Paneer Bhurji: ధాబా స్టైల్ పన్నీర్ బుర్జీని ఇలా చేయండి.. లొట్టలేసుకుంటూ మొత్తం తినేస్తారు!
మనం తీసుకునే ఆహారంలో పన్నీర్ కూడా ఒకటి. పన్నీర్ తో ఎన్నో రకాల వెరైటీలను ట్రై చేసి ఉంటారు. వెజిటేరియన్ ప్రియులు ఎక్కువగా హోటల్, రెస్టారెంట్స్ లో దొరికే పన్నీర్ ఐటెమ్స్ ని టేస్ట్ చేసే ఉంటారు. రోటీలు, చపాతీ, థందూరి రోటీ, జింజర్ రోటీ, బటర్ నాన్ వీటితో పాటు తింటే అబ్బా.. ఆ రుచే వేరు. లొట్టలేసుకుంటూ మొత్తం లాగించేస్తారు. పన్నీర్ లో ఎన్నో ఆరోగ్య ప్రయోజనాలు కూడా ఉన్నాయి. పన్నీర్ లో క్యాల్షియం, ప్రోటీన్, విటమిన్స్ ఎక్కువగా ఉంటాయి. ఇది శరీరాన్ని, ఎముకలను..
Updated on: Oct 30, 2023 | 7:00 AM
మనం తీసుకునే ఆహారంలో పన్నీర్ కూడా ఒకటి. పన్నీర్ తో ఎన్నో రకాల వెరైటీలను ట్రై చేసి ఉంటారు. వెజిటేరియన్ ప్రియులు ఎక్కువగా హోటల్, రెస్టారెంట్స్ లో దొరికే పన్నీర్ ఐటెమ్స్ ని టేస్ట్ చేసే ఉంటారు. రోటీలు, చపాతీ, థందూరి రోటీ, జింజర్ రోటీ, బటర్ నాన్ వీటితో పాటు తింటే అబ్బా.. ఆ రుచే వేరు. లొట్టలేసుకుంటూ మొత్తం లాగించేస్తారు. పన్నీర్ లో ఎన్నో ఆరోగ్య ప్రయోజనాలు కూడా ఉన్నాయి. పన్నీర్ లో క్యాల్షియం, ప్రోటీన్, విటమిన్స్ ఎక్కువగా ఉంటాయి. ఇది శరీరాన్ని, ఎముకలను దృఢంగా చేస్తాయి. కాబట్టి పన్నీర్ ను తింటే ఎలాంటి నష్టాలు లేవు. అయితే మరీ ఎక్కువగా తినకూడదు. అలాగే పన్నీర్ బుర్జీ గురించి వినే ఉంటారు. దీన్ని ఎక్కువగా ధాబాల్లో చేస్తారు. చపాతీ, రోటీ, పుల్కా వంటి వాటితో తింటే భలే రుచిగా ఉంటుంది. దీన్ని తయారు చేసుకోవడం కూడా చాలా ఈజీ. మరి ధాబా స్టైల్ పన్నీర్ బుర్జీకి కావాల్సిన పదార్థాలు ఏంటి? ఎలా తయారు చేసుకోవాలో ఇప్పుడు చూద్దాం.
పన్నీర్ బుర్జీకి కావాల్సిన పదార్థాలు:
పన్నీర్, క్యాప్సికం, టమాటా, ఉల్లిపాయలు, పచ్చి మిర్చి, అల్లం వెల్లుల్లి పేస్ట్, నూనె, నెయ్యి, ధనియాల పొడి, జీలకర్ర పొడి, కారం, పసుపు, ఉప్పు, నిమ్మరసం, కొత్తి మీర, నిమ్మ రసం.
ధాబా స్టైల్ పన్నీర్ బుర్జీ తయారీ విధానం:
ముందుగా ఒక మందపాటి, విశాలంగా ఉన్న కడాయి తీసుకోవాలి. ఇందులో కొద్దగా ఆయిల్ వేసి వేడి చేసుకోవాలి. వేడి అయ్యాక ఉల్లిపాయ ముక్కలు, పచ్చిమిర్చి ముక్కలు వేసి వేయించుకోవాలి. ఇవి రంగు మారాక.. క్యాప్సికం వేసి కలుపుకోవాలి. దీన్ని రెండు నిమిషాల పాటు వేయించుకున్నాక.. అల్లం వెల్లుల్లి పేస్ట్ వేసి.. వాసన పోయేంత వరకూ బాగా వేయించుకోవాలి. ఆ తర్వాత టమాటా ముక్కలు వేసి, మెత్తబడేంత వరకూ ఫ్రై చేసుకోవాలి.
నెక్ట్స్ ఉప్పు, కారం, గరం మసాలా, పసుపు, ధనియాల పొడి, జీలకర్ర పొడి వేసి రెండు నిమిషాల పాటు వేయించుకోవాలి. ఇవి బాగా వేగిన తర్వాత పన్నీర్ నలిపి వేసుకోవాలి. దీన్ని బాగా వేయించుకున్నాక.. దించే ముందు ఆ కొద్దిగా నెయ్యి వేసుకుని కలుపుకుని స్టవ్ ఆఫ్ చేసుకోవాలి. నెక్ట్స్ కొత్తి మీర, నిమ్మరసం వేసి బాగా కలుపుకోవాలి. అంతే ఎంతో టేస్టీగా ఉండే పన్నీర్ బుర్జీ రెడీ. దీన్ని పలావ్ లో అయినా చపాతీలోకి అయినా తింటే సూపర్ టేస్ట్ ఉంటుంది.
