మీ ఇంట్లో ఇవి ఎప్పుడూ ఉండాల్సిందే.. లేకుంటే లక్ష్మీదేవికి కోపం వస్తుంది జాగ్రత్త

ప్రతి ఒక్కరికీ తమ ఇంటిలో ఎల్లప్పుడూ సంతోషం, ఆరోగ్యం, ధనం ఉండాలని ఉంటుంది. కానీ మనం చాలా సార్లు తెలియక కొన్ని చిన్న చిన్న పొరపాట్లు చేస్తాం. ముఖ్యంగా వంటగదిలో కొన్ని ముఖ్యమైన వస్తువులు ఎప్పుడూ ఉండాలన్నది వాస్తు శాస్త్రం చెబుతోంది. ఇవి పూర్తిగా అయిపోతే ఆ ఇంట్లో ఆర్థిక ఇబ్బందులు, అనారోగ్య సమస్యలు, కుటుంబ కలహాలు వచ్చే అవకాశాలు పెరుగుతాయి. అందుకే వంటగదిలో కొన్ని పదార్థాలను ఎప్పటికీ పూర్తిగా అయిపోకుండా జాగ్రత్తగా ఉంచాలి.

ఇల్లు అంతా శాంతిగా, సజీవంగా ఉండాలంటే వంటగదిలో పరిశుభ్రత తప్పనిసరి. ఇది కేవలం వంటకాలకు సంబంధించిన స్థలం కాదు. ఇది గృహలక్ష్మి ఉన్న ప్రదేశం. వాస్తు శాస్త్రం ప్రకారం వంటగదిలో కొన్ని పదార్థాలు ఎప్పుడూ ఉంటే మంచిది. అవి ఏంటో ఇప్పుడు తెలుసుకుందాం.

పసుపు

పసుపు మన సంప్రదాయంలో పవిత్రమైన పదార్థంగా గుర్తింపు పొందింది. ఇది శుభానికి, ఆరోగ్యానికి, సానుకూల శక్తికి సంకేతం. వంటగదిలో ఇది పూర్తిగా అయిపోతే ఇంట్లో శుభత తగ్గుతుంది. ఇది మహిళల ఆరోగ్యంపై కూడా ప్రభావం చూపుతుంది.

ఉప్పు

ఉప్పు లేకుండా వంట ఉండదు. అదే విధంగా ఉప్పు జీవితంలో సత్సంబంధాలకు చిహ్నంగా పరిగణించబడుతుంది. ఇది కుటుంబ సంబంధాల్లో సన్నిహితతను సూచిస్తుంది. వంటగదిలో ఉప్పు లేకపోతే కుటుంబ సభ్యుల మధ్య విభేదాలు, అపార్థాలు మొదలవుతాయి. అందుకే ఇది ఎప్పటికీ ఉండేలా చూసుకోవాలి.

నీటి కుండ

వంటగదిలో శుద్ధమైన నీరు ఉండేలా చూసుకోవాలి. నీరు జీవానికి కీలకం. ఇది శక్తిని, ప్రశాంతతను కలిగించేది. నీటి కుండ లేకపోతే లేదా నీరు పూర్తిగా అయిపోతే అది జీవన సరళిలో ఇబ్బందులకు దారి తీస్తుందని వాస్తు సూచిస్తోంది. కనుక మంచి నీటి నిల్వ ఉండేలా జాగ్రత్త పడాలి.

బియ్యం

ఇది ప్రతి ఇళ్లలో మౌలికంగా ఉండే ఆహారం. కానీ ఇది లేకపోవడం పేదరికానికి సంకేతంగా భావిస్తారు. బియ్యం లక్ష్మీ దేవిని సూచించడమే కాకుండా శుక్రగ్రహానికి కూడా సంబంధించినది. వంటగదిలో బియ్యం పూర్తిగా అయిపోతుంటే ఆర్థిక ఇబ్బందులు రావచ్చు. అందువల్ల కొంతవరకూ నిల్వగా ఉంచుకోవడం అవసరం.

చక్కెర

చక్కెర తీపి జీవితం, ఆనందం, శాంతికి చిహ్నం. వంటగదిలో చక్కెర పూర్తిగా అయిపోతే ఇంట్లో మధురత తగ్గినట్టు భావిస్తారు. ఇది కుటుంబ సభ్యుల మధ్య సంబంధాలపై ప్రభావం చూపుతుంది. అందుకే ఇది ఎప్పుడూ ఉండేలా చూసుకోవాలి.

నెయ్యి

నెయ్యిని సంపద, శక్తికి ప్రతీకగా భావిస్తారు. ఇది శరీరానికి శక్తిని ఇచ్చే ఆహారం మాత్రమే కాకుండా మన ఇంటిలోని ఆర్థిక స్థిరత్వాన్ని సూచించేదిగా వాస్తు చెబుతోంది. ఇది లేనప్పుడు జీవితంలో పోరాటాలు ఎక్కువవుతాయని నమ్మకం. ఈ పదార్థాలను వంటగదిలో ఎప్పటికీ పూర్తిగా అయిపోకుండా జాగ్రత్తగా ఉంచుకుంటే.. మీ ఇంట్లో శుభం, ఆరోగ్యం, సంపద నిలకడగా ఉంటాయి.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)