కంటెంట్ ఉన్నపుడు భయమేలా.. 100 కాదు 200 కోట్లు పెడదాం..!
Updated on: Mar 08, 2026 | 3:14 PM
టాలీవుడ్లో భారీ బడ్జెట్, అద్భుతమైన VFXతో రూపొందుతున్న చిత్రాలు కొత్త ట్రెండ్ను సృష్టిస్తున్నాయి. కేవలం స్టార్ హీరోల చిత్రాలే కాకుండా, కంటెంట్ ప్రధానంగా నిర్మిస్తున్న మీడియం రేంజ్ సినిమాలకు కూడా విజువల్ ఎఫెక్ట్స్ ప్రాణం పోస్తున్నాయి. వృషకర్మ, సంబరాల ఏటిగట్టు, నాగబంధం వంటి ప్రాజెక్ట్లు వంద కోట్ల బడ్జెట్తో గ్రాఫిక్స్ మ్యాజిక్ను ప్రేక్షకులకు అందించడానికి సిద్ధమవుతున్నాయి. ఈ సినిమాలు అవుట్పుట్పై నిర్మాతలు, దర్శకులు పూర్తి నమ్మకంతో ఉన్నారు.
టాలీవుడ్లో ఇప్పుడు ఎక్కడ చూసినా ‘భారీ బడ్జెట్’, ‘మైండ్ బ్లోయింగ్ VFX’.. ఈ రెండు మాటలే వినిపిస్తున్నాయి. ఈ రోజుల్లో గ్రాఫిక్స్ లేకుండా ఏ సినిమా రావట్లేదు. పెద్ద హీరోలే కాదు.. మీడియం రేంజ్ సినిమాలకు కూడా విజువల్ ఎఫెక్ట్స్ ప్రాణం పోస్తున్నాయి. అసలు బడ్జెట్లో కాంప్రమైజ్ కాకుండా.. గ్రాఫిక్స్తో మ్యాజిక్ చేయడానికి ముస్తాబవుతున్న ప్రాజెక్ట్స్ ఏంటో చూద్దామా..? చూస్తున్నారుగా.. ఈ గ్లింప్స్ చూస్తుంటే తెలుగు సినిమాలా కూడా కనిపించట్లేదు.. వృషకర్మ కోసం మేకర్స్ ఏకంగా 100 కోట్లు పెడుతున్నారు.. ప్రతీ రూపాయి ఫ్రేమ్లో కనిపించేలా జాగ్రత్త పడుతున్నారు. టీజర్ చూస్తుంటే ఇది గూస్బంప్స్ తెప్పించే సినిమా అని అర్థమవుతోంది. తన శిష్యుడు కార్తీక్ దండు చేసిన మ్యాజిక్ చూసి సుకుమార్ సైతం ఫిదా అయిపోయారు. సాయి ధరమ్ తేజ్ సిక్స్ ప్యాక్తో అదరగొడుతున్న సంబరాల ఏటిగట్టు కోసం కూడా అక్షరాలా 100 కోట్లు ఖర్చు పెడుతున్నారు. హనుమాన్ ఫేమ్ నిరంజన్ రెడ్డి బడ్జెట్ విషయంలో అస్సలు వెనకాడకుండా ఈ సినిమాకి గ్రాండ్ బ్యాకింగ్ ఇస్తున్నారు. దర్శకుడు రోహిత్ ఒక సరికొత్త విజువల్ ప్రపంచాన్ని క్రియేట్ చేస్తూ ప్రేక్షకులను వేరే లోకంలోకి తీసుకెళ్లడానికి రెడీ అవుతున్నారు. అభిషేక్ నామా తెరకెక్కిస్తున్న నాగబంధం బడ్జెట్ 80 కోట్ల పైమాటే. స్టార్ వ్యాల్యూ లేకుండా కంటెంట్ కోసమే ఖర్చు చేస్తున్నారీయన. దీనిపై అభిషేక్కు ఉన్న నమ్మకం చూస్తుంటే.. ఔట్ పుట్పై ఎంత కాన్ఫిడెంట్గా ఉన్నారో అర్థమైపోతుంది. సినిమాలో ఉండబోయే ప్రతీ విజువల్ అద్భుతంగా రాబోతోందని.. కచ్చితంగా ఇది బాక్సాఫీస్ దగ్గర మ్యాజిక్ చేస్తుందని టీమ్ ధీమాగా ఉన్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
Ustaad Bhagat Singh: ఉస్తాద్ భగత్ సింగ్ విషయం లో అలా చేయడం.. లాభమా.. ? నష్టమా..?
Virosh Wedding: ఇన్స్టాలో విరోష్ వెడ్డింగ్ సాంగ్ కొత్త రికార్డ్..
బెంగళూరులో ‘గూగుల్’ టెకీ ఖర్చు నెలకు రూ.1.43 లక్షలా
వీధిలో నడుస్తున్న పెద్ద పులి.. చివరికి..
పొలంలో త్రిశూలాలు.. ఆశ్చర్యపోయిన జనం..
ఇదేం విడ్డూరం స్వామీ.. ఆటోలకు బేడీలా
స్కూల్ పిల్లలకు చెప్పుల దండ వేసిన టీచర్
గ్రామ సర్పంచ్లు తలలు పట్టుకునేలా చేస్తున్న కోతులు.. అయ్యో పాపం
బండరాయి అనుకొని వదిలేశారు.. మూడేళ్ల తర్వాత చూస్తే.. అద్భుతం
