ఉదయాన్నే ఈ పనులు చేస్తే రోజంతా ఫుల్ ఎనర్జీతో ఉంటారు..! ఈ స్మార్ట్ టిప్స్ మీ జీవితాన్నే మార్చేస్తాయి..!

మీరు రోజంతా ఉత్సాహంగా, శక్తివంతంగా ఉండాలంటే మంచి నిద్ర, ఉదయాన్నే లేవడం చాలా ముఖ్యం. నిద్ర అనేది మీ జీవితంలో అత్యంత అద్భుతమైన సమయంలా ఉండాలి. ఎటువంటి చింతలు లేకుండా గాఢ నిద్రలోకి జారుకోవడం వల్ల మీరు పూర్తిగా విశ్రాంతి పొందుతారు. అలాగే ఉదయం త్వరగా లేవడం వల్ల మీ ఏకాగ్రత, పనితీరు పెరుగుతాయి. ఒత్తిడి, డిప్రెషన్ వంటి సమస్యలు కూడా తగ్గుతాయని నిపుణులు చెబుతున్నారు.

రోజూ పాటించాల్సిన ఎనర్జీ టిప్స్

• ఒకే సమయానికి పడుకుని, లేవండి.. మీ శరీర గడియారం సమతుల్యంగా ఉండాలంటే ప్రతిరోజూ ఒకే సమయానికి పడుకుని, ఒకే సమయానికి లేవడానికి ప్రయత్నించండి. ఇది మీ నిద్ర చక్రాన్ని క్రమబద్ధీకరిస్తుంది.
• సూర్యరశ్మిలో ఉండండి.. ఉదయం నిద్ర లేచిన తర్వాత కొద్దిసేపు సహజమైన సూర్యరశ్మిలో గడపండి. ఇది మిమ్మల్ని మరింత చురుగ్గా మారుస్తుంది.
• తేలికపాటి ఆహారం తినండి.. రాత్రిపూట మంచి నిద్ర కోసం, తేలికపాటి ఆహారం తినండి. కెఫీన్ ఉండే డ్రింక్స్ లను (కాఫీ, టీ) రాత్రిపూట తాగడం మానుకోండి.
• ఉదయం వ్యాయామం చేయండి.. రక్తప్రసరణను, శక్తిని పెంచడానికి ఉదయం పూట తేలికపాటి వ్యాయామాలు లేదా స్ట్రెచింగ్ చేయండి.
• అలారం దూరంగా పెట్టండి.. మీ అలారం క్లాక్‌ని బెడ్‌కు కొద్దిగా దూరంగా ఉంచండి. అది మోగగానే మీరు లేచి ఆపాల్సి వస్తుంది. ఇలా చేయడం వల్ల నిద్రమత్తు వదిలి.. మళ్లీ పడుకోవాలనే ఆలోచన రాదు.
• నిద్రకు ముందు ఒక రొటీన్ పాటించండి.. నిద్రకు ముందు ఒక అలవాటును పెట్టుకోండి. ఉదాహరణకు మీకు ఇష్టమైన పుస్తకం చదవడం లేదా ధ్యానం చేయడం లాంటివి చేయండి. ఇది మీ శరీరం నిద్రకు సిద్ధం కావడానికి సంకేతం ఇస్తుంది.

నీళ్లు ఎక్కువగా తాగండి, మంచి బ్రేక్‌ఫాస్ట్ తీసుకోండి.. మెటబాలిజం, మానసిక స్థితిని మెరుగుపరుచుకోవడానికి రోజంతా తగినన్ని నీళ్లు తాగండి. అలాగే ఉదయం తేలికైన, ఆరోగ్యకరమైన అల్పాహారం తినండి. మీకు ఇష్టమైన పనులు (పాటలు వినడం, బయట నడవడం) ఉదయాన్నే చేయడం వల్ల రోజంతా ఉత్సాహంగా ఉంటారు.