Chicken Vs Mutton Liver: మటన్ లివర్ Vs చికెన్ లివర్.. ఆరోగ్యానికి ఏది బెస్ట్.. ఈ విషయాలు తప్పక తెలుసుకోండి..
మీకు ముక్క లేనిది ముద్ద దిగదా..? అయితే చికెన్, మటన్ లివర్ తినేవాళ్లు ఈ విషయం తెలుసుకోవాల్సిందే.. లివర్లో ఉండే అద్భుత పోషకాలు ఏంటి..? షుగర్ ఉన్నవాళ్లు తినొచ్చా..? లివర్ ఫ్రై కంటే ఉడికించి తినడం ఎందుకు మంచిది..? అలాగే ఎవరు తినకూడదు అనే విషయాలను ఈ స్టోరీలో తెలుసుకుందాం..
చాలా మందికి నాన్ వెజ్ అంటే మస్త్ ఇష్టం. ముక్క లేనిది ముద్ద దిగదు. ఇక చికెన్, మటన్ లివర్ అంటే ఇష్టంగా తింటారు. దాని ప్రత్యేక రుచి కారణంగా లివర్ ఫ్రై, లివర్ కర్రీ వంటి వంటకాలు బాగా పాపులర్. అయితే దీనిని ఇష్టంగా తినే ముందు దాని వల్ల కలిగే ఆరోగ్య ప్రయోజనాలు, నష్టాలు తెలుసుకోవడం చాలా ముఖ్యం. చికెన్ – మటన్ లివర్ గురించి నిపుణులు ఏమి చెబుతున్నారో ఈ స్టోరీలో తెలుసుకుందాం.
చికెన్ లివర్ యొక్క ప్రయోజనాలు
చికెన్ లివర్లో ప్రోటీన్, ఐరన్, సెలీనియం, విటమిన్ బి12, ఫోలేట్, విటమిన్ ఎ పుష్కలంగా ఉంటాయి. విటమిన్ బి12 మెదడు ఆరోగ్యాన్ని మెరుగుపరచడంలో సహాయపడుతుంది. ఇందులో ఉండే సెలీనియం క్యాన్సర్ ప్రమాదాన్ని తగ్గించడంలో తోడ్పడుతుంది. ఇది రక్తంలో చక్కెర స్థాయిలను నియంత్రించడంలో సహాయపడుతుంది. కాబట్టి మధుమేహం ఉన్నవారు ప్రయోజనం పొందే అవకాశం ఉంది. ఉడికించిన చికెన్ లివర్లో తక్కువ కొవ్వు ఉంటుంది. ఇది బరువు పెరగకుండా నిరోధించడంలో సహాయపడుతుంది.
మటన్ లివర్ యొక్క ప్రయోజనాలు
చాలా మంది మటన్ లివర్ తినడానికి ఇష్టపడతారు. ఇది అద్భుతమైన పోషకాలను కలిగి ఉంటుంది. ఇందులో విటమిన్లు ఎ, డి, బి12, అలాగే ఐరన్, జింక్, పొటాషియం, కాపర్ వంటి ఖనిజాలు పుష్కలంగా ఉన్నాయి. మటన్ లివర్ శరీరంలో ఆక్సిజన్ సరఫరాను మెరుగుపరచడం ద్వారా రక్తహీనతను నివారించడానికి సహాయపడుతుంది. విటమిన్ బి12 రోగనిరోధక శక్తిని పెంచడంలో సహాయపడుతుంది. దీన్ని క్రమం తప్పకుండా తినడం వల్ల మెదడు పనితీరు పెరుగుతుంది. మీ జ్ఞానశక్తిని పెంచడానికి మీరు మటన్ లివర్ తినవచ్చు.
లివర్ తినడానికి సరైన పద్ధతి..
కాలేయాన్ని ఆరోగ్యంగా తినాలంటే.. సరైన వంట పద్ధతి, పరిమితిని పాటించడం అవసరం.
వండే విధానం : కాలేయాన్ని ఎక్కువగా వేయించడానికి బదులుగా, కూరగాయలతో ఉడికించి లేదా ఉడకబెట్టి తినడం ఉత్తమం. వేయించడం వల్ల కొవ్వు శాతం పెరుగుతుంది.
పరిమితి: దీనిని వారానికి ఒకటి లేదా రెండుసార్లు మాత్రమే తినడం మంచిది.
శుభ్రత ముఖ్యం: హానికరమైన బ్యాక్టీరియా చేరకుండా ఉండటానికి లివర్ను వండడానికి ముందు మంచిగా కడిగి, **బాగా ఉడికించాలి.
ఎవరు తినకూడదు..?
అద్భుతమైన పోషకాలు ఉన్నప్పటికీ, కొందరికి లివర్ మంచిది కాదు.
కొలెస్ట్రాల్ సమస్యలు: చికెన్, మటన్ లివర్ను అధికంగా తీసుకోవడం వల్ల కొలెస్ట్రాల్ స్థాయిలు పెరగవచ్చు.
ఆరోగ్య సమస్యలు ఉన్నవారు: గుండె జబ్బులు, మూత్రపిండాల వ్యాధి, కొలెస్ట్రాల్ సమస్యలు, కొవ్వు కాలేయం వంటి సమస్యలతో బాధపడేవారు లివర్ వంటకాలు ఎక్కువగా తినకూడదు.
గర్భిణీ స్త్రీలు: గర్భిణీ స్త్రీలు చికెన్ లివర్ను ఎక్కువగా తినడం మానుకోవాలి. ఎందుకంటే అధిక మొత్తంలో విటమిన్ ఎ ఉండటం వల్ల బిడ్డకు హాని కలిగే అవకాశం ఉంది.
కొవ్వు తొలగింపు: వండడానికి ముందు లివర్పై ఉండే అనవసరమైన కొవ్వును, కనెక్టివ్ టిష్యూను తొలగించడం మంచిది.
ఏది మంచిది?
చికెన్ లివర్ కంటే మటన్ లివర్ చాలా మంచిదని పోషకాహార నిపుణులు అంటున్నారు. ఇందులో ఎక్కువ పోషకాలు ఉంటాయని అంటారు. రెండింటినీ మనం తరచుగా మన ఆహారంలో చేర్చుకోవచ్చు. లివర్లో కొవ్వు ఎక్కువగా ఉంటుంది కాబట్టి.. దీనిని మితంగా తినాలి.
(గమనిక: ఈ సమాచారం కేవలం అవగాహన కోసం మాత్రమే. ఆరోగ్య సమస్యలు ఉన్నవారు ఆహారంలో ఏమైనా మార్పులు చేసే ముందు వైద్యుడిని లేదా పోషకాహార నిపుణుడిని సంప్రదించడం తప్పనిసరి.)
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి..