ఎండిన ఖర్జూరాలు నానబెట్టి తీసుకుంటే.. ఎన్ని లాభాలో తెలుసా..?

Dry Dates

ఖర్జూరాలు క్రమం తప్పకుండా తినడం వల్ల అనేక వ్యాధులకు దూరంగా ఉంచుకోవచ్చునని నిపుణులు చెబుతున్నారు. ఖర్జూరంలో ఫైబర్, విటమిన్లు, పొటాషియం, మెగ్నీషియం వంటి పోషకాలు పుష్కలంగా ఉంటాయి. ఇవి శారీరక అలసటను తొలగించి అవసరమైన శక్తిని అందిస్తుంది. అంతేకాదు.. ఎండిన ఖర్జూరాలను నానబెట్టి తీసుకోవటం వల్ల ప్రయోజనాలు రెట్టింపు అవుతాయంటున్నారు నిపుణులు. నానబెట్టిన ఖర్జూరం తినడం వల్ల తేలికగా జీర్ణమవుతుంది. నానబెట్టిన ఖర్జూరంలో కాల్షియం, మాంగనీస్, ఫాస్పరస్ వంటి ఖనిజాలు కూడా ఉంటాయి.

ప్రతిరోజూ ఉదయం నానబెట్టిన ఖర్జూరం తినడం అలవాటు చేసుకున్నట్టయితే కీళ్ల నొప్పులు, కీళ్ల వాపులను నివారించుకోవచ్చునని నిపుణుల చెబుతున్నారు. నానబెట్టిన ఖర్జూరం తినడం వల్ల శరీరంలో రోగనిరోధక శక్తి పెరుగుతుంది. వర్షాకాలంలో వచ్చే సీజనల్‌ వ్యాధుల నుంచి కాపాడుతుంది. బ్రెయిన్ ఆరోగ్యంగా ఉండాలంటే నానబెట్టిన ఖర్జూరాలు తినాలి.

ఖర్జూరాలలో విటమిన్ బి6, మాంగనీస్ ఉంటాయి. ఇవి మెదడు ఆరోగ్యాన్ని మెరుగుపరుస్తాయి. నానబెట్టిన ఖర్జూరాలు గుండె ఆరోగ్యాన్ని కాపాడుతాయి. ప్రతిరోజూ ఉదయం ఖాళీ కడుపుతో రెండు ఖర్జూరాలను తినటం వల్ల మిమ్మల్ని మీరు ఆరోగ్యంగా ఉంచుకోవచ్చు. అంతేకాదు ఇందులో ఉండే యాంటీ ఆక్సిడెంట్ గుణాల వల్ల మీ చర్మం తాజాగా ఉంటుంది. విటమిన్‌ సీ, ఎ, యాంటీఆక్సిడెంట్ గుణాలు పుష్కలంగా ఉండే ఖర్జూరం చర్మానికి ఆరోగ్యకరం. ఖర్జూరాలు సహజ మాయిశ్చరైజింగ్‌ను ప్రోత్సహిస్తాయి, ఇది చర్మాన్ని క్లియర్‌గా మరియు మెరుస్తూ ఉంటుంది.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం. కొంత మంది చర్మంపై ఇలాంటివి అప్లై చేసిన సమయంలో అలెర్జీలు వచ్చే అవకాశం ఉంటుంది. కాబట్టి ఇలాంటివి ఉపయోగించే సమయంలో ముందుగా వైద్యుల సూచనలు పాటించడమే ఉత్తమం.

మరిన్ని లైఫ్‌ స్టైల్‌ వార్తల కోసం క్లిక్‌ చేయండి..