Lemon For Skin: అందమైన చర్మం కోసం.. అదిరిపోయే టిప్స్..! నిమ్మకాయతో మీ ముఖానికి కొత్త కళ..!

మన చర్మం మన అందాన్ని ప్రతిబింబిస్తుంది. ఏ ఉత్పత్తులు వాడాలో సహజంగా ఎలా చూసుకోవాలో తెలిస్తే అది ఆరోగ్యంగా, మెరిసేలా ఉంటుంది. సహజ పద్ధతుల్లో నిమ్మకాయ చాలా ఉపయోగపడుతుంది. దీనిని రకరకాలుగా వాడుతూ చర్మాన్ని ఆరోగ్యంగా ఉంచుకోవచ్చు. అందుకు సంబంధించిన కొన్ని చిట్కాలు ఇక్కడ ఉన్నాయి.కొద్దిగా తాజా నిమ్మరసాన్ని నీటిలో కలిపి ఒక కాటన్ బాల్‌ తో ముఖంపై రాయండి. ఇది సహజమైన టోనర్‌ లా పని చేస్తుంది. చర్మంపై ఉన్న మురికి, నూనె తొలగిపోతాయి. రోజూ ఈ టోనర్‌ ను వాడితే ముఖం ప్రకాశవంతంగా మారుతుంది. ఇది పిగ్మెంటేషన్ తగ్గించడానికి కూడా సహాయపడుతుంది.

ఒక చెంచా నిమ్మరసంలో అర చెంచా తేనె కలిపి ముఖంపై మెల్లగా రాసుకోండి. పది నిమిషాల తర్వాత నీటితో కడిగేస్తే చర్మం తేమను పొందుతుంది. ఇది పొడి చర్మానికి చాలా మంచిది. చర్మంపై ఉండే నల్ల మచ్చలు నెమ్మదిగా తగ్గుతాయి. సహజంగా మెరిసే చర్మాన్ని కోరుకునే వారికి ఇది మంచి పరిష్కారం.

ఒక టీస్పూన్ ముల్తానీ మట్టిలో కొద్దిగా నిమ్మరసం కలిపి మెత్తని పేస్ట్ తయారు చేసుకోండి. ఈ పేస్ట్‌ ను ముఖానికి రాసి ఆరిన తర్వాత నీటితో కడిగేయండి. ఇది ముఖంపై ఉన్న అదనపు నూనెను తొలగిస్తుంది. చర్మాన్ని మృదువుగా, మెరిసేలా చేస్తుంది. ఆయిలీ స్కిన్ ఉన్నవారికి ఇది చాలా ఉపయోగపడుతుంది.

తాజా కలబంద జెల్‌ లో కొద్దిగా నిమ్మరసం కలిపి ముఖంపై అప్లై చేయండి. ఇది చర్మాన్ని చల్లబరుస్తుంది. వేసవి కాలంలో ముఖ్యంగా వాడితే ముఖంపై వచ్చే మంట, ఎరుపుదనం తగ్గుతాయి. చర్మానికి తేనె తాకినట్టుగా మృదుత్వం వస్తుంది.

నిమ్మ తొక్కను ఎండబెట్టి పొడి చేసి ఆ పొడిలో కొద్దిగా రోజ్ వాటర్ కలిపి స్క్రబ్‌ గా వాడండి. ముఖంపై సున్నితంగా మసాజ్ చేయాలి. ఈ ప్రక్రియ చర్మంపై ఉన్న చనిపోయిన కణాలను తొలగించడంతో పాటు కొత్త కణాలు పెరగడానికి సహాయపడుతుంది. ముఖం కాంతివంతంగా మారుతుంది.

నిమ్మరసానికి సహజంగా యాంటీ బ్యాక్టీరియల్ లక్షణాలు ఉంటాయి. మొటిమలు, నల్ల మచ్చలు వంటి సమస్యలు ఉన్నవారు దాన్ని నేరుగా ముఖంపై వేస్తే వాటి తీవ్రత తగ్గుతుంది. అయితే నేరుగా వాడే ముందు తక్కువ మోతాదులో ప్యాచ్ టెస్ట్ చేయడం ఉత్తమం. రాత్రి సమయాల్లో ఉపయోగిస్తే మంచి ఫలితం ఉంటుంది.

నిజానికి నిమ్మకాయ మన ఇంట్లో సులభంగా దొరికే చర్మ సంరక్షణ పదార్థం. దీనిని ఇతర సహజ పదార్థాలతో కలిపి వాడడం వల్ల అనేక ప్రయోజనాలు ఉన్నాయి. దురద, పొడి చర్మం, నల్ల మచ్చలు, మొటిమలు వంటి సమస్యలకు ఇది ఉపశమనం ఇవ్వగలదు. ఖరీదైన క్రీములు, లోషన్లు కాకుండా.. ఈ సహజ చిట్కాలను పాటించడం వల్ల చర్మం ఆరోగ్యంగా, అందంగా, ప్రకాశవంతంగా ఉంటుంది.

(NOTE: పై చిట్కాలు ఉపయోగించే ముందు తప్పని సరిగా పాచ్ టెస్ట్ చేయండి. ఈ మిశ్రమాన్ని చేతి వెనుక భాగంలో లేదా చెవి వెనుక భాగంలో చిన్నగా రాసి ఎలాంటి అలర్జీ, దురద రాకపోతే మాత్రమే వాడాలి)