Makeup Tips: కూతురి పెళ్లిలో తల్లి ప్రత్యేకంగా కనిపించాలంటే.. ఈ చిట్కాలను పాటిస్తే చాలు గ్రేస్‌ఫుల్ లుక్..

Makeup Tips: ప్రతి అమ్మాయికి పెళ్లి అనేది ఓ అందమైన కల. వధువుగా తన అలంకరణ అందరినీ ఆకట్టుకోవాలనే ఏ అమ్మాయి అయినా కోరుకుంటుంది. ఈ క్రమంలో చక్కటి చీర కట్టు.. దానికి తగిన నగలు, పూల జడ వంటివన్నీ ఎంచుకుంటారు. అయితే పెళ్లి రోజున మరింత అందంగా కనిపించేందుకు.. వీటన్నింటితో పాటు అందమైన మేకప్ కూడా చేసుకుంటారు. అయితే పెళ్లి కూతురుతోపాటు వారి కుటుంబ సభ్యులు కూడా చాలా ప్రత్యేకంగా కనిపించాలని ప్లాన్ చేసుకుంటారు. వీరందరికంటే పెళ్లి కూతురుకు పక్కనే ఉండే వధువు తల్లి కూడా తాను కూడా పరిపూర్ణంగా కనిపించేలా తనను తాను ప్రత్యేక అలంకరణను చేసుకుంటారు. వధువు అలంకరణపై శ్రద్ధ పెడుతూనే తన ముస్తాబుపై ప్రత్యేకంగా రెడీ అవుతారు. ఎందుకంటే తన అలంకరణ తక్కువ లేదా ఎక్కువ ఉండకూ చూసుకుంటారు. అయితే పెళ్లిలో వధువు ఎంత అందంగా కనిపిస్తారో.. పెళ్లి కూతురి తల్లి కూడా అదే స్థాయిలో కనిపించాలని కోరుకుంటారు.

కాబట్టి వధువు తల్లి కూడా ప్రత్యేకంగా శ్రద్ధ తీసుకోవాలి. వధువు తల్లి కోసం మేకప్ చిట్కాలు ఇప్పుడు తెలుసుకుందాం. పెళ్లి రోజు మీ ముఖం అందంగా, ఆకర్షణీయంగా కనిపించాలంటే.. ఫేషియల్ దగ్గర నుండి.. మేకప్ వరకూ అన్ని విషయాలలోనూ జాగ్రత్త వహించాలి. 

ఐబ్రోస్ షేప్ చేసుకోండి..

పెళ్లి సమయానికి చర్మం మెరిసిపోతూ కనిపించాలంటే.. కనీసం నెల రోజుల ముందు నుండి చర్మ పోషణ విషయంలో జాగ్రత్తలు తీసుకోవాలి. మేకప్ చేసుకోవడానకి ముందు ఐబ్రోస్‌పై స్పెషల్ ఫోకస్ పెట్టండి. ఒంపులు తిరిగిన కనుబొమ్మలు ముఖానికి మరింత అందాన్ని ఇస్తాయి. పెళ్లికి ముందే ఐబ్రోస్ ఎలాగూ షేప్ చేయించుకుంటారు. ఇందులో ఏదైనా కాస్త షేప్ తేడా ఉంటే.. ఐబ్రో పెన్సిల్‌తో సరి దిద్దికోవాలి. అప్పుడు కనుబొమ్మలు విల్లులా అందంగా మారిపోతాయి. అయితే ఐబ్రో పెన్సిల్ రంగు.. కనుబొమ్మల రంగును పోలి ఉండాలన్న సంగతిని మాత్రం మర్చిపోవద్దు.

మాయిశ్చరైజర్ అప్లై చేసిన..

హెయిర్ రిమూవల్ చేసుకోవడంతో పాటు మాయిశ్చరైజర్ రాయడం, వీలుంటే కాస్త ఫౌండేషన్‌ని కూడా రాయడం వల్ల రంగులో మార్పు లేకుండా ఉంటుంది. మాయిశ్చరైజర్ అప్లై చేసిన కొన్ని నిమిషాల తర్వాత డార్క్ స్పాట్స్ ,  ప్యాచ్‌లు ఉంటే కన్సీలర్‌ని అప్లై చేసి  ఆపై ప్రైమర్‌ను అప్లై చేయండి. ఇది మేకప్‌ను అలాగే ఉంచుతుంది. ఆ తర్వాత మీరు ఫౌండేషన్ ఉపయోగించండి.

