ప్లాస్టిక్ డబ్బాల్లో ఈ వస్తువులను పెడుతున్నారా..? ఎంత డేంజరో తెలుసా..?

తోలుతో చేసిన వస్తువులు (జాకెట్లు, బ్యాగులు, బెల్టులు లాంటివి) ప్లాస్టిక్ డబ్బాల్లో పెడితే తేమ వల్ల ముడతలు పడతాయి లేదా పాడైపోతాయి. అంతేకాదు పూర్తిగా పాడయ్యే అవకాశం కూడా ఉంది. ఈ రకం వస్తువులను ఎండ తగలకుండా ఉండే డబ్బాల్లో పెట్టాలి. బల్బులు, ఛార్జర్లు, పవర్ బ్యాంకులు లాంటి చిన్న ఎలక్ట్రానిక్ వస్తువులను ప్లాస్టిక్ డబ్బాల్లో పెడితే వేడి ఎక్కువైనప్పుడు ప్రమాదాలు జరిగే అవకాశం ఉంది. ముఖ్యంగా తడిగా ఉండే చోట ఇలా పెడితే అవి పని చేయకుండా పోవచ్చు. కాబట్టి వీటిని ఎప్పుడూ పొడి డబ్బాల్లో లేదా వాటికి సరిపోయే చోట్లలోనే ఉంచాలి.

ఇంటిని శుభ్రం చేసే వస్తువులు హెయిర్ డైలు, క్లీనింగ్ ద్రవాలు లాంటివి ప్లాస్టిక్ డబ్బాల్లో పెడితే ఉష్ణోగ్రత మారినప్పుడు రసాయన మార్పులు వస్తాయి. ఇది వాటి గుణాన్ని మార్చడమే కాకుండా చెడు వాసనలు వచ్చేలా చేస్తాయి. వాటిని పీల్చడం వల్ల ప్రమాదం కూడా ఉంది.

మిగిలిపోయిన ఆహారాన్ని మనం సాధారణంగా ప్లాస్టిక్ డబ్బాల్లో పెడతాం. కానీ వేడి ఎక్కువైనప్పుడు ప్లాస్టిక్‌ లో ఉండే బిస్ఫినాల్-ఎ (BPA) అనే పదార్థాలు ఆహారంలోకి కలవచ్చు. ఇది ఎక్కువ కాలం వాడితే శరీరానికి చాలా హాని చేస్తుంది. దీనికి బదులుగా గాజు లేదా స్టీల్ డబ్బాలు వాడటం చాలా మంచిది.

తడిగా ఉన్న బట్టలు లేదా వస్తువులను అలాగే ప్లాస్టిక్ డబ్బాల్లో పెడితే వాటిలో బూజు పట్టే అవకాశం ఉంటుంది. ఇది చెడు వాసనతో పాటు ఆరోగ్య సమస్యలకు దారితీస్తుంది. కాబట్టి తడి వస్తువులను పూర్తిగా ఎండిన తర్వాత మాత్రమే డబ్బాల్లో పెట్టాలి.

పాత బ్యాటరీలు, పవర్ సెల్స్‌ ను ప్లాస్టిక్ డబ్బాల్లో పెడితే వాటి మధ్య రాపిడి వల్ల వేడెక్కుతాయి. వాతావరణం మారినప్పుడు అవి లీక్ అయ్యే అవకాశం ఉంది. ఇది ఇంటికి నష్టం కలిగించవచ్చు. ప్రమాదానికి కూడా దారితీయవచ్చు.

ప్లాస్టిక్ డబ్బాలు చాలా సౌకర్యంగా ఉన్నా.. ప్రతి వస్తువును వాటిలో పెట్టడం సురక్షితం కాదు. మీరు వాటిని ఏ వస్తువులకు వాడుతున్నారో దానిని బట్టి ఆరోగ్యంపై ప్రభావం ఉంటుంది. మీ ఆరోగ్యం విషయంలో జాగ్రత్తలు తీసుకోవాలంటే.. గాజు, స్టీల్ పాత్రలను ఎక్కువగా వాడాలి. ఇది తేమను, రసాయన ప్రభావాలను, వేడిని సహజంగా తగ్గిస్తుంది.