కొత్త స్వెటర్ కొనాలనుకుంటున్నారా..? ముందు మీ పాత స్వెటర్‌లను ఇలా చేసి చూడండి..!

చలికాలంలో స్వెటర్స్ ని ప్రతిరోజు వేసుకోవడం వల్ల అవి పాతగా కనిపిస్తుంటాయి. సీజన్ టైమ్ లో కొత్తవి అంటే డిమాండ్ కూడా ఎక్కువగా ఉంటుంది. కొత్తవి కొనడానికి ఖర్చు ఎక్కువగా అనిపించవచ్చు. అయితే పాత స్వెటర్స్‌ను కొత్తగా మార్చే కొన్ని సులభమైన మార్గాలు చూద్దాం. ఈ చిట్కాలను పాటించి మీ పాత స్వెటర్స్‌ను ట్రెండీగా మార్చుకోండి.

స్వెటర్స్‌పై క్రియేటివ్ డిజైన్

మీ పాత స్వెటర్స్‌కి కొత్త లుక్ తెచ్చేందుకు ఎంబ్రాయిడరీ చేయడం ఒక మంచి ఐడియా. కాంట్రాస్ట్ కలర్‌లో థ్రెడ్ తీసుకుని అందమైన డిజైన్ వేయండి. ఈ విధంగా మీ స్వెటర్‌కి కొత్త లుక్ వస్తుంది. ఇది యూనిక్ లుక్‌ను అందించడమే కాకుండా చూసే వారిని ఆకట్టుకుంటుంది.

బటన్స్, పూసలు, స్టోన్స్ తో డిజైన్

మీ స్వెటర్‌కి కొత్తగా కనిపించేలా కాంతివంతమైన బటన్స్, పూసలు లేదా చిన్న చిన్న స్టోన్స్ ను కుట్టడం మరొక ఆలోచన. ఇవి చీరలపై కనిపించే అలంకరణలాగే మీ స్వెటర్‌పై సౌకర్యవంతంగా కుట్టి అదనపు ఆకర్షణను కలిగించవచ్చు. ఈ చిన్న మార్పులు స్వెటర్‌ను మరింత అందంగా చేస్తాయి.

స్వెటర్స్‌పై ట్రెండీ జ్యువెలరీ

మీ లుక్‌ను కొత్తగా మార్చేందుకు స్వెటర్‌పై ట్రెండీ చైన్లు లేదా నెక్‌పీస్లను జోడించండి. వీటిని ధరించిన తర్వాత స్వెటర్ స్టైల్‌ను మరింత ఆహ్లాదకరంగా మార్చవచ్చు. ఇది నమ్మశక్యంగా లేని మార్పును తీసుకొస్తుంది. చూసే వారికి ఇది కొత్తగా కొనుగోలు చేసిన స్వెటర్‌లా అనిపిస్తుంది.

బ్రూచెస్ ఉపయోగించండి

బ్రూచెస్‌ను స్వెటర్స్‌పై పిన్ చేయడం వల్ల మీ లుక్‌ను పూర్తిగా మార్చవచ్చు. వీటిని చీరలపై ఎలా ఉపయోగిస్తామో స్వెటర్స్‌కి కూడా అలా ఉపయోగించవచ్చు. మగవారు, ఆడవారు ఎవరికైనా ఈ ఐడియా సూటవుతుంది. ఇది సింపుల్‌గా ఉండి స్టైలిష్‌గా కనిపిస్తుంది.

క్రాఫ్ట్‌స్టోర్ల నుండి చిన్న అలంకరణలు

స్వెటర్‌లను మరింత ప్రత్యేకంగా మార్చడానికి క్రాఫ్ట్‌స్టోర్లలో లభించే చిన్న అలంకరణ వస్తువులను ఉపయోగించండి. ఇది మీ స్వెటర్‌పై అదనపు ఆకర్షణను తెస్తుంది. దీనివల్ల మీ స్వెటర్ పూర్తిగా కొత్త లుక్‌లో కనిపిస్తుంది.

స్వెటర్స్‌కి స్టైల్ టచ్

ఈ సింపుల్ చిట్కాలను పాటించడం వల్ల మీ పాత స్వెటర్స్‌కు కొత్త లుక్ వస్తుంది. అవి చూసిన వారిని ఆకట్టుకుంటాయి. పాతవి అనిపించకుండా కొత్త లుక్ తో మీరు చలికాలాన్ని ఆనందంగా గడుపుతారు. మరి ఇంకెందుకు ఆలస్యం.. మీ పాత స్వెటర్స్‌కు ఈ క్రియేటివ్ టచ్‌ను ఇచ్చి, కొత్త ఫ్యాషన్‌ను ఎంజాయ్ చేయండి.