కళ్ల కింద నల్లటి వలయాలను తగ్గించే చిట్కాలు..ఇంట్లోనే ఈజీగా చేసుకునే కాఫీ అండర్‌ ఐ మాస్క్‌ తయారు చేసుకోండిలా..

రకరకాల కారణాల వల్ల కళ్ల కింద నల్లటి వలయాలు ఏర్పడతాయి. ప్రారంభంలోనే వీటిని గుర్తించి తగ్గించే దిశగా చర్యలు తీసుకోవాలి. లేదంటే కళ్ల కింద నల్లటి మచ్చలు అలాగే ఉండిపోవడంతోపాటు అనేక ఆరోగ్య సమస్యలు కూడా తలెత్తుతాయి. ఈ వలయాలను తగ్గించడానికి సహజ మార్గాలు అనేకం అందుబాటులో ఉన్నాయి.

Dark Circles

Jyothi Gadda |

Updated on: May 02, 2023 | 8:31 PM

కళ్లు మనిషికి గుర్తింపు. కాబట్టి ప్రతి ఒక్కరూ ఆకర్షణీయమైన కళ్ళు కలిగి ఉండాలని కోరుకుంటారు. కానీ చాలా మందికి కళ్ల కింద నల్లటి వలయాల సమస్య ఉంటుంది. ఇది కళ్ల అందాన్ని కప్పివేస్తుంది. ఒత్తిడి, నిద్రలేమి, హార్మోన్ల మార్పులు, జీవన శైలిలో మార్పులు.. ఇలా రకరకాల కారణాల వల్ల కళ్ల కింద నల్లటి వలయాలు ఏర్పడతాయి. ప్రారంభంలోనే వీటిని గుర్తించి తగ్గించే దిశగా చర్యలు తీసుకోవాలి. లేదంటే కళ్ల కింద నల్లటి మచ్చలు అలాగే ఉండిపోవడంతోపాటు అనేక ఆరోగ్య సమస్యలు కూడా తలెత్తుతాయి. ఈ వలయాలను తగ్గించడానికి సహజ మార్గాలు అనేకం అందుబాటులో ఉన్నాయి. వాటిని పాటిస్తే రెండు రోజుల్లోనే డార్క్ సర్కిల్స్ మాయం అవుతాయి. కాఫీ ఫేస్‌ ప్యాక్‌తో డార్క్‌ సర్కిల్స్‌ ఎలా తగ్గించుకోవచ్చో ఇక్కడ తెలుసుకుందాం.. కాఫీ, తేనె, విటమిన్ ఇ క్యాప్సూల్స్ సహాయంతో ఈ ఫేస్‌ ప్యాక్‌ తయారు చేసుకోవాలి. కాబట్టి ఈ మూడింటిని కలిపి అప్లై చేయడం వల్ల కొద్ది రోజుల్లోనే కళ్ల కింద నల్లటి వలయాలు మాయమవుతాయి. ఇది కాకుండా, మీరు ఉబ్బిన, అలసిపోయిన కళ్ళ సమస్యను కూడా అధిగమించవచ్చు. కాఫీ మాస్క్ ఎలా తయారు చేయాలో తెలుసుకుందాం.