Vizag Airport: ఏపీ వాసులకు షాక్.. వైజాగ్‌‌కు ప్రముఖ ఎయిర్‌లైన్ సర్వీసులు రద్దు…
ఏపీకి పరిపాలనా రాజధానిగా విశాఖను చేసి అక్కడ నుంచి పాలన కొనసాగించాలని సీఎం వైఎస్ జగన్మోహన్ రెడ్డి సిద్ధం అవుతుండగా.. విశాఖ విమానయాన రంగానికి గట్టి ఎదురుదెబ్బ తగిలింది.
Ravi Kiran | Edited By: Team Veegam
Updated on: Feb 25, 2020 | 5:31 PM
Vizag Air Services: ఏపీకి పరిపాలనా రాజధానిగా విశాఖను చేసి అక్కడ నుంచి పాలన కొనసాగించాలని సీఎం వైఎస్ జగన్మోహన్ రెడ్డి సిద్ధం అవుతుండగా.. విశాఖ విమానయాన రంగానికి గట్టి ఎదురుదెబ్బ తగిలింది. తాజాగా రెండు విమాన సంస్థలు విశాఖ సర్వీసులను నిలిపివేయాలని నిర్ణయించుకున్నాయి. చెన్నై- వైజాగ్- చెన్నై, హైదరాబాద్- వైజాగ్- హైదరాబాద్ విమానాలు నడుపుతున్న ఇండిగో సంస్థ ఆ సర్వీసులను మార్చి 2వ వారం నుంచి రద్దు చేయనుంది.
Also Read: Lakhs Of Rupees For Old Coins And Notes
అలాగే కోల్‌కతా – వైజాగ్ మధ్య ఎయిర్ ఏషియా నడుపుతున్న విమానం కూడా రద్దయ్యింది. నిర్వహణ భారం అధికంగా ఉండటం వల్లే ఈ రెండు సంస్థలు విశాఖకు గుడ్ బై చెప్పినట్లు తెలుస్తోంది. అటు స్పైస్‌జెట్ కూడా విశాఖ-ఢిల్లీ- విశాఖ సర్వీసులను వారం రోజుల పాటు నిలిపివేసింది. కాగా, మార్చి 28 నుంచి విశాఖ – బెంగళూరు, విశాఖ- హైదరాబాద్ సర్వీసులకు అనుమతులు ఇవ్వాలని పలు దేశీయ విమానయాన రంగ సంస్థలు ఏఏఐకి ప్రతిపాదనలు పంపినట్లు తెలుస్తోంది. అయితే ఎయిర్ పోర్టు అథారిటీ ఆఫ్ ఇండియా నుంచి మాత్రం ఇంకా అనుమతి రావాల్సి ఉందని సమాచారం.
