విటమిన్ డి కోసం రోజూ ఎండలో ఎంతసేపు ఉండాలి.. కరెక్ట్ ఆన్సర్ ఇదే..

విటమిన్ డి మన శరీరానికి చాలా ముఖ్యమైనది. ఎందుకంటే ఇది ఎముకలను బలోపేతం చేయడానికి, రోగనిరోధక శక్తిని మెరుగుపరచడంలో సహాయపడుతుంది. విటమిన్ డి కి ఉత్తమ మూలం సూర్యకాంతి. కానీ ప్రశ్న ఏమిటంటే, శరీరానికి తగినంత విటమిన్ డి లభించాలంటే ఎంతకాలం ఎండలో ఉండాలి? ఎప్పుడు ఉండాలి.. అనే విషయాలను ఇప్పుడు తెలుసుకుందాం..

ఎండలో ఎంతసేపు ఉండాలి?..

రోజూ 15 నుంచి 30 నిమిషాలు ఎండలో ఉండడం వల్ల శరీరానికి విటమిన్ డి అందుతుంది. ఈ సమయం మీ చర్మం రంగు, సూర్యకాంతి తీవ్రతపై ఆధారపడి ఉంటుంది. లేత చర్మం ఉన్నవారు 15-20 నిమిషాల పాటు ఎండలో ఉండాలి. నల్లటి చర్మం ఉన్నవారు 20-30 నిమిషాలు ఎండలో ఉండాలి. సూర్యరశ్మిని తీసుకోవడానికి ఉదయం సమయం ఉత్తమంగా పరిగణిస్తారు.. ఎందుకంటే ఈ సమయంలో విటమిన్ డిని ఉత్పత్తి చేసే UVB కిరణాలు మరింత ప్రభావవంతంగా ఉంటాయి.

ఏ సమయంలో ఉండాలి..

సూర్యకాంతి తీసుకోవడానికి ఉత్తమ సమయం ఉదయం 8 నుండి 11 గంటల మధ్య.. మంచిదని పేర్కొంటారు.. ఈ సమయంలో, సూర్యుని కిరణాలలో UVB కిరణాలు ఎక్కువగా ఉంటాయి. ఇవి మన శరీరంలో విటమిన్ డిని ఉత్పత్తి చేయడంలో సహాయపడతాయి. ఈ కిరణాలు మన చర్మంపై పడినప్పుడు, శరీరం విటమిన్ డిని ఉత్పత్తి చేస్తుంది. ఇది ఎముకలను బలోపేతం చేయడానికి, రోగనిరోధక శక్తిని మెరుగుపరచడంలో సహాయపడుతుంది.

శరీరంలోని ఏ భాగాలు సూర్యరశ్మికి గురికావాలి?..

శరీరంలోని 25-30% చేతులు, కాళ్లు లేదా వీపు వంటివి సూర్యరశ్మికి గురికావాలి. తద్వారా మీ శరీరానికి విటమిన్ డి తగినంత మొత్తంలో లభిస్తుంది.

జాగ్రత్తలు..

సూర్యరశ్మికి ఉండటం ఆరోగ్యానికి మంచిదే అయినప్పటికీ ఎక్కువ సేపు సూర్యరశ్మిలో ఉండటం వల్ల చర్మం దెబ్బతింటుంది. అలాగే, చర్మం కాలిపోతుంది లేదా టాన్ కావచ్చు. అందువల్ల, మీరు 30 నిమిషాల కంటే ఎక్కువ ఎండలో ఉన్నట్లయితే లైట్ సన్‌స్క్రీన్‌ను అప్లై చేయడం ముఖ్యం.

విటమిన్ డి ఇతర వనరులు

మీరు ఎండలో బయటకు వెళ్లలేకపోతే, మీరు విటమిన్ డి ఇతర వనరుల నుండి పొందవచ్చు. చేపలు, ముఖ్యంగా సాల్మన్, ట్యూనా.. వంటికి విటమిన్ డి కిమంచి మూలం. ఇది కాకుండా, విటమిన్ డి కూడా గుడ్డు పచ్చసొనలో ఉంటుంది. ఇది ఆరోగ్యానికి మేలు చేస్తుంది. పుట్టగొడుగులు కూడా సహజ మూలం.. ఇది శరీరానికి విటమిన్ డిని అందిస్తుంది. ఈ ఆహారాల నుండి మీకు తగినంత విటమిన్ డి లభించకపోతే, మీరు మీ వైద్యుని సలహాతో విటమిన్ డి సప్లిమెంట్లను కూడా తీసుకోవచ్చు.

మరిన్ని హెల్త్ వార్తల కోసం ఇక్కడ క్లిక్ చేయండి..