స్టూడెంట్స్ అలెర్ట్.. ఆన్‌లైన్‌ క్లాసుల టైమింగ్స్ ఇవే.!

కరోనా వైరస్ వ్యాప్తి కారణంగా వాయిదాపడిన విద్యా సంవత్సరాన్ని(2020-21) సెప్టెంబర్ 1 నుంచి ప్రారంభించేందుకు తెలంగాణ సర్కార్ ప్రణాళికలు సిద్ధం చేస్తోంది. ఇందులో భాగంగానే ఆ రోజు నుంచి ప్రభుత్వ స్కూళ్లలోని విద్యార్థులకు ఆన్‌లైన్‌ క్లాసులు ప్రారంభం కానున్నాయి. ఇక దానికి సంబంధించిన షెడ్యూల్ ఈ విధంగా ఉంది.

• నర్సరీ, ప్రీ-స్కూల్ పిల్లలకు వారంలో 3 రోజుల పాటు, రోజూ 45 నిమిషాలు క్లాసులు జరగనున్నాయి.
• 1 నుంచి 5 తరగతులకు వారంలో 5 రోజులు, రోజుకు 3 సెషన్లు(ఒక్కో సెషన్ 30-45 నిమిషాలు, రోజూ 90 నిముషాలు) ఉంటాయి.
• 6 నుంచి 8వ తరగతి విద్యార్థులకు రోజుకు 4 సెషన్లు, 30-45 నిమిషాలు (5 రోజులు, రోజూ 120 నిమిషాలు) జరుగుతాయి.
• ఇక 9, 10 తరగతులకు 6 సెషన్లు, 30-45 నిముషాలు( 5 రోజుల పాటు, రోజూ 180 నిముషాలు) క్లాసులు జరగనున్నాయి.

అటు సెప్టెంబర్ 1 నుంచి ప్రభుత్వ కాలేజీల్లో కూడా ఆన్‌లైన్ క్లాసులు నిర్వహించాలని ఉన్నత విద్యామండలి ఉత్తర్వులు జారీ చేసిన సంగతి తెలిసిందే. దీని ప్రకారం ఇవాళ్టి నుంచి టీచర్లు, లెక్చరర్లు విధులకు హాజరు కానున్నారు. దూరదర్మన్, టీ-శాట్ ద్వారా డిజిటల్ క్లాసులు ప్రసారం కానున్నాయి.

Also Read: 

ఏపీ ప్రభుత్వం కీలక నిర్ణయం.. ఇంటర్ పరీక్ష రాయకున్నా పాస్.!

గుడ్ న్యూస్.. ఒక్క ఓటీపీతో ప్రీపెయిడ్ నుంచి పోస్ట్‌పెయిడ్‌కి..

తండ్రి కాబోతున్న విరాట్ కోహ్లీ..