మెహవిష్‌తో పీకల్లోతు ప్రేమలో దావూద్‌ ఇబ్రహీం

సాధారణంగా అండర్‌వరల్డ్‌ డాన్‌లు అమ్మాయిలకు దూరంగా ఉంటారు.. దావూద్‌ ఇబ్రహీం మాత్రం అలా కాదు.. అన్ని దుర్గుణాలతో పాటు ఈ అవలక్షణమూ ఉంది.. 1993లో ముంబాయిలో వరుస పేలుళ్లు సంభవించడానికి ముందు వరకు ఇతగాడు అక్కడే ఉన్నాడు.. ఆ పేలుళ్లకు పాల్పడిన దుష్టుడు ఇతడే! ఆ తర్వాత ఇక్కడ్నుంచి పారిపోయి ఉగ్రవాదులకు స్వర్గధామమైన పాకిస్తాన్‌ పంచన చేరాడు.. ముంబాయిలో ఉన్నంత కాలం బాలీవుడ్‌ హీరోయిన్లతో సంబంధాలు పెట్టుకున్నాడు.. హీరోయిన్లు కూడా భయంతో కాదనలేకపోయేవారు.

సరే ఇప్పుడూ …64 ఏళ్ల వయసులోనూ ఓ పాక్‌ సినీనటితో ప్రేమాయణం ఒలకబోస్తున్నాడు.. మూడేళ్లుగా మెహవిష్‌ హయత్‌ అనే సినీనటితో సంబంధం నెరపుతున్నాడనే వార్త గుప్పుమంది.. మొన్నీమధ్యనే పాకిస్తాన్‌ ప్రభుత్వం 2019 సంవత్సరానికిగాను ఆమెకు తమ్‌గా ఏ ఇంతియాజ్‌ అనే ప్రతిష్టాత్మక అవార్డును ప్రకటించింది. సినీ ఇండస్ట్రీలో ఈమె పెద్దగా పొడిచిందేమీ లేదు.. హీరోయిన్‌గా ఒరగబెట్టింది కూడా ఏమీ లేదు.. మరి ఈమెకు అవార్డు రావడమేమిటా అన్న సందేహం చాలా మందికి కలిగింది.. దావుద్‌తో సంబంధాలు పెట్టుకున్నదనే విషయం తెలిసాక సందేహం తీరింది.. దావూద్‌ గట్టిగా పట్టుబట్టి పెద్ద పెద్ద సినిమాల్లో ఆఫర్లు వచ్చేలా చేస్తున్నాడట కూడా! దావూద్‌ చెప్పాక కూడా ఆమెను సినిమాల్లో తీసుకోకుండా ఎలా ఉంటారు? కరాచీలోని ఓ విలాసవంతమైన భవనంలో హాయిగా కాలం వెల్లదీస్తున్న ఈ రసికశిఖామణి మెహవిష్‌ కోరికలన్నీ తీరుస్తున్నాడట! ఆమెకు కూడా ఓ ఖరీదైన బంగ్లా కొనిపెట్టాడట! దావూద్‌ పేరు చెప్పుకుని చక్కగా బతికేస్తున్నదట!