రెండు దశల్లో ఫౌండేషన్..

అలాగే ఫౌండేషన్ ఎంపికలో ముఖ్యమైన రూల్ ఏంటంటే.. అది ఎస్‌పీ‌ఎఫ్ బేస్డ్ అయ్యి ఉండాలి. ఎందుకంటే.. ఇది కొంచెం షైనీగా కూడా ఉండడం వల్ల.. ఫొటోల్లో మీ ముఖం అద్బుతంగా కనిపిస్తుంది. అలాగే ఫౌండేషన్ వేసుకోవడం అనేదాన్ని.. పెదాల పై నుండి ప్రారంభించి అంచులు, మెడ, చెవులు.. ఇలా అన్ని కవరయ్యేలా చేసుకోవాలి. ఆ తర్వాత బ్లెండింగ్ చేయాల్సి ఉంటుంది. దీన్ని వేళ్లతో అప్లై చేసుకోవచ్చు. లేదా స్పాంజ్, బ్రష్.. ఇలా వేటితో అయినా వేసుకోవచ్చు. ఇది మాత్రమే కాదు.. లైట్ టోన్లు ఆ ప్రాంతానికి లిఫ్ట్ ఇవ్వడం వల్ల నల్లని చాయలను కప్పేందుకు  సహాయపడతాయి. తర్వాత ముఖమంతా సాధారణ ఫౌండేషన్‌ను అప్లై చేయాలి. మీరు చాలా భారీ ఫౌండేషన్  ఉపయోగించకూడదని గుర్తుంచుకోండి.

కళ్లపై మెరుపు పెట్టడం మానుకోండి

మేకప్ సమయంలో కళ్లపై మెరుపును పూయడం మానుకోండి. మీకు సాఫ్ట్ లుక్ కావాలంటే.. బ్రౌన్ లేదా బ్లాక్ ఐలైనర్ మాత్రమే ప్రయత్నించండి. దీనితో పాటు ఐ షాడో వేయండి. తద్వారా అది మీ ఫేస్‌లో లోడార్క్  కనిపిస్తుంది. కనురెప్పలు మందంగా కనిపించడానికి  మస్కారా పెట్టుకోండి.

లిప్స్టిక్, పెదవి పెన్సిల్

లిప్‌స్టిక్‌  షేడ్‌లో మాత్రమే లిప్ పెన్సిల్‌ని ఎంచుకోండి. మీరు ముదురు గులాబీలు, పగడం, ఇతర ఎరుపు రంగులను ఎంచుకోవచ్చు. చాలా ముదురు రంగులను నివారించండి. అవి పాతవిగా కనిపిస్తాయి.

కంకణాలు

మీరు బరువైన చేతులు.. బరువైన బ్యాంగిల్స్‌కు దూరంగా ఉండాలి. ఒక చేతిలో బ్రాస్‌లెట్, మరో చేతిలో బ్రాస్‌లెట్ లేదా వాచీ మాత్రమే ధరిస్తే మీరు చాలా గ్రేస్‌ఫుల్ లుక్‌ని పొందుతారు.

కేశాలంకరణ సులభం

కూతురి పెళ్లిలో హెయిర్ స్టైల్ విషయంలో తల్లి చాలా శ్రద్ధ పెట్టాలి. ఎల్లప్పుడూ సరళమైన కేశాలంకరణను మాత్రమే ఉంచండి. ఇది  సొగసైనదిగా కనిపిస్తుంది. ముఖానికి మృదువైన రూపాన్ని ఇస్తుంది.  

ఇవి కూడా చదవండి: SBI: ఎస్‌బీఐలో ఈ ఖాతాదారులకు బంపర్ ఆఫర్.. ఏడాదికి రూ. 2 లక్షల ప్రమాద బీమా ఫ్రీ..

Chanakya Niti: కష్టాల్లో ఉన్నారా.. ఇలా ధృ‌ఢంగా ఉండండి.. అదే మీ విజయానికి పూలబాట..

Alcohol: మద్యం తాగుతున్నారా.. ఇది మీకు బ్యాడ్ న్యూసే.. మీ బాడీలో ‘నిషా’ ఎప్పటివరకు ఉంటుందంటే..