Sweet Mangoes : మీరు నిజంగా పండిన మామిడి పండ్లనే తింటున్నారా..! సరైన పండ్లను ఎంపిక చేసుకోవడానికి ఈ నాలుగు పద్దతులను తెలుసుకోండి..

Sweet Mangoes : వేసవి రోజులలో లభించే తియ్యనైన మామిడి పండ్లను తినడాన్ని ఎవ్వరు ఇష్టపడరు చెప్పండి. కానీ

Sweet Mangoes

uppula Raju |

Updated on: Jun 12, 2021 | 10:30 PM

Sweet Mangoes : వేసవి రోజులలో లభించే తియ్యనైన మామిడి పండ్లను తినడాన్ని ఎవ్వరు ఇష్టపడరు చెప్పండి. కానీ మీరు సహజసిద్దంగా పండిన మామిడి పండ్లనే తింటున్నారా ఒక్కసారి చెక్ చేసుకోండి. ఎందుకంటే అన్ని మామిడి పండ్లు పసుపు పచ్చగానే కనిపిస్తాయి. కానీ అందులో న్యాచురల్‌గా పండినవి ఎన్ని కృత్రిమంగా పండినవి ఎన్ని అనేది మాత్రం తెలియదు. చాలామంది ఇలాగే గందరగోళానికి గురై కృత్రిమంగా పండిన పండ్లను తీసుకెళ్తారు. తద్వారా రోగాలను కొని తెచ్చుకుంటారు. అందుకే మామిడి పండ్లను తీసుకునేటప్పుడు ఈ నాలుగు పద్దతులను కచ్చితంగా పాటించండి. అప్పుడే మీరు సరైన పండ్లను తీసుకోగలుగుతారు.

1. దాన్ని తాకి అనుభూతి పొందండి.. పండిన మామిడి మృదువుగా ఉంటుంది. చక్కని ఆకృతిని కలిగి ఉంటుంది. మీద పచ్చగా ఉండి ఒత్తినప్పుడు గట్టిగా ఉంటే కృత్రిమ పండ్లని అర్థంచేసుకోవాలి. అవి చూడటానికి పండిన మాదిరిగానే కనిపిస్తాయి. కానీ లోపల గట్టిగా ఉంటుంది.

2.మామిడి రంగును తనిఖీ చేయండి.. రంగు ఆదర్శంగా ఎరుపు లేదా పసుపు రంగులో ఉండాలి. అయితే ఇవన్నీ మీరు ఎంచుకున్న మామిడి రకాన్ని బట్టి ఉంటాయి. ఏ పండైనా సరే మృదువుగా అనిపించాలి రంగు ప్రకాశవంతంగా ఉండాలి.

3. మామిడి వాసన మామిడి వాసన, తీపి, సుగంధ, ఫల వాసన ఉంటే అవి పండినవి. పండిన మామిడి ఎప్పుడూ మంచి తీపి వాసన వస్తుంది.

4. మామిడి పరిమాణం మామిడి మందపాటి గుండ్రని ఆకారంలో ఉండాలి. చదునైన లేదా సన్నని ఆకృతిని కలిగి ఉన్న మామిడి పండ్లను ఎంచుకోవద్దు.