OPPO: కొత్త ఫోన్ కొనాలనుకుంటున్నారా? అయితే లాంచ్ కానున్న ఈ క్రేజీ ఫోన్పై ఓ లుక్కేయండి!
కొత్త ఒప్పో K సిరీస్ (K15) ఫోన్ త్వరలో భారత్లో లాంచ్ కానుంది. ఇది బడ్జెట్-ఫ్రెండ్లీ 5G వేరియంట్లలో లభిస్తుందని అంచనా. ఫ్లిప్కార్ట్లో ప్రీ-రిజిస్ట్రేషన్ ప్రారంభమైంది. డ్యూయల్ కెమెరాలు, ఫ్లాట్ డిజైన్, మెరుగైన పర్ఫార్మెన్స్తో వస్తున్న ఈ ఫోన్ ధర, పూర్తి ఫీచర్లు అధికారికంగా వెల్లడి కావాల్సి ఉంది.
Updated on: Jan 30, 2026 | 5:42 PM
కొత్త ఫోన్ కొనాలని ప్లాన్ చేస్తున్న వారు అతి త్వరలో ఒప్పో నుంచి రాబోతున్న కొత్త ఫోన్పై ఓ లుక్కేయండి. ఈ ఫోన్ ఒప్పో K సిరీస్ నుంచి రానుంది. అయితే ఈ ఫోన్ లాంచ్ తేదీని ఒప్పో ఇంకా అధికారికంగా ప్రకటించలేదు. ఇప్పటి వరకు ఉన్న సమాచారం ప్రకారం ఈ K సిరీస్ మోడల్ మొత్తం రెండు వేరియంట్లలో రిలీజ్ అయ్యే అవకాశం ఉంది. బడ్జెట్-ఫ్రెండ్లీగా ఉంటుంది. ఒప్పో కొత్త K సిరీస్కు సంబంధించి ఫ్లిప్కార్ట్లో స్పెషల్ ప్రీ-రిజిస్ట్రేషన్ పేజీ కూడా అప్లోడ్ చేసింది. డ్యూయల్ రియర్ కెమెరాలు పిల్-ఆకారపు మాడ్యూల్లో కనిపిస్తున్నాయి. ఫోన్ బ్యాక్ సైడ్ అన్ని వైపులా ఫ్లాట్ డిజైన్ ఉంటుంది.
మిడ్-రేంజ్ ఫోన్లకు ప్రస్తుతం ఇదే ట్రెండ్ నడుస్తోంది. ఒప్పో K13 సిరీస్ నెక్స్ట్ వెర్షన్ ఒప్పో K15 సిరీస్ పేరుతో ఈ కొత్త మోడల్ వచ్చే అవకాశం ఉందని భావిస్తున్నారు. ఎప్పటిలాగే కంపెనీ పర్ఫార్మెన్స్, బ్యాటరీ లైఫ్, స్పీడ్ ఛార్జింగ్పైనే ఫోకస్ పెడుతోంది. ఒప్పో K13 5జీ ఫోన్ ఏప్రిల్ 2025లో లాంచ్ అయింది. 6.7-అంగుళాల ఫుల్ HD+ అమోల్డ్ డిస్ప్లే, 120Hz రిఫ్రెష్ రేట్, 1,200 నిట్స్ బ్రైట్నెస్, స్నాప్డ్రాగన్ 6 జెన్ 4 చిప్సెట్, 7,000mAh బ్యాటరీ 80W ఫాస్ట్ ఛార్జింగ్ ఆప్షన్ అందిస్తుంది.
జూన్ 2025లో ఒప్పో K13x 5జీ ఫోన్ 6.67-అంగుళాల ఎల్సీడీ డిస్ప్లే, 120Hz రిఫ్రెష్ రేట్, 1,000 నిట్స్ బ్రైట్నెస్, మీడియాటెక్ డైమెన్సిటీ 6300 చిప్, 6,000mAh బ్యాటరీ 45W ఛార్జింగ్ ఉన్నాయి. ఫ్లిప్కార్ట్ పేజీలో ఒప్పో K15 సిరీస్ త్వరలో భారత మార్కెట్లో లాంచ్ అయ్యే అవకాశం ఉంది. అయితే ఈ కొత్త ఫోన్కు సంబంధించి మరిన్ని వివరాలు ధర, పూర్తి ఫీచర్లు వంటివి త్వరలోనే అధికారికంగా ప్రకటించే అవకాశం ఉంది.
మరిన్ని టెక్ వార్తల కోసం ఇక్కడ క్లిక్ చేయండి
