మీ పిల్లలకు చాక్లెట్ కొనిస్తున్నారా..? ఇవి తింటే ఏమౌతుందో తెలుసా..? ఎంత డేంజరో తెలుసా..?

పిల్లలు ఏడుస్తున్నా.. ఏదైనా సాధించినా వారికి చాక్లెట్ ఇవ్వడం మనలో చాలా మందికి అలవాటు. కానీ ఇది వారి ఆరోగ్యానికి ఎంత ప్రమాదకరమో తెలుసా..? చాక్లెట్ వల్ల పంటి సమస్యలు మాత్రమే కాదు.. దీర్ఘకాలంలో ఇంకా చాలా తీవ్రమైన సమస్యలు వస్తాయని నిపుణులు హెచ్చరిస్తున్నారు.

ఎక్కువగా చాక్లెట్ తింటే ఏమౌతుందో తెలుసా..?

• అధిక బరువు.. చాక్లెట్‌ లో కాలరీలు ఎక్కువగా ఉంటాయి కానీ పోషకాలు తక్కువ. దీని వల్ల పిల్లలు వేగంగా బరువు పెరుగుతారు.
• మధుమేహం.. చాక్లెట్‌ లో చక్కెర ఎక్కువగా ఉండడం వల్ల ఇన్సులిన్ నిరోధకత పెరిగి చిన్న వయసులోనే టైప్ 2 మధుమేహం వచ్చే ప్రమాదం ఉంది.
• గుండె జబ్బులు.. చాక్లెట్‌లో ఉండే ట్రాన్స్ ఫ్యాట్స్, చక్కెర గుండెకు హాని చేస్తాయి. ఇది రక్తపోటును పెంచి ధమనుల్లో అడ్డుపడేలా చేస్తుంది.
• మూత్రపిండాల సమస్యలు.. కొన్ని చాక్లెట్లలో ఉండే సీసం, కాడ్మియం వంటి హానికరమైన లోహాలు మూత్రపిండాలను దెబ్బతీస్తాయి.
• జీర్ణ సమస్యలు.. చాక్లెట్‌ లో ఫైబర్ తక్కువగా, కొవ్వు ఎక్కువగా ఉండడం వల్ల జీర్ణక్రియ సరిగా జరగదు.
• నిద్రలేమి.. చాక్లెట్‌లో ఉండే కెఫీన్ కారణంగా పిల్లలకు రాత్రిపూట సరిగా నిద్ర పట్టదు. దీని వల్ల జ్ఞాపకశక్తి, ఏకాగ్రత తగ్గుతాయి.

ప్రమాదకరమైన పదార్థాలు

• చాక్లెట్ బార్లలో కేవలం చాక్లెట్ మాత్రమే కాదు.. ప్రమాదకరమైన పదార్థాలు కూడా ఉంటాయి.
• ఎక్కువ చక్కెర.. ఇది రక్తంలో చక్కెర స్థాయిలను వెంటనే పెంచుతుంది.
• కృత్రిమ రంగులు.. పిల్లలను ఆకర్షించడానికి వాడే ఈ రంగులు అలర్జీ, హైపర్ యాక్టివిటీకి కారణం కావచ్చు.
• ట్రాన్స్ ఫ్యాట్స్, ప్రిజర్వేటివ్స్.. ఇవి గుండె, కాలేయానికి హాని చేస్తాయి.

చాక్లెట్ అలవాటును ఎలా తగ్గించాలి..?

• తక్కువగా ఇవ్వండి.. రోజూ కాకుండా అప్పుడప్పుడు మాత్రమే చాలా తక్కువ మోతాదులో చాక్లెట్ ఇవ్వండి.
• ఆరోగ్యకరమైన ప్రత్యామ్నాయాలు.. చాక్లెట్‌కు బదులుగా పండ్లు, డ్రై ఫ్రూట్స్ లేదా ఇంట్లో తయారు చేసిన డార్క్ చాక్లెట్ లాంటివి ఇవ్వండి.
• పళ్లు తోమించడం.. పిల్లలు చాక్లెట్ తిన్న వెంటనే పళ్లు తోమించడం లేదా నీళ్లు తాగించడం అలవాటు చేయండి.

చాక్లెట్ పిల్లలకు ఆనందాన్ని ఇచ్చినా.. దాని వల్ల కలిగే ఆరోగ్య సమస్యలు చాలా ప్రమాదకరమైనవి. కేవలం పంటి సమస్యలు మాత్రమే కాదు.. అధిక బరువు, మధుమేహం, గుండె జబ్బులు వంటి దీర్ఘకాలిక సమస్యలు కూడా వచ్చే అవకాశం ఉంది. మీ పిల్లల భవిష్యత్తు ఆరోగ్యం మీ చేతుల్లోనే ఉంది. చాక్లెట్ అలవాటును క్రమంగా తగ్గించి వారి భవిష్యత్తును సురక్షితంగా మార్చండి.