పొడుగాటి జుట్టు కోసం ఖరీదైన షాంపూలే అవసరం లేదు.. ఇంట్లో ఇలా చేయండి చాలు

తలస్నానం పూర్తయ్యాక గోరువెచ్చని నీటిని కాకుండా.. చివర్లో చల్లటి నీటితో తల కడిగితే కుదుళ్లలో రక్తప్రసరణ మెరుగవుతుంది. ఇది జుట్టు రాలడాన్ని తగ్గించి.. దాన్ని బలంగా ఉంచడంలో సహాయపడుతుంది. అంతేకాదు తల చర్మం సమతుల్యంగా ఉంచడంలో ఇది కీలకంగా పని చేస్తుంది.

జుట్టు పొడిబారకుండా ఉండేందుకు తలస్నానం తరువాత కండీషనర్ తప్పనిసరిగా వాడాలి. ఇది చిట్లే సమస్యలను నివారించి జుట్టును దృఢంగా ఉంచుతుంది. ఉష్ణోగ్రత ఎక్కువగా ఉండే రోజులలో ఈ అలవాటు మరింత అవసరం.

చివరలు చిట్లిపోయిన జుట్టును తొలగించకపోతే అది అంతా బలహీనపడే ప్రమాదం ఉంటుంది. నెలకోసారి జుట్టును కత్తిరించడం వల్ల కొత్త జుట్టు ఆరోగ్యంగా ఎదుగుతుంది. ఇది జుట్టు పొడవు తగ్గకుండా చూసుకుంటుంది.

హెయిర్ డ్రయర్, స్ట్రెయిటనర్, కర్లర్ వంటివి ఎక్కువగా వాడితే జుట్టు మెత్తగా మారి విరిగిపోతుంది. వేడి వల్ల తల చర్మం పొడిగా మారి రూట్స్ బలహీనమవుతాయి. వీటి వాడకాన్ని తగ్గించటం ద్వారా సహజంగా ఆరోగ్యంగా కనిపించే జుట్టును పొందవచ్చు.

వారంలో రెండుసార్లు నూనెను తలకు అప్లై చేసి మృదువుగా మర్దన చేస్తే జుట్టు మూలాలు బలపడతాయి. తల చర్మంలో రక్త ప్రసరణ సాఫీగా జరిగి కొత్త జుట్టు ఎదుగుతుంది. కొబ్బరి నూనె, ఆవ నూనె, ఆలివ్ ఆయిల్ వంటి వాటిని బాగా వేడి చేసి వాడితే మరింత లాభం కలుగుతుంది.

సాధారణంగా చాలా మంది రాత్రిళ్లు జుట్టును శ్రద్ధగా ఉంచకుండా పడుకుంటారు. గట్టిగా కట్టడం, జుట్టు తడిగా ఉండేలా వదిలేయడం వల్ల జుట్టు విరిగిపోతుంది. సిల్క్ దిండు కవర్ వాడటం వల్ల ఫ్రిక్షన్ తగ్గి జుట్టు మెత్తగా మెరుస్తుంది.

తలస్నానం రోజూ చేయడం వల్ల తల చర్మం సహజ తేమ కోల్పోతుంది. ఇది జుట్టు పొడిబారే పరిస్థితికి దారి తీస్తుంది. వారానికి రెండు లేదా మూడుసార్లు తలస్నానం చేయడం సరైన మార్గం.

బయటి సంరక్షణతో పాటు లోపలి శక్తినిచ్చే ఆహారాన్ని తీసుకోవాలి. గుడ్లు, గ్రీన్ లీఫీలు, నాటు మినప్పప్పు, డ్రై ఫ్రూట్స్ వంటి వాటిలో ఉండే ప్రోటీన్, ఐరన్, జింక్, బయోటిన్, ఒమేగా 3 వంటి పోషకాల వల్ల జుట్టు బలంగా పెరుగుతుంది.

పొడవైన జుట్టు కోసం ఖరీదైన ప్రోడక్ట్స్ వాడాల్సిన అవసరం లేదు. ఇంట్లోని సహజసిద్ధమైన మార్గాలే చాలు. వీటిని నిత్యజీవితంలో భాగంగా చేసుకుంటే.. తక్కువ కాలంలోనే ప్రకాశవంతంగా మెరిసే జుట్టు పొందవచ్చు.