SBI: ఎస్‌బీఐలోని ఈ ఖాతాదారులకు బంపర్ ఆఫర్.. ఏడాదికి రూ. 2 లక్షల ప్రమాద బీమా ఫ్రీ..

 PMJDY SBI offers: దేశంలోని అతిపెద్ద ప్రభుత్వ బ్యాంకు స్టేట్ బ్యాంక్ ఆఫ్ ఇండియా (SBI)లో మీకు ఖాతా ఉందా..? ఎస్‌బీఐ తన ఖాతాదరులకు రూ.2 లక్షల వరకు  లబ్ధిని చేకూర్చుతోంది. ఈ అతి ముఖ్యమైన విషయాన్ని మీరు తెలుసుకోవల్సిన అవసరం ఉంది. అయితే ఈ ప్రయోజనం ప్రధాన్ మంత్రి జన్ ధన్ యోజన ఖాతా తెరిచినవారికి మాత్రమే ఉంది. ఇంతకుముందు మీ ఖాతా తెరిచిన వినియోగదారులకు రూ. 2 లక్షల వరకు ఉచిత బీమా ప్రయోజనాన్ని అందిస్తోంది. దేశం వెలుపల ప్రమాదానికి గురైన నామినీలకు దేశంలోని అతిపెద్ద బ్యాంక్ ప్రమాద బీమా ప్రయోజనాలను  అందిస్తోంది. బీమా ప్రయోజనాన్ని పొందడానికి కస్టమర్లు SBIలో ప్రధాన్ మంత్రి జన్ ధన్ యోజన (PMJDY) ఖాతాను తెరవాలి. ఆగస్టు 28, 2018లోపు తమ SBI ఖాతాలను తెరిచిన ప్రస్తుత కస్టమర్‌లు కూడా ప్రయోజనం పొందేందుకు అవకాశం ఉంది. అయితే SBI రూపే జన్ ధన్ కార్డ్ కోసం దరఖాస్తు చేసుకునే వినియోగదారులకు మాత్రమే ఈ పథకం అందుబాటులో ఉంది. SBIలో PMJDY ఖాతా ఉన్న కస్టమర్లు రూ. 2 లక్షల వరకు ప్రమాద బీమా కవరేజీని పొందవచ్చు. పాత కస్టమర్లకు బీమా మొత్తం రూ. 1 లక్ష అందిస్తోంది.

బీమా ప్రయోజనాన్ని పొందడానికి..

ప్రమాద బీమా ప్రయోజనాన్ని పొందడానికి నామినీలు క్లెయిమ్ ఫారమ్‌ను పూరించాలి. బీమా క్లెయిమ్ చేయాలనుకుంటున్న వ్యక్తి మరణ ధృవీకరణ పత్రాన్ని జతచేయాల్సి ఉంటుంది. ప్రమాదానికి సంబంధించిన ఎఫ్‌ఐఆర్ కాపీని వారు సమర్పించాలి. దీంతో పాటు మృతుల మరణ నివేదిక, ఎఫ్‌ఎస్‌ఎల్‌ రిపోర్టు, ఆధార్‌ కార్డు కాపీని కూడా సమర్పించాల్సి ఉంటుంది. ప్రమాదం జరిగిన 90 రోజులలోపు బీమా క్లెయిమ్ చేసుకోవడానికి ఈ పత్రాలను సమర్పించాలి.

జన్ ధన్ యోజ అంటే..

ప్రధాన్ మంత్రి జన్ ధన్ యోజన అనేది 2014లో మోడీ ప్రభుత్వం ప్రారంభించిన ఆర్థిక పథకం. ఈ పథకం ప్రాథమిక సేవింగ్స్ బ్యాంక్ ఖాతా లభ్యత, అవసరాల ఆధారిత రుణాల యాక్సెస్, చెల్లింపు సౌకర్యం, బలహీన వర్గాలు, తక్కువ ఆదాయ వర్గాలకు బీమా, పెన్షన్ వంటి వివిధ ఆర్థిక సేవలకు ప్రాప్యతను నిర్ధారిస్తుంది.

కనీసం ఒక ప్రాథమిక బ్యాంకింగ్ ఖాతా ఉన్న ప్రతి ఇంటికి బ్యాంకింగ్ సౌకర్యాలు, ఆర్థిక అక్షరాస్యత, క్రెడిట్ యాక్సెస్, బీమా, పెన్షన్ సౌకర్యాలకు సార్వత్రిక ప్రాప్యతను ఈ పథకం ఊహించింది.

ఇది కాకుండా, లబ్ధిదారులు రూపే డెబిట్ కార్డుతో పాటు రూ. 1 లక్ష ఇన్‌బిల్ట్ ప్రమాద బీమా కవరేజీని పొందుతారు. కేంద్ర లేదా రాష్ట్ర ప్రభుత్వాలు లేదా స్థానిక సంస్థల నుండి అన్ని ప్రభుత్వ ప్రయోజనాలను లబ్ధిదారుల ఖాతాలకు బదిలీ చేయడం. కేంద్రం  ప్రత్యక్ష ప్రయోజనాల బదిలీ (DBT) పథకాన్ని ముందుకు తీసుకెళ్లడం కూడా ఈ పథకం ఉద్దేశించబడింది.

ఇవి కూడా చదవండి: Chanakya Niti: కష్టాల్లో ఉన్నారా.. ఇలా ధృ‌ఢంగా ఉండండి.. అదే మీ విజయానికి పూలబాట..

Alcohol: మద్యం తాగుతున్నారా.. ఇది మీకు బ్యాడ్ న్యూసే.. మీ బాడీలో ‘నిషా’ ఎప్పటివరకు ఉంటుందంటే..