Jilebi: నోట్లో వేసుకుంటే కరిగిపోయే జిలేబిని, ఇంట్లోనే ఇలా సింపుల్‌గా తయారు చేసుకోండి.. టేస్ట్ అదుర్స్‌..
జిలేబిని ఇష్టపడని వారు ఉండరనడంలో ఎలాంటి సందేహం లేదు. ప్రతీ ఒక్కరికీ ఈ స్వీట్ నచ్చుతుంది. సహజంగా మనం రోడ్డు పక్కన ఉండే జిలేబి సెంటర్లలోనే కొనుగోలు చేస్తుంటాం. అయితే అక్కడ ఉపయోగించే పిండి మంచిదేనా, నూనె నాణ్యతతో..
జిలేబిని ఇష్టపడని వారు ఉండరనడంలో ఎలాంటి సందేహం లేదు. ప్రతీ ఒక్కరికీ ఈ స్వీట్ నచ్చుతుంది. సహజంగా మనం రోడ్డు పక్కన ఉండే జిలేబి సెంటర్లలోనే కొనుగోలు చేస్తుంటాం. అయితే అక్కడ ఉపయోగించే పిండి మంచిదేనా, నూనె నాణ్యతతో కూడినదేనా అనే అనుమానం రాకమానదు. దీంతో రోడ్డు పక్కన లభించే జిలేబి విషయంలో ఒకటికి రెండు సార్లు ఆలోచించుకోవాల్సిన పరిస్థితి ఉంటుంది. అయితే ఇంట్లోనే మీకు నచ్చినట్లు జిలేబీని తయారు చేసుకుంటే ఆరోగ్యానికి ఆరోగ్యం, రుచికి రుచి దొరుకుతుంది. మరి జిలేబి తయారు చేసుకోవడానికి కావాల్సిన పదార్థాలు ఏంటి.? ఎలా తయారు చేయాలి.? స్టెప్‌ బై స్టెప్‌ ప్రాసెస్‌ మీకోసం..
కావాల్సిన పదార్థాలు..
* ఒక కప్పు మైదా
* 1 టేబుల్‌ స్పూన్‌ శనగ పిండి
* 1 కప్పు తాజా పెరుగు
* 1 కప్పు చక్కెర
* 4 కప్పుల నీళ్లు
* ఒక కప్పు నెయ్యి
తయారీ విధానం..
ముందుగా ఒక బౌల్‌లోకి మైదా పిండిని తీసుకోవాలి. అనంతరం దానికి శనగపిండి, తాజా పెరుగు కలిపి ఉండలు రాకుండా పేస్ట్‌గా కలుపుకోవాలి. ఇలా కలిపిన పిండిని 10 నిమిషాల పాటు పక్కన పెట్టుకోవాలి. అనంతరం స్టౌవ్‌ మీద పాన్‌ పెట్టి పంచదార వేయాలి. పంచదారలో నీరు పోసి వేడి చేయాలి. పంచదార బాగా కరిగి పాకం వచ్చేంత వరకు కలుపుతూ ఉండాలి. దీంట్లోకి అవసరమైతే కుంకుమ పువ్వు, ఫుడ్ కలర్ కలుపుకోవచ్చు. ఫుడ్ కలర్ కలపడం ద్వారా అచ్చంగా మార్కెట్లో దొరికే జిలేబిల్లా తయారవుతాయి. తర్వాత మరో స్టౌవ్‌పై బాండీ పెట్టి అందులో నూనె లేదా నెయ్యిని వేయాలి. ముందుగా తయారు చేసుకున్న పిండిని కోన్‌లాంటి ప్లాస్టిక్‌ కవర్‌లో నింపాలి. తర్వాత నెమ్మదిగా జిలేబి ఆకారంలో నూనెలో వేయాలి. రెండు వైపుల గోల్డ్‌ కలర్ వచ్చే వరకు వేగించాలి. చివరిగా ముందుగా తయారు చేసుకున్న పంచదార పాకంలో జిలేబిలను కొద్ది సేపు ఉంచితే సరి వేడి వేడిగా రుచికరమైన జిలేబిలు రడీ.
మరిన్ని లైఫ్ స్టైల్ ఆర్టికల్స్ కోసం క్లిక్ చేయండి..
