Super Foods: చలికాలంలో వైరల్ ఇన్ఫెక్షన్స్ రావొద్దంటే ఈ ఫుడ్స్‌ తప్పనిసరి.. సింపుల్‌ డైట్‌

Super Foods: చలికాలంలో ఫ్లూ, జలుబు సమస్యలను ఎక్కువగా ఎదుర్కోవాల్సి ఉంటుంది. ఈ సమయంలో కీళ్ల నొప్పులు, చర్మానికి సంబంధించిన అనేక సమస్యలు బయటపడుతాయి. వైరల్ ఇన్ఫెక్షన్ వచ్చే ప్రమాదం ఎక్కువగా ఉంటుంది. వీటిని నివారించాలంటే రోగనిరోధక శక్తిని పెంచుకోవడం ఒక్కటే సరైన మార్గం. పోషకాహార నిపుణుల సలహా ప్రకారం.. ప్రత్యేకమన డైట్‌ ఫాలో కావాల్సి ఉంటుంది. అందులో ఏ ఏ ఆహారాలు ఉండాలో ఒక్కసారి తెలుసుకుందాం.

1. వెల్లుల్లి

వెల్లుల్లి అనేక ఆరోగ్య ప్రయోజనాలను కలిగి ఉంటుంది. ఇది సాధారణంగా భారతీయ వంటలలో విరివిగా ఉపయోగిస్తారు. వెల్లుల్లిని క్రమం తప్పకుండా తీసుకోవడం వల్ల రోగనిరోధక శక్తి పెరుగుతుంది. ఇది వివిధ రకాల క్యాన్సర్లను నివారించడంలో సహాయపడుతుంది. ఇది అల్లిన్ అనే మూలకాన్ని కలిగి ఉంటుంది. దీని ఘాటైన రుచి, వాసన జలుబు, ఫ్లూతో పోరాడడంలో ప్రయోజనకరంగా పనిచేస్తుంది.

2. అల్లం

అల్లంలో ఆక్సిడేటివ్, యాంటీ ఇన్ఫ్లమేటరీ లక్షణాలు అధికంగా ఉంటాయి. ఇది చలికాలంలో గొంతు నొప్పిని తగ్గించడంలో సహాయపడుతుంది. అనేక అధ్యయనాల ప్రకారం.. ఇది గుండె జబ్బుల ప్రమాదాన్ని తగ్గిస్తుంది. జీర్ణక్రియ, వికారం సమస్యను అధిగమించడానికి సహాయపడుతుంది.

3. పాలకూర

చలికాలంలో ఎక్కువగా లభించే బచ్చలికూర మెగ్నీషియం గొప్ప వనరు. జీవక్రియ, కండరాలు, నరాల పనితీరును నిర్వహించడానికి ఇది అవసరం. ఈ పుష్టికరమైన ఆకు కూరలు గుండెను ఆరోగ్యంగా ఉంచడంలో సహాయపడతాయి. ఇందులో బీటా కెరోటిన్, యాంటీ ఆక్సిడెంట్లు, విటమిన్ సి పుష్కలంగా దొరకుతాయి.

4. ఆమ్ల ఫలాలు

నారింజ, నిమ్మకాయలు, కివీస్ వంటి సిట్రస్ పండ్లలో విటమిన్ సి పుష్కలంగా ఉంటుంది. ఇవి తింటే రోగనిరోధక శక్తి అమాంతం పెరుగుతుంది. విటమిన్ సి తెల్ల రక్త కణాల అభివృద్ధికి సహాయపడుతుంది. ద్రాక్ష, టాన్జేరిన్ వంటి పండ్లు కూడా తినవచ్చు.

5. పెరుగు

పెరుగు రోగనిరోధక శక్తిని మెరుగుపరచడమే కాకుండా, జీవక్రియ రేటును కూడా పెంచుతుంది. మీరు దీన్ని సాదాగా తినవచ్చు లేదా ఇంట్లో చక్కెర, పండ్లతో కలుపుకొని తినవచ్చు. మార్కెట్‌లో లభించే ప్రాసెస్ చేయబడిన లేదా రుచిగల పెరుగును తినవద్దు. ఇంట్లో తయారుచేసిన పెరుగు తింటే మంచిది.

Breakfast: బ్రేక్‌ఫాస్ట్‌లతో రోగనిరోధక శక్తి పెంచుకోండి.. ఒమిక్రాన్‌ని అంతం చేయండి..

Shocking Video: బ్రిడ్జి విరిగిపడి నదిలో పడటం చూశారా.. వందల మంది కొట్టుకుపోయారు..?

వారికి కరోనా వస్తే మరణ ప్రమాదం ఎక్కువ.. అధ్యయనంలో షాకింగ్‌ నిజాలు..