండి, ఎప్పుడూ కూడా బలహీనంగా ఉన్నట్లు అనిపిస్తే మీ రెగ్యులర్ డైట్‌లో వెల్లుల్లిని చేర్చుకోవచ్చు. వెల్లుల్లి పురుషులకు చాలా ఉపయోగకరంగా ఉంటుందని ఆరోగ్య నిపుణులు పేర్కొంటున్నారు. శారీరక బలం బలహీనంగా ఉంటే.. దానిని పెంచుకునేందుకు ప్రతిరోజూ ఖాళీ కడుపుతో వెల్లుల్లిని తిసుకోవచ్చు. దీని కోసం వెల్లుల్లి 4 రెబ్బలను తీసుకుని, గోరువెచ్చని నీటితో తినండి. ఇలా చేయడం వల్ల మీరు అనేక ఇతర వ్యాధుల నుంచి బయటపడతారు.
తృణధాన్యాలు తినండి: చాలా మంది ఫాస్ట్ ఫుడ్, కెఫిన్ లేదా ఆల్కహాల్ ఎక్కువగా తీసుకుంటారు. ఇలా చేయడం ద్వారా శరీరం అనారోగ్యానికి గురవుతుంది. లోపల నుంచి శరీరాన్ని బలోపేతం చేయాలనుకుంటే ఆహారంలో తృణధాన్యాలు చేర్చుకోవాలి. తృణధాన్యాలు మీ ఆరోగ్యానికి చాలా మేలు చేస్తాయి. ఇవి అనేక సమస్యలను పరిష్కరిస్తాయి.
అరటిపండు: పురుషులు తప్పనిసరిగా తమ ఆహారంలో అరటిపండ్లను చేర్చుకోవాలి. మీ శారీరక శక్తిని పెంచుకోవాలనుకుంటే ఆహారంలో అరటిపండును ఖచ్చితంగా చేర్చుకోవాలని నిపుణులు సూచిస్తున్నారు. అరటిలో శక్తినిచ్చే విటమిన్లతోపాటు కార్బోహైడ్రేట్లు ఉంటాయి. ఇందుకోసం రోజూ 2 అరటిపండ్లను పాలతో కలిపి తినవచ్చు.
మరిన్ని హెల్త్ వార్తల కోసం